Amosi 2:12 - Baibuli Ekibono kya Katonda 2014

¹² Aye mwaleetera Abanaziri okunhwa omwenge era mwalobera abalanzi akukobera abantu obukwenda bwange.

Amosi 2:12 ပူးပေါင်းရင်းမြစ်များ

Isaia 30:10

Bakoba ababoni bati, ‘Mulekere agho okubonekerwa’ baakoba n'abalanzi bati, ‘Mutalanga bituufu bye mubonekeirwa. Aye mulange ebyo ebitunhoonha, ebitali bituufu naire era eby'obuguya.

Yeremia 11:21

Bino Musengwa Katonda by'akoba abantu ab'omu Anathothi, abenda okundhita nga bakoba bati: “Bw'onaalangirira mu liina lya Musengwa Katonda, twidha kukwita.”

Yeremia 35:5

Agho naata ensugha n'ebikopo mu maiso g'Abarekabu abo, nga biidhwire omwenge ogw'emizabbibu, era naabakoba nti: “Munhwe.”

Amosi 7:13

Aye ghano e Betheli otairayo kukoleragho bulanzi bwo, kuba ghano n'aghali ekifo kyabazinga mw'asinziza, era n'aghali eisinzizo ery'obwakyabazinga bwonabwona.”

Amosi 7:16

Buti ni wulira Musengwa Katonda by'akoba, iwe ali kunkoba ndekere okulanga ebivumirira Isiraeli, n'okukoba ebitali bikalamu ku baidhukulu ba Isaaka.

Mika 2:6

Abantu bankoba bati: “Totukobera ebyo. Omuntu tagwaine kukoba ku bintu oti n'ebyo. Musengwa Katonda taja kutubonereza na kutuswaza bwaga agho.

Okubala 6:2

“Koba Abaisiraeli oti omusaadha oba omukazi bw'aneeyamanga ku lulwe, ni yeeghaayo ye Musengwa Katonda afuukire irala owuwe ng'aba Munaziri,

Okubala 6:3

aidha kwesambanga okunhwa omwenge ogw'emizabbibu n'eby'okunhwa ebindi ebitamiiza. Era taanhwenga mubisi gwonagwona ogukunhiibwa mu mizabbibu, oba okulya ku muzabbibu gwonagwona, ka gube ogukaziibwa oba ogukaali kukazibwa.