Amosi 1:4 - Baibuli Ekibono kya Katonda 2014

⁴ Kale nja kusindika omuliro gwokye ekisaagaati kya kyabazinga Hazaeli, era gusenkeenhe ebifo byonabyona eby'okwewogomamu ebya kyabazinga Benihadadi.

Amosi 1:4 ပူးပေါင်းရင်းမြစ်များ

1 Bakyabazinga 19:15

Musengwa Katonda yaamukoba ati: “Irayo mu irungu ery'e Damasiko. Bw'onaatuukayo, oidha kusiiga Hazaeli omuzigo afuuke kyabazinga wa Siria,

2 Bakyabazinga 13:25

Agho kyabazinga Yehoashi owa Isiraeli, mutabane wa Yehoahazi, yaaghangula Benihadadi emikuzi esatu, yaamutoolaku ebibuga bya Isiraeli, Benihadadi oyo bye yali anhaze ng'alwanisa Yehoahazi lata wa Yehoashi oyo.

2 Bakyabazinga 13:3

Obusungu bwa Musengwa Katonda bwatumbukira ku Isiraeli ng'oti muliro, yaaleetera Hazaeli kyabazinga wa Siria ni mutabane we Benihadadi okubaghangulanga emikuzi egighera.

2 Bakyabazinga 6:24

Ebyo bwe byawa, Benihadadi kyabazinga wa Siria yaasoloza eigye lye lyonalyona, yaaja yaazingiza ekibuga Samaria.

2 Ebyomubyanda 16:2

Agho Asa yaatoola feeza ni zaabu mu iterekero ly'eisinzizo, ni mu iterekero erirye nga kyabazinga, yaamugheereza kyabazinga Benihadadi ow'e Siria, eyabanga mu Damasiko, ng'amukoba ati:

Yeremia 17:27

Aye bateekwa okungonderanga n'okukuumanga olunaku lwa Sabbato nga lutukuvu. Batabbeedanga kintu kyonakyona ni bakibisa mu miryango gya Yerusalemu ku lunaku olwo. Aye bwe balikola ekyo kye mbalobeire, nja kukunaania omuliro ku miryango egyo. Omuliro ogwo gulyokya ebisaagaati bya bakyabazinga eby'omu Yerusalemu, era tighalibaagho muntu asobola kuguzikiza.”

Yeremia 49:27

Ndikunaania omuliro ku bimante ebyezungulwire ekibuga Damasiko, era naayokya ekisaagaati kya kyabazinga Benihadadi. Nze Musengwa Katonda, ninze nkobye.”

Ezekieli 30:8

Era bwe ndikukunaania omuliro ku nsi eyo, n'abo boonaboona ababaire bagiyambanga ni baweekereragho okufa, olwo balimanha nga ninze Musengwa Katonda.

Ezekieli 39:6

Ndikunaania ku nsi Magogi omuliro gwagyokya, era gwayokya n'abantu ab'omu biketezo eby'oku nhandha ababa mu miraala. Olwo balimanha nga ninze Musengwa Katonda.

Hosea 8:14

Abaisiraeli bazimbye endhu edh'omughendo aye baaneerabira nze eyabatonda. N'ab'omu Buyudaaya bongeire okuzimba ebibuga ebyezungulwirwa ebimante ebigumu. Aye ndisindika omuliro gwayokya ebibuga byaibwe, era gwasaaniagho ebifo byaibwe eby'okwewogomamu.”

Amosi 1:10

Kale nja kusindika omuliro gwokye ekimante ekyezungulwire ekibuga ekyo Tiro, era gusenkeenhe ebifo byakyo byonabyona eby'okwewogomamu.”

Amosi 1:12

Kale nja kusindika omuliro gwokye ekibuga Temani, era gusenkeenhe ebifo byonabyona eby'okwewogomamu ebiri e Bozira.”

Amosi 1:14

Kale nja kusindika omuliro gwokye ekimante ekyezungulwire ekibuga Rabba, era gusenkeenhe ebifo byakyo byonabyona eby'okwewogomamu. Ghaja kubaagho okuleekaana ku lunaku olw'olutalo, era okulwana kuja kuwuuma ng'oti ni kiwunga ow'amaani.

Amosi 1:7

Kale nja kusindika omuliro gwokye ekimante ekyezungulwire ekibuga Gaza, era gusenkeenhe ebifo byakyo byonabyona eby'okwewogomamu.

Amosi 2:2

Kale nja kusindika omuliro gwokye Abamoabu, era gusenkeenhe ebifo byaibwe byonabyona eby'okwewogomamu eby'omu kibuga Keriothi. Abantu Abamoabu balifiira mu kuwowoigana okw'omu lutalo, ng'abalwani bali kwasiikana nga n'endeka dhiri kuvuga.

Amosi 2:5

Kale nja kusindika omuliro gwokye Abayudaaya abo, era gusenkeenhe ebifo byaibwe eby'okwewogomamu eby'omu Yerusalemu.”

Abalamuzi 9:57

Katonda era yaabonereza abantu b'omu Shekemu olw'ekibi kyaibwe. Ni Yothamu, mutabane wa Gideoni, kye yakolima kyatuukirira.