Amosi 4:13 - Baibuli Ekibono kya Katonda 2014

¹³ A! Katonda n'eyawumba ensozi era yaatonda empewo. Amanhisa abantu ebiri mu mwoyo gwe. Ogubaire omusana abufuula obwire. Atambulira ghaigulu ng'ensi emuli ghansi. Eriina lye ni Musengwa Katonda Afuga Amagye.

Amosi 4:13 ပူးပေါင်းရင်းမြစ်များ

Yobu 9:7

Alobera endhuba okuvaayo; yaaghemba ku muunienie dhaaloba kwaka.

Zabbuli 135:7

Oyo n'asitusa ebire okuva ensi y'ekoma n'asindika olukuba mu maadhi agali kugwa, era n'atoolayo empewo ng'oti n'omuntu bw'atoolayo ebintu bye mu byagi.

Zabbuli 139:2

Oidhi bye nkola byonabyona; otegeera bye ndowooza waire ng'oli ghala.

Zabbuli 147:18

Agho yaalagira omugozi gwasaanuuka era yaatuma empewo, amaadhi gaakuuluula.

Zabbuli 65:6

Iwe wataagho ensozi olw'amaani go, kuba oli wa maani mangi.

Okuvaayo 10:22

Kale Musa yaagololera omukono y'eigulu, memale ghaidhagho enzikiiza ere yeene eri bedimudimu, yaagema ku nsi Misiri okumala enaku isatu.

Okuvaayo 14:20

agho kyaba nga kiri ghagati gh'Abaisiraeli n'Abamisiri. Ekire ekyo kyakolera Abamisiri enzikiiza, aye kyagha Abaisiraeli obutangaavu. Obwire obwo bwabita nga ebikunsu byombi tibituukagaineeku.

Isaia 40:12

Naani eyaali apimyeku obungi obw'amaadhi g'enhandha ng'agasenesa bwa ngalo dhe? Oba okupima eigulu ng'akozesa bwa mikono gye? Naani eyaali apimyeku obungi obw'enkungu eri ku nsi? Oba okuta ensozi n'obusozi ku minzaani okubipima?

Isaia 45:7

Ninze ndeetagho obutangaavu era ninze ndeetagho n'enzikiiza; ninze ndeetagho enkabi era ninze ndeetagho n'akabi. Nze Musengwa Katonda, ninze nkola ebyo byonabyona.

Isaia 47:4

Eriina ly'Omununuzi waife, ni Musengwa Katonda Afuga Amagye, era oyo n'Omutukuvu wa Isiraeli.

Isaia 48:2

Era mweyeta ba mu kibuga ekitukuvu, abeesiga Katonda wa Isiraeli, eriina lye nga ni Musengwa Katonda Afuga Amagye.

Isaia 5:30

Olunaku olwo bwe lulituuka, baliwologomera mu Isiraeli, ng'oti n'enhandha bw'ewolomboka. Omuntu bw'aliringirira ensi eyo, alibona nzikiiza na nnaku byonka, ng'ebire bikingiriiza omusana, enzikiiza yaidha.

Yeremia 10:13

Bw'alagira, amaadhi ku igulu gadudumuka, era asitusa olufu ku ndhuyi dhoonadhoona edh'ensi. Aleetera olukuba okughemya ng'amaadhi gali kugwa, era yaatoolayo empewo mu materekero ge, yaagireeta.

Yeremia 10:16

Aye Katonda wa Yakobo tali ng'oti ni byene, kuba n'eyakola ebintu byonabyona. Era yaalonda Isiraeli okuba eighanga erirye ku bubwe. Eriina lye ni Musengwa Katonda Afuga Amagye.

Yeremia 13:16

Mughe Musengwa Katonda waimwe ekitiisa ng'akaali kuleeta nzikiiza ni mwekontola ku nsozi. Era nga n'obutangaavu bwe mwasuubira akaali kubufuula nzikiiza eri bedimudimu.

Yeremia 46:18

Nze Musengwa Katonda Afuga Amagye, ninze kyabazinga, era ninze Katonda omulamu. Ng'olusozi Tabori bwe lweruupiise ghaigulu okusinga ensozi edhindi dhoonadhoona, era ng'olusozi Karumeli bwe lugungumaire ku mbali kw'enhandha, n'amaani g'oyo aja okubalumba imwe gatyo bwe galisinga ag'omuntu owundi yeenayeena.

Yeremia 51:16

Bw'alagira, amaadhi ku igulu gadudumuka, era asitusa olufu ku ndhuyi dhoonadhoona edh'ensi. Aleetera olukuba okughemya ng'amaadhi gali kugwa, era yaatoolayo empewo mu materekero ge, yaagireeta.

Yeremia 51:19

Aye Katonda wa Yakobo tali ng'oti ni byene, kuba n'eyakola ebintu byonabyona. Era yalonda Isiraeli okuba eighanga erirye ku bubwe. Eriina lye, ni Musengwa Katonda Afuga Amagye.

Danieli 2:28

Aye ghaligho Katonda mu igulu ayoleka ebyama. Oyo n'ali kukumanhisa ebija okubaagho mu biseera eby'oluvainhuma. Mpegaano ni, ka nkukobere kye wabona mu kirooto ng'otendwike mu buliri bwo.

Danieli 2:30

Katonda, nze yandholeka ekyama ekyo ti lwa kuba nga ninze nsinga okuba omugezi mu bantu abandi boonaboona abalamu, aye lwa kuba yayenda akumanhise amakulu ag'ekirooto kyo era otegeere ebidhuubo ebyakwidhira mu mwoyo gwo.

Hosea 12:6

Kale imwe baidhukulu ba Isiraeli, mwire ye Katonda waimwe oyo aidha kubayambanga. Mwekalangulenga okugonzania n'okukola amazima. Era aghazira kukoogha naire, muteegererenga okubona ky'anaabakoleranga.

Yoeli 2:2

Luliba lunaku nga lwa kifu era nga lwa kazigizigi, olwidhwire ebire ebyereere ku igulu n'enzikiiza agemye bedimudimu! Eigye eikologho ery'enzige liiryo liri kwidha, nga libuutikiire ensozi ng'oti nzikiiza. Tighabangaghooku nzige dhaaga n'edho bungi, era tidhiribaagho kabiri ebyanda n'ebyanda.

Amosi 3:13

Musengwa Katonda afuga amagye akoba ati: “Muwulire bino era mulabule baidhukulu ba Yakobo:

Amosi 5:27

ku lunaku lwe ndibaghaayo okutwalibwa mu bunhage mu nsi eri eyo ng'omaze okubisa Damasiko.” Atyo Musengwa Katonda bw'akoba, ayetebwa eriina, “Katonda Afuga Amagye.”

Amosi 5:8

Musengwa Katonda n'eyakola emuunienie edheetebwa Puleyadesi ni Orioni. Oyo afuula aghabaire enzikiiza ni ghaaka akasana. Yairugaza obubaire omusana bwafuuka bwire. Era yaayetesa amaadhi ag'omu nhandha yaagafuka ku bukalu. Eriina lye ni Musengwa Katonda.

Amosi 6:8

Musengwa Katonda afuga amagye, alayiire ati: “Neesiniirwa okwekuluntaza kw'Abaisiraeli, era endhu dhaibwe edhibeeyagaza tidhiinhoonha naire. Kye ndiva ni mpaayo ekibuga kyaibwe ekikulu n'ebikirimu byonabyona eri abazigu baibwe.”

Amosi 8:9

Ku lunaku olwo, ndiragira endhuba yaagwa mu kasana ghagati, era naasindika enzikiiza yaagema ku nsi.” Musengwa Katonda atyo bw'akoba.

Amosi 9:6

Musengwa Katonda oyo azimba endhu ye eyo ghaigulu mu igulu, era ghaigulu gh'ensi yataagho eibanga. Yaayetesa amaadhi ag'omu nhandha, yaagafuka ku bukalu. Eriina lye ni Musengwa Katonda.

Mika 1:3

Bona eno, Musengwa Katonda aja kuva mu kifo kye ekitukuvu aidhe. Era bw'aliidha aja kutambulira ku nsozi.

Habakkuku 3:19

Musengwa Katonda n'ampa amaani, yaagumya ebigere byange ku itaka oti bya mpongo, yankuuma naaloba kutyerera ku nsozi kugwa.

Zekaria 12:1

Buno n'obukwenda bwa Musengwa Katonda obugema ku Isiraeli. Musengwa Katonda oyo n'eyabambagho eigulu, yaatonda n'ensi, era yaagha abantu obulamu. Era akoba ati:

Matayo 9:4

Aye Yesu yategeera ebidhuubo byaibwe, yaakoba ati: “Lwaki muba n'ebidhuubo ebibi bityo?

Yoanne 2:25

Kyali tikyetaagisa kubaagho amukobera ebifa ku muntu, kuba yali ng'aidhi ebiri mu myoyo egy'abantu.

Yoanne 3:8

Empewo efuuwa yaalaga y'eyenda, waawulira empiriito aye nga toidhi y'eva oba y'eja. Kityo bwekiri ku buli muntu azaalibwa Mwoyo.”

Amateeka Agokubiri 32:13

Yabagha okuba mu nsi ey'ensozi, baalya emere erimiibwa mu nimiro. Baayagaananga omudheenene gw'endhuki mu mbaale, emiti gyaibwe emyoliva gyabalira mu itaka ery'olubaalebaale.

Amateeka Agokubiri 33:29

Weesiimye iwe Isiraeli! Naani ali ng'oti niiwe, eighanga erirokolebwa Musengwa Katonda? Musengwa Katonda mwene n'engabo yo era n'empiima yo, oyo n'akugha obughanguzi. Abazigu bo baliidha nga bakweghemba obagemerwe ekivunika, era iwe olibaniinaku.”