Amosi 1:7 - Baibuli Ekibono kya Katonda 2014

⁷ Kale nja kusindika omuliro gwokye ekimante ekyezungulwire ekibuga Gaza, era gusenkeenhe ebifo byakyo byonabyona eby'okwewogomamu.

Amosi 1:7 ပူးပေါင်းရင်းမြစ်များ

2 Bakyabazinga 18:8

Yaaghangula Abafilisiti okutuukira irala e Gaza n'ebiketezo ebikyezungulwire, okuva ku kabuga akasembayo obutono okutuuka ku kibuga ekisingayo obunene.

2 Ebyomubyanda 26:6

Uzzia oyo yaaja yaalumba Abafilisiti, yaabalwanisa, yaamenhagho ebimante eby'oku bibuga, Gathi, ni Yabune, ni Ashidodi. Era yaazimba ebibuga mu biketezo by'e Ashidodi, n'aghandi mu nsi y'Abafilisiti.

Yeremia 47:1

Agho nga kyabazinga wa Misiri akaali kulumba Gaza, Musengwa Katonda yayogera ninze ebigema ku Filisitia.

Yeremia 47:5

Abantu b'e Gaza bamweire enviiri gha mberi ku mitwe gyaibwe gyaba ng'oti gya mpaata, olw'okunakughala! Ab'e Ashikeloni bafiire baasirika. Abanaki abakaasigairegho, balituusa li okwesalasala ku mibiri gyaibwe olw'okunakughala?

Ezekieli 30:8

Era bwe ndikukunaania omuliro ku nsi eyo, n'abo boonaboona ababaire bagiyambanga ni baweekereragho okufa, olwo balimanha nga ninze Musengwa Katonda.

Ezekieli 39:6

Ndikunaania ku nsi Magogi omuliro gwagyokya, era gwayokya n'abantu ab'omu biketezo eby'oku nhandha ababa mu miraala. Olwo balimanha nga ninze Musengwa Katonda.

Amosi 1:4

Kale nja kusindika omuliro gwokye ekisaagaati kya kyabazinga Hazaeli, era gusenkeenhe ebifo byonabyona eby'okwewogomamu ebya kyabazinga Benihadadi.

Amosi 1:6

Musengwa Katonda akoba ati: “Abantu ab'e Filisitia bakoze ebibi emikuzi kamaala. N'olw'ensonga eyo nteekwa buteekwe okubabonereza kuba baatwala abantu ab'eighanga eiramba nga banhage, baabatunda mu Edomu babe abairu.

Amosi 1:8

Era nja kuzikiriza abafuzi ababa mu bibuga Ashidodi ni Ashikeloni, era mbonereze ekibuga Ekuroni, n'Abafilisiti abaliba bawoniegho bazikirire.”

Zefania 2:4

Ekibuga Gaza kija kulekebwa agho kyereere, n'ekibuga Ashikeloni kyona kija kuwolongera. Abantu ab'omu kibuga Ashidodi baja kubingibwamu mu kitundu butundu kya lunaku. N'ekibuga Ekuroni kija kuzikirizibwa.

Ab'e Roma 12:19

Aboluganda, muteesasuulizanga ku muntu. Muleke Katonda mwene yeesasuuzenga, kuba kyaghandiikibwa kiti: “Okulwana enzigu kwange; ndyesasuuza, Musengwa atyo bw'akoba.”

Amateeka Agokubiri 32:35

kuba olunaku luli kumpi okutuuka, lw'alibeesasuulizaaku ng'ababonereza. Ekiseera kiidha kutuuka bagwe, era akabi kali kumpi inho okubagwira.