Amosi 1:12 - Baibuli Ekibono kya Katonda 2014

¹² Kale nja kusindika omuliro gwokye ekibuga Temani, era gusenkeenhe ebifo byonabyona eby'okwewogomamu ebiri e Bozira.”

Amosi 1:12 ပူးပေါင်းရင်းမြစ်များ

Amainhama 36:11

Batabane ba Elifazi ni bano: Temani, Omari, Zefo, Gatamu ni Kenazi.

Amainhama 36:33

Bela oyo yaafa, Yobabu mutabane wa Zera ow'e Bozira yaalya obwakyabazinga mu kifo kye.

1 Ebyomubyanda 1:44

Bela bwe yafa, Yobabu mutabane wa Zera ow'e Bozira yaamusikira ku bwakyabazinga.

Isaia 34:5

Musengwa Katonda ng'ali eyo mu igulu, ategeike empiima ye, era eidha kwidha eike ku Edomu, esobole okwita abo boonaboona b'asaliire ogw'okuzikirizibwa.

Isaia 34:6

Empiima ya Musengwa Katonda erisaabaana omusaayi n'amasavu eby'abantu, yaaba ng'oti bw'esaabaana omusaayi n'amasavu eby'entaama ento n'embuzi, edhimugheebwa ng'emisengo. Musengwa Katonda mwene n'alighaayo omusengo ogwo e Bozira, ng'aita abantu kamaala inho mu nsi Edomu.

Isaia 63:1

“Naani oyo ali kuviira mu kibuga Bozira eky'omu nsi Edomu ng'ali mu ngoye edh'erangi ya kasaayisaayi? Naani oyo ali kutoonha mu bivaalo bye eby'ebitiibwa, ali kukumba n'obukumu n'amaani atyo?” “Ninze Musengwa Katonda ali n'obuyinza obw'okulokola, era ndi kwidha okulangirira obughanguzi bwange.”

Yeremia 49:13

Nze ndayira mu liina lyange mwene nti ekibuga Bozira kirifuuka ekintu ekitiisa einho, abantu baakisekerera era baakozesa eriina lyakyo ng'ekikolimo. Ebyalo byonabyona ebikiri okumpi birifuuka bifulukwa byereere eby'olubeerera. Nze Musengwa Katonda, ninze nkobye.”

Yeremia 49:20

Kale ni muwulire kye ntegeike okukola abantu b'omu Edomu, akabi ke neesoomeire okutuusa ku bantu b'omu kibuga Temani. Ni bwe baba abaana baibwe, abazigu balibakwekwebya baabatwala, era abantu boonaboona balitya inho.

Yeremia 49:22

Abazigu balirumba Bozira baakigwaku ng'oti n'enkookooma eyandhulwiza amaghagha gaayo. Ku lunaku olwo, abalwani ba Edomu ab'amaani baliidhula okutya ng'oti n'omukazi ali kulumwa okuzaala.”

Yeremia 49:7

Bino Musengwa Katonda Afuga Amagye bye yakoba ku nsi Edomu, ati: “Abantu ab'omu Temani eky'omu nsi Edomu tibakaalimu magezi? Abawi b'amagezi tibakaabakobera kya kukola? Obwo amagezi gabaweereiremu irala?

Ezekieli 25:13

nze Musengwa Katonda kyenva nkoba nti, ndigolola omukono gwange naabonereza ensi Edomu eyo naagimalamu abantu n'ensolo, era nagyonoonayonoona. Abantu baamu balibaitira mu lutalo, okuva e Temani okutuukira irala e Dedani.

Obadia 1:1

Buno n'obukwenda Musengwa Katonda bwe yatuma Obadia okulanga, nga bugema ku ighanga ly'Abaedomu. Obukwenda bukoba buti: Twawulira amawulire okuva ye Musengwa Katonda. Era ghaligho omukwenda eyatumwa okuja ng'abitabita mu maghanga ng'akoba ati, “Mwetegeke tuje tulumbe Edomu.”

Habakkuku 3:3

Katonda aidha kwidha kabiri ng'ava e Temani eky'omu Edomu; Omutukuvu oyo aidha kuviira ku nsozi edh'e Parani. Okumesunkana kwe kuja kumaamira eigulu lyonalyona, n'ensi yoonayoona emusaake.