Amosi 2:7 - Baibuli Ekibono kya Katonda 2014

⁷ Batyankirira abaavu ng'oti n'abatyankirira enkungu, baasindika ere abaghafu babaviire mu ngira. Omulenzi n'ise baja ku mukazi mulala, mu nsambo eyo baaba nga boonoona eriina lyange eitukuvu.

Amosi 2:7 ပူးပေါင်းရင်းမြစ်များ

2 Samueli 12:14

Aye olw'okuba wakola ekikolwa ekyo wanhooma inho Musengwa Katonda, omwana wo aidha kufa.”

1 Bakyabazinga 21:4

Ahabu yairayo ewuwe nga yeenhiinkaire era nga musungughavu olw'ebibono Nabothi ow'e Yezireeli bye yamukoba ati: “Tiidha kukugha mugabo gwa nsikirano ogwagheebwa badhaadha bange.” Ahabu oyo yaalambaala ku buliri bwe, yaalinga n'ere, era yaaloba n'okulya emere.

Ensambo 28:21

Omuntu okusaliriza kiba kibi, aye abantu bakikola olw'okufuna ke banaalya ni bwekaba katono katya.

Isaia 10:1

Mukagwireku imwe abataagho amateeka agatakolera ku mazima, ni mutaagho ebighandiiko ebireetera abantu okutuntuzibwa.

Isaia 10:2

Mulemesa abanaku okusalirwa emisango mu mazima, mwalemya abaavu okukolerwa ebituufu bye bagwaniire, mwanhaga ebintu bya banamwandu, n'ebya bamulekwa mwabinhaagaana.

Isaia 3:14

Musengwa Katonda aja kusalira omusango abakulembeze n'abakungu ab'abantu be, ati: “N'imwe omwamaliriragho amasamba g'emizabbibu, era endhu dhaimwe dhiidhwire bintu bye mwanhagulula ku baavu.

Isaia 3:15

Lwaki mufuutafuuta abantu bange, ni mutentenatentena abantu abaavu mutyo? Nze Musengwa Katonda Afuga Amagye, ninze ndi kubuuza.”

Ezekieli 22:11

Mu iwe mulimu abenda ku baka beene, mwabaamu abenda ku baka batabane baibwe, n'abenda ku baanhinaibwe abaana ba baiseibwe.

Ezekieli 36:20

Aye mu buli ighanga mwe baajanga, nga boonoona eriina lyange eitukuvu, abantu baatuuka n'okuboogeraku bati, ‘Bano n'abantu ba Musengwa Katonda, aye ate baava mu nsi ye!’

Hosea 4:14

Tiribonereza baghala baimwe nga bakoze obwamalaaya, waire okubonereza bakazi baimwe nga bakoze obwenzi; kuba n'imwe abasaadha beene muja n'abakazi bamalaaya ab'omu isabo, era mwabeeyimbaku mwaghaayo emisengo. Kale ni abantu abatategeera balizikirira.

Abalevi 18:15

Otabanga na muka mutabane wo mu buliri,

Abalevi 18:21

Otaghangayo waire omulala ku baana bo, okukozesebwa mu kusinza omusambwa Moleki, n'ovumagania eriina lya Katonda wo. Ninze Musengwa Katonda.

Abalevi 18:8

Otawemulanga lata wo ng'oba n'owundi ku bakazi be mu buliri.

Abalevi 20:3

Era zeena ndyefuulira omuntu oyo naamuboola naalekera agho okumubalira mu bantu bange, olw'okughaayo omwana we eri Moleki n'ayonoona Ekifo kyange Ekitukuvu, era n'ayonoona eriina lyange eitukuvu.

Amosi 4:1

Muwulire bino imwe abakyala ababa mu Samaria, abageedhie ng'oti n'ente edh'e Bashani. Mutuntuza abaghafu era mwakamula abaavu, mwalagira baibaimwe okubasombera ebitamiiza:

Amosi 5:11

Mutuntuza abaavu, era mwabakaka babaghe imwe engaano yaibwe. Kale ni waire mwazimba endhu edh'amabaale amabaadhe edh'omulembe, timulidhisulamu. Waire mwasimba amasamba ag'emizabbibu agasanhusa, timuja kunhwa ku mwenge gwamu

Amosi 5:12

kuba ndidhi ebibi byaimwe bwe byaga obungi, era naamanha emisango gye mwaiza bwe gyaga obunene. Mudaazadaaza abantu abatuufu, mwalya enguzi. Era mwafuulaniafuulania ensonga edh'abaghafu, mwabasaliriza mu mbuga dh'amateeka.

Amosi 8:4

Imwe abatyankirira abateeghanga era ni muzikiriza abaavu mu nsi eno, muwulire bino:

Mika 2:2

Bwe beegwaniza omusiri, nga bagunhaga, oba ndhu, nga batwala butwale. Era nga bwebabisa ebintu eby'omuntu, n'omuntu mwene yeena bwe bamubisa.

Mika 2:9

Mubinga abakazi ab'abantu bange mu ndhu dhaibwe mwe bawulirira eisanhu, mwalobera abaana baibwe okubona ku kitiibwa kyange ebyanda n'ebyanda.

Zefania 3:3

Abakungu mu kibuga omwo bali oti mpologoma edhiwologoma. Abalamuzi baamu baaba ng'oti n'emisege egiyiiga eigulo nga giri ndhala inho, ni gitalekaagho kagumba kusigala kubonebwaku nga bukyeire.

Ab'e Roma 2:24

Kyaghandiikibwa kiti: “Ku lwaimwe Abayudaaya eriina lyange livumibwa abamaghanga agandi.”

1 Ab'e Korintho 5:1

Bakoba mbu mu imwe mulimu obwenzi obubi einho obutaagaanibwa na mu bataikiriza Katonda ng'omuntu okweiriza muka ise!