Amosi 3:12 - Baibuli Ekibono kya Katonda 2014

¹² Musengwa Katonda akoba ati: “Ng'omwayi w'entaama bw'awoniagho amagulu abiri obubiri, oba akatundu obutundu aka kutu, n'Abaisiraeli ababa mu Samaria boona batyo bwe baliwonezebwa n'ensonda ey'omwito, n'akatundu ak'obuliri.”

Amosi 3:12 ပူးပေါင်းရင်းမြစ်များ

1 Bakyabazinga 20:30

Abaawonagho baalumukira mu kibuga Afeki. Eyo ate ekimante eky'oku kibuga kyagwa ku baisirukale emitwalo ebiri na kasanvu (27,000). Benihadadi yeena yaalumuka, yaaja mu kibuga, yeegisa mu kisenge eky'omunda.

1 Bakyabazinga 20:34

Agho Benihadadi yaakoba Ahabu ati: “Ebibuga lata wange bye yanhaga ku lata wo, nze ndidha kubikwiriza. Era oidha kuba wa idembe okwezimbira obutale mu Damasiko, nga lata wange bwe yeezimbira mu Samaria.” Ahabu yaamukoba ati: “Ku kakalu ako, ndidha kukuleka oje.” Agho yaakola naye endagaano, yaamuleka yaaja.

1 Bakyabazinga 22:25

Mikaia yairamu ati: “Mu butuufu, ekyo olikimanha ku lunaku lw'olingira mu kisenge eky'omunda okwegisa.”

2 Bakyabazinga 16:9

Kyabazinga w'e Assiria yaikiriza, yaaja yaalumba ekibuga Damasiko yaakigema, yaita kyabazinga Rezini, era yaatwala abantu baayo e Kiri nga banhage.

Zabbuli 132:3

Yakoba ati: “Tiidha kuja ka, waire okungira mu buliri bwange;

Isaia 17:7

Olunaku olwo bwe lulituuka, abantu balita omwoyo ku Mutonzi waibwe, n'amaiso baagakyukiza eri oyo Omutukuvu wa Isiraeli.

Isaia 31:4

Agho Musengwa Katonda yankoba ati: “Abaayi ab'ensolo bwebaidha abangi okulumba empologoma eri n'ensolo y'eyiize, tibasobola kugitiisatiisa ni bwe bawowoigana okwekutula. Kale ninze Musengwa Katonda Afuga Amagye, zeena ntyo bwe ndirwanirira olusozi Sioni, nga ghazira kindobera naire.

Isaia 8:4

kuba omwana oyo aliba akaali na kwega kweta ati ‘Baaba’ oba ati ‘Maama’, ng'obukombe bw'e Damasiko n'ebintu byonabyona Samaria bye yanhaga, byamala ira okutwalibwa kyabazinga w'e Assiria.”

Amosi 6:4

Mukagwireku imwe abalambaala mu buliri obw'amasanka, era mwegolomola mu miito, nga muli kulya emamba ye mutoire mu bisibo byaimwe eno ya ntaama, kabiri ere ya nte.

Amosi 9:8

Bona eno, nze Musengwa Katonda ntaire eriiso lyange ku bwakyabazinga bwaimwe Abaisiraeli obwonooni. Era ndidha kubuzikiriza buve ku nsi kuno. Aye tiidha kuzikiriza nda ya Yakobo kugimaliriragho.