Amosi 2:14 - Baibuli Ekibono kya Katonda 2014

¹⁴ Waire abalumusi einho mu imwe, embiro dhija kubabula, n'ab'amaani amangi gaja kubawaamu, n'abalwani ab'amaani einho tibaja kusobola kwewonia beene.

Amosi 2:14 ပူးပေါင်းရင်းမြစ်များ

Yobu 11:20

Aye ababi baidha kumagamaganga, babulwe obulumukiro. Eisuubi lyaibwe liri mu kufa.”

Zabbuli 33:16

Kyabazinga okuba n'eigye ery'amaani ti n'ekimuwonia okughangulwa, ate omulwani okuba n'amaani kamaala ti n'ekimuleetera okughangula.

Omulangirizi 9:11

Kabiri neetegereza eby'oku nsi, naabona nti omuntu omulumusi einho ti n'aghangula embiro edh'okusinganwa, ow'amaani ti n'aghangula olutalo, omugezi ti n'afuna eky'okulya, omutegeevu ti n'aba omukombe, n'omukugu ti n'afuna emirimo egya ghaigulu. Boonaboona bibagwaku bugwe

Yeremia 25:35

Muzira ghe mulirumukira imwe abakulembeze, waire okubaaku ghe muliwonera imwe abalabirira abantu.

Yeremia 39:4

Kyabazinga Zedekia n'abaisirukale be boonaboona bwe baabona ebigwiregho, baalumuka bave mu kibuga obwire. Baagema engira ebitira mu nimiro ya kyabazinga, baabita mu mulyango oguyimba ebimante ebibiri, baaja nga boolekeire ekiiko ekirimu omwiga Yorudani.

Yeremia 9:23

Musengwa Katonda akoba ati: “Abagezi balobe kwesuuta lwa magezi gaibwe, n'ab'amaani bateesuuta lwa maani gaibwe, waire abakombe okwesuuta olw'obukombe bwaibwe.

Amosi 5:9

N'oyo aleetera ab'amaani okuzikirira okw'ekibwatukira, n'ebifo byaibwe eby'okwewogomamu okusaanagho.