Amosi 2:9 - Baibuli Ekibono kya Katonda 2014

⁹ “Ate nga ku lwaibwe nze nazikiriza nasaaniagho Abamori, abaali abaleeyiriri ng'oti mivule era ab'amaani ng'oti n'emiti emikologho.

Amosi 2:9 ပူးပေါင်းရင်းမြစ်များ

Amainhama 15:16

Mu nsi eyo balibaayo ghaabitagho ense ina memale baira ghano, kuba tija kubingagho Bamori okutuusa nga beeyongeire okuba ababi einho okugwanira okubonerezebwa.”

1 Ebyomubyanda 1:14

era n'eyasimukamu Abayebusi, n'Abamori, n'Abagirigashi,

Yobu 18:16

Ali ng'oti muti ogukala okuviira irala ku mizi, okutuuka ghaigulu ku busanso bw'ensaga

Okuvaayo 3:8

era n'okwika mbawonie Abamisiri, mbatoole mu nsi eyo, mbatwale mu nsi enene, engimu era erimu ebirungi kamaala ensi omuli buti Abakanaani, Abahitti, Abamori, Abaperizzi, Abahivi, n'Abayebusi.

Okuvaayo 34:11

Mugondere kye ndi kubalagira olwaleero, ndidha kubinga ye muja, Abamori, Abakanaani, Abahitti, Abaperizzi, Abahivi n'Abayebusi.

Isaia 10:33

Bona eno, Musengwa Katonda Afuga Amagye alibaghanulayo ng'oti n'olusaga olutemeibwa ku muti ni lugwa. Abaleeyi abaawaiguka alibasuula ghansi, n'abeetwala okuba aba ghaigulu yaabaisa.

Isaia 5:24

Kale ni ng'omuliro bwe gumamula ebikaba, n'eisubi eikalu ni liya okuweekereragho, boona ebyo bye beesiga bwe birivunda, n'ebyo bye bakola byafuumuuka ng'oti nkungu; kuba baaloba amateeka ga Musengwa Katonda Afuga Amagye, baanhooma ekiragiro eky'Omutukuvu wa Isiraeli.

Ezekieli 17:9

“Kale nze Musengwa Katonda mbuuza nti: Omuzabbibu ogwo gulibaagho era gwakula? Enkookooma eyagusimba terigwiwululagho n'emizi gyagwo, n'egutemaku na nsaga dhaagwo, n'amakaba gaagwo amabisi ni ganiala? Tikiryetaagisa maani mangi, waire abantu kamaala okugwiwululagho n'emizi gyagwo.

Malaki 4:1

Musengwa Katonda Afuga Amagye akoba ati: “Olunaku luli kwidha abo abeetwala okuba aba ghaigulu n'abakozi ab'ebibi, lwe baliya ng'oti isubi ikalu. Ku lunaku olwo baliya ensaga n'emizi, okutuuka okuweekereragho.

Okubala 32:13

Agho obusungu bwa Musengwa Katonda bwatumbukira ku Baisiraeli ng'oti muliro, yaabaleetera okutambulatambula eyo batyo mu irungu okumala emyaka amakumi ana, okutuusa oluse olwo olwakola ebibi ye Musengwa Katonda bwe lwafa ni luwaagho.

Amateeka Agokubiri 1:28

Kifo ki kye tuli kujaamu ekyo? Banaife be twatumye yo, batumazeemu amaani nga bakoba bati abantu abaliyo bakologho era baleeyiriri okutusinga. Ebibuga byayo bikologho era byezungulwirwa ebimante ebigumu ebituuka ku igulu. Era bati baabonayo n'abantu Abanaki!’”

Amateeka Agokubiri 3:11

Kyabazinga ow'e Bashani oyo, Ogi, n'eyali akaasigairegho ku lulyo olw'Abarefa. Obuliri bwe nga bwa kyuma ekigumu einho. Bwali bugheza mita ina mu buleeyi, n'emita kumpi ibiri mu bugazi, ng'ojiira ku bipimo ebitongole abantu bye baapimisanga. Obuliri obwo bukaaliyo mu Rabba, ekibuga ky'Abamori.

Yoshua 10:12

Olunaku Musengwa Katonda lwe yagha Abaisiraeli obughanguzi ni baghangula Abamori, Yoshua yaakoba Musengwa Katonda ebibono bino, ng'Abaisiraeli boonaboona bawulira, ati: “Iwe endhuba yemerera agho e Gibeoni era tovaagho; n'iwe omwezi obe ghaigulu gh'ekiiko eky'e Aiyaloni.”

Yoshua 3:10

Bwe munaaja nga mweyongerayo emberi, mwidha kumanha nga Katonda oyo omulamu ali n'imwe, kuba aidha kuja ng'abingagho Abakanaani, Abahitti, Abahivi, Abaperizzi, Abagirigashi, Abamori n'Abayebusi.