Amosi 3:15 - Baibuli Ekibono kya Katonda 2014

¹⁵ Nja kuzikiriza endhu dhe babaamu mu biseera eby'ekiinhogogo, ni dhe babaamu mu biseera eby'akasana. Endhu dhe baazimba n'amasanka dhija kusaanagho, n'endhu enkologho dhija kuzikirizibwa.”

Amosi 3:15 ပူးပေါင်းရင်းမြစ်များ

1 Bakyabazinga 22:39

Ebindi byonabyona Ahabu bye yakola, n'endhu ye yazimba n'agitimba n'amasanka, n'ebibuga byonabyona bye yazimba, byaghandiikibwa mu Kitabo ky'Ebyomubyanda bya Bakyabazinga ba Isiraeli.

Zabbuli 45:8

Ebivaalo byo biwunha kawoowo ka mirra, alowe ni kassia. Entongooli n'endingidi dhivuga dhaakusanhusa mu bisaagaati ebidholige n'amasanka.

Isaia 5:9

Mpuliire Musengwa Katonda Afuga Amagye ng'akoba ati: “Bwenebwene endhu kamaala dhirifuuka bifulukwa, endhu enkologho era edhiboneka obulungi dhirisigala ndhereere omuzira bantu.

Yeremia 36:22

Gwali mwezi gwa mwenda, nga kyabazinga atyaime mu ndhu ye y'abaamu mu biseera eby'ekiinhogogo, ng'ali kwota muliro.

Amosi 2:5

Kale nja kusindika omuliro gwokye Abayudaaya abo, era gusenkeenhe ebifo byaibwe eby'okwewogomamu eby'omu Yerusalemu.”

Amosi 3:11

Kyova abazigu baliidha baazingiza ensi yaibwe, baamenhamenha ebimante byaibwe ebigumu era baanhaga eby'omu ndhu dhaibwe.”

Amosi 5:11

Mutuntuza abaavu, era mwabakaka babaghe imwe engaano yaibwe. Kale ni waire mwazimba endhu edh'amabaale amabaadhe edh'omulembe, timulidhisulamu. Waire mwasimba amasamba ag'emizabbibu agasanhusa, timuja kunhwa ku mwenge gwamu

Amosi 6:11

Bona eno, Musengwa Katonda bw'aliragira, endhu enkologho n'edho entono dhija kumenhebwamenhebwa dhisigale bumulumulu.

Malaki 1:4

Abantu Abaedomu baidhukulu ba Esau, basobola okukoba bati: “Waire endhu dhaife baadhimenhamenha, tuliiramu twadhizimba twadhiizaagho.” Aye Musengwa Katonda Afuga Amagye akoba ati: “Baleke bazimbe, aye era nja kudhimenhamenha, okutuusa bwe balyetebwa ‘Eighanga ery'abakozi b'ebibi’, era ‘Abantu Musengwa Katonda be yasungughalira okuva eira n'eira, ebyanda n'ebyanda.’ ”

Abalamuzi 3:20

Agho kyabazinga bweyali ng'atyaime yenka mu kisenge kye ekiwolu eky'okuwuumuliramu ku ngulu ku ndhu ye, Ehudi yaidha y'ali. Yaamukoba ati: “Ndi n'obukwenda bwo obuviire ye Katonda.” Kyabazinga yaasituka ku kityamo kye.