Amosi 4:6 - Baibuli Ekibono kya Katonda 2014

⁶ “Ninze eyabasindikira endhala mu bibuga byaimwe byonabyona, emere yaabula buli ghantu woonawoona. Aye era mwaloba okwira ye ndi.

Amosi 4:6 ပူးပေါင်းရင်းမြစ်များ

1 Bakyabazinga 17:1

Agho Eliya Omutishube ow'e Tishube, eky'omu Gileadi, yaakoba kyabazinga Ahabu ati: “Ndayira mu Musengwa Katonda wa Isiraeli, Katonda oyo omulamu ye mpeereza, nti bwenebwene tighaidha kubangagho musulo waire amaadhi mu myaka gino, okutoolaku nga nkobye nti bibeegho.”

1 Bakyabazinga 18:2

Kale Eliya yaaja yeeyoleka y'Ahabu. Olwo endhala yali eri kuluma inho mu Samaria.

2 Bakyabazinga 4:38

Agho Elisha yaira e Giligali ng'endhala egwire. Ab'omu kikunsu eky'abalanzi bwe baali batyaime mu maiso ge, yaakoba omugheereza we ati: “Taaku entamu enene ofumbire abalanzi abo eby'okulya.”

2 Bakyabazinga 8:1

Elisha yali akobye omukazi Omushunami mwene mwana Elisha oyo ye yaizaamu obulamu, ati: “Kola oje n'ab'endhu yo, obone y'onaaghanga okusenga, kuba Musengwa Katonda aja kusindika endhala ku nsi emale emyaka musanvu ng'eri kuluma.”

2 Ebyomubyanda 28:22

Kyabazinga Ahazi oyo, ni mu kiseera kye yabeeramu mu buzibu, yeeyongera bweyongere okukola ebibi eri Musengwa Katonda.

Isaia 26:11

Wo Musengwa Katonda, iwe ogalwire omukono gwo okubabonereza, aye era ekyo tibakibona naire. Kale iwe babonereze obaswaze nga bwe weesoomera okukola abazigu bo. Balage nga bw'olumirwa abantu bo.

Isaia 3:1

Bona eno, Musengwa Katonda Afuga Amagye aja kutoola mu Yerusalemu ni mu Buyudaaya, kiisi kintu ekisobozesa abantu okuba abalamu: Aja kutoolagho emere yoonayoona, atoolegho n'amaadhi goonagoona.

Isaia 9:12

Abasiria baliva e buvandhuba n'Abafilisiti baava e bugwandhuba, baayasamya eminwa gyaibwe okumira Isiraeli. Aye waire ng'ebyo bimaze okubaagho, obusungu bwa Musengwa Katonda oyo bulisigala nga bukaaligho. Era alisigala ng'akaagalwire omukono gwe okubabonereza.

Isaia 9:13

Waire nga Musengwa Katonda Afuga Amagye yabonereza Abaisiraeli, aye era Abaisiraeli abo tibeeneniaku, waire okukyuka okwira y'ali.

Yeremia 14:18

Bwentambula ni njaaku eyo mu byalo, mbona mirambo gy'abaitirwa mu lutalo. Bwenhingira mu bibuga, mbona bantu bali kulambuka ndhala. Abalanzi ni bakabona bakola emirimo gyaibwe nga buliidho mu nsi, aye bazira kye baidhi.”

Yeremia 5:3

Wo Musengwa Katonda, bwenebwene iwe onoonia mazima. Wabakuba aye baaloba kuwulira, waabatyankatyanka kwenda kubazikiriza, aye baaloba kweiraku. Baakalangusa emyoyo gyaibwe okusinga n'olubaale baaloba kwenenia naire.

Ezekieli 14:21

Agho ni Musengwa Katonda akoba ati: “Bwenebwene tikirisingagho inho bwe ndisindika ku Yerusalemu ebibonerezo byange ebina ebikakali: olutalo, endhala, ensolo edh'akabi, n'endwaire ya kawumpuli, okuja okukiitamu abantu n'ensolo?

Ezekieli 16:27

“Kale buti ngalwire omukono gwange okubabonereza. Era nja kukendeeza ku mugabo gwo, nkugheeyo y'abazigu bo Abafilisiti abakweguguna obwegugune, era abeesinwa eira ebikolwa byo eby'obwenzi.

Hosea 11:5

Baliirayo e Misiri, kyabazinga w'e Assiria yaabafuga, kuba baaloba okwira ye nze.

Hosea 5:15

Ndiirayo mu kifo kyange ye mba, okutuusa lwe baliikiriza ni baatula ebibi byaibwe era ni baanoonia ye ndi. Bwe baliba mu kudaagadaaga kwaibwe baliinoonia ye ndi.

Yoeli 1:16

Ebirime byaife babizikiriiza nga tulingiriire tuti, n'eisanhu lyawaagho mu isinzizo lya Katonda waife.

Abalevi 26:23

“Ebibonerezo ebyo era bwe binaalemwanga okubaiza ye ndi, ni mwongera okukola empwitu,

Abalevi 26:26

Ndidha kubasindikiranga endhala, emere yaimwe ekendeere, abakazi eikumi babe nga beetaaga bwa ziiko ndala yonka okufumbiramu emigaati egirigho. Banaagibapimiranga bupimire mwagirya gyonagyona, aye ate mwaloba kwiguta.

Haggai 2:17

Nasindikanga empewo ensu yaavulusa ebirime byaimwe byonabyona, era naasindikanga n'omugozi gwabifungalaza, aye era mwaloba okwenenia.

Amateeka Agokubiri 28:38

“Mwidha kusiganga ensigo kamaala mu nimiro, aye mwidha kukungulanga kitono, kuba enzige dhiidha kulyanga ebirime byaimwe.

Okwolekebwa 2:21

Namugha ekiseera okwenenia aye yaloba okuleka obudankaanu bwe.

Ruthi 1:1

Eira einho, ensi Isiraeli ng'efugibwa balamuzi, endhala yagwa mu nsi eyo Isiraeli. Ghaabaagho omusaadha ow'e Bethelehemu eky'omu Buyudaaya, yaalumuka mu nsi eyo Isiraeli yaaja yaasenga mu nsi Moabu. Yaja ni mukazi we ni batabane baibwe babiri.