Amosi 1:6 - Baibuli Ekibono kya Katonda 2014

⁶ Musengwa Katonda akoba ati: “Abantu ab'e Filisitia bakoze ebibi emikuzi kamaala. N'olw'ensonga eyo nteekwa buteekwe okubabonereza kuba baatwala abantu ab'eighanga eiramba nga banhage, baabatunda mu Edomu babe abairu.

Amosi 1:6 ပူးပေါင်းရင်းမြစ်များ

2 Ebyomubyanda 28:18

Abafilisiti boona nga balumbye ebibuga eby'omu biketezo eby'omu biiko bya Buyudaaya. Baagema ebibuga bino era baabibaamu: Bethi Shemeshi, ni Aiyaloni, ni Gederothi, ni Soko ghalala n'ebyalo byakyo, ni Timuna ghalala n'ebyalo byakyo, ni Gimuzo ghalala n'ebyalo byakyo.

Yeremia 47:1

Agho nga kyabazinga wa Misiri akaali kulumba Gaza, Musengwa Katonda yayogera ninze ebigema ku Filisitia.

Ezekieli 35:5

Wali n'enzigu ku Baisiraeli ey'olubeerera, wabaghaayo okwitibwa mu lutalo mu kiseera kye baabeera mu kabi, ekiseera eky'okubonerezebwa kwaibwe okusembayo.

Yoeli 3:4

“Muli kugezaaku kunkola ki, imwe ab'e Tiro, n'ab'e Sidoni, n'ab'omu biketezo by'e Filisitia? Ghaligho kye muli kwenda okuneesasuulizaaku? Oba nga ekyo kye muli kwenda, nze mwene ndibeesasuulizaaku imwe amangu n'embiro, olw'ebikolwa byaimwe.

Yoeli 3:6

Mwatoola abantu b'omu Buyudaaya n'ab'omu Yerusalemu mu nsi yaibwe, mwabatwaliriza eghala, mwabaguza Abagureki.

Amosi 1:11

Musengwa Katonda akoba ati: “Abantu ab'e Edomu bakoze ebibi emikuzi kamaala. N'olw'ensonga eyo nteekwa buteekwe okubabonereza kuba baayiiga baganda baibwe Abaisiraeli, baabaita aghazira kusaasira naire. Era obusungu bwaibwe bwaloba kukendeeraku naire, aye baabusiba ku mwoyo enaku dhoonadhoona.

Amosi 1:3

Musengwa Katonda akoba ati: “Abantu ab'e Siria bakoze ebibi emikuzi kamaala. N'olw'ensonga eyo nteekwa buteekwe okubabonereza. Kuba baabisa abantu ab'e Gileadi mu bukambwe obutaloodheka.

Amosi 1:7

Kale nja kusindika omuliro gwokye ekimante ekyezungulwire ekibuga Gaza, era gusenkeenhe ebifo byakyo byonabyona eby'okwewogomamu.

Amosi 1:9

Musengwa Katonda akoba ati: “Abantu ab'e Tiro bakoze ebibi emikuzi kamaala. N'olw'ensonga eyo nteekwa buteekwe okubabonereza kuba baatwala abantu ab'eighanga eiramba mu bunhage mu nsi Edomu, baaloba kukuuma ndagaano ye baakola.

Obadia 1:11

Ku lunaku olwo wayemerera ku mbali, waalingirira ng'abazigu bamenha endhigi edh'emiryango egingira mu Yerusalemu. Waaba mubi okwagayaga n'abagwira abo, abaaja n'eby'obukombe bye baatoola mu Yerusalemu, ni babigabana beene na beene.

Zekaria 9:5

Ekibuga Ashikeloni kiribona ebyo, kyatya. Gaza kiritengera olw'obulumi, ni Ekuroni kyona kyalumwa okubona ng'eisuubi lyakyo liwoiregho. Gaza kirifiirwa kyabazinga waakyo, ni Ashikeloni kyasigala agho kityo nga kiziramu bantu.

Ebikolwa by'Abatume 8:26

Agho, malaika wa Musengwa yaakoba Filipo ati: “Situka oje n'engira ku luuyi olw'omukono omusaadha olw'e buvandhuba, ogeme engira ebita mu irungu eva e Yerusalemu okuja e Gaza.”

1 Samueli 6:17

Bino n'ebiwumbe ebyakolebwa nga bifaanana ng'oti bizimba, Abafilisiti bye baagheereza Musengwa Katonda bibe ekigheebwayo ng'omutango: ekirala olw'ekibuga Ashidodi, ekindi olw'ekibuga Gaza, n'ekindi olw'ekibuga Ashikeloni, n'ekindi olw'ekibuga Gathi, era n'ekindi olw'ekibuga Ekuroni.