Amosi 1:14 - Baibuli Ekibono kya Katonda 201414 Kale nja kusindika omuliro gwokye ekimante ekyezungulwire ekibuga Rabba, era gusenkeenhe ebifo byakyo byonabyona eby'okwewogomamu. Ghaja kubaagho okuleekaana ku lunaku olw'olutalo, era okulwana kuja kuwuuma ng'oti ni kiwunga ow'amaani. အခန်းကိုကြည့်ပါ။ |
Aye bona, ekiseera kiidha kutuuka, abantu ab'omu Rabba ekibuga ekikulu eky'Abammoni, mbaleetere okuwulira okwasiikana okw'omu lutalo. Abazigu balikireka agho kityo nga kifuuse bifulukwa byereere, era nga bookiikya n'ebyalo byakyo omuliro byawaagho. Olwo Abaisiraeli balyeiriza ekiketezo kyaibwe, baakitoola ku abo abaali bakibatoireku.
Mperaano agemye akalaso mu mukono gwe omusaadha, ng'akalulu kagwire ku kibuga Yerusalemu. Akalaso ako kamukoba aje akisimbeku ebintu eby'okukozesa okuwomola ekimante kyakyo, akizimbeku ebituuti ebirengererwaku, n'ebintu eby'okukontesa endhigi dh'emiryango gyakyo, era abunge n'emungo dh'eitaka edh'okuniiniraku okukirumba. Olwo akube enduulu edh'omu lutalo, era aite.
“Ekiseera eky'enkomerero eya kyabazinga wa Siria bwe kiriba nga kiri kumpi kutuuka, kyabazinga w'e Misiri alimulumba. Era kyabazinga wa Siria oyo aliziinhuuka okuja okumulwanisa ng'oti n'empewo eyeezungulula n'amaani bw'eidha. Alikozesa ebigaali eby'omu lutalo, n'abalwani ab'oku mbalaasi, n'amaato kamaala. Aliidha n'eigye lye eryo, lyalumba ensi kamaala nga liri kubanda bubande ng'oti n'amaadhi ag'omwidhuzo, era lyataalaalira mu nsi edho.