Amosi 1:10 - Baibuli Ekibono kya Katonda 2014

¹⁰ Kale nja kusindika omuliro gwokye ekimante ekyezungulwire ekibuga ekyo Tiro, era gusenkeenhe ebifo byakyo byonabyona eby'okwewogomamu.”

Amosi 1:10 ပူးပေါင်းရင်းမြစ်များ

Yeremia 47:4

Ekiseera kituuse eky'okuzikiriza Filisitia, okulekeza obuyambi bwonabwona obukaasigairegho, obuva e Tiro n'e Sidoni. Nze Musengwa Katonda ndizikiriza Abafilisiti abo boonaboona abakaasigairegho abaava ku kizinga Kafutori.

Ezekieli 26:12

Balyagaaza eby'obukombe byo n'eby'obusuubuzi byo ye biriba yoonayoona, baabinhagulula. Baamenhagho ebimante byo ebikwezungulwire, era baasaaniagho n'endhu dho enungi. Baatoola amabaale go, n'embaawo dho, n'ebintu byo ebindi bye boonoine, baabisuula mu nhandha.

Ezekieli 26:4

Galimenhamenha ebimante byo ebikwezungulwire n'ebituuti byo ebirengererwaku. Era nze Musengwa Katonda mwene ndighalagata eitaka lyonalyona erikulimu iwe Tiro, naalimalamu waasigala lubaale lwereere.

Ezekieli 28:18

Olw'ebibi byo olukunkumuli n'obukupankupania obungi mu kusuubula kwo, waleetera ebifo byo ebisinzibwamu okwonooneka. Kyenava ni ntumbusa omuliro mu iwe gwakwokya, abo boonaboona abakulingangaku baabona ng'osiriire ofuuse ivu.

Yoeli 3:4

“Muli kugezaaku kunkola ki, imwe ab'e Tiro, n'ab'e Sidoni, n'ab'omu biketezo by'e Filisitia? Ghaligho kye muli kwenda okuneesasuulizaaku? Oba nga ekyo kye muli kwenda, nze mwene ndibeesasuulizaaku imwe amangu n'embiro, olw'ebikolwa byaimwe.

Amosi 1:4

Kale nja kusindika omuliro gwokye ekisaagaati kya kyabazinga Hazaeli, era gusenkeenhe ebifo byonabyona eby'okwewogomamu ebya kyabazinga Benihadadi.

Amosi 1:7

Kale nja kusindika omuliro gwokye ekimante ekyezungulwire ekibuga Gaza, era gusenkeenhe ebifo byakyo byonabyona eby'okwewogomamu.

Zekaria 9:4

Aye bona eno, Musengwa Katonda alikitoolaku ebintu byakyo byonabyona, yaawoloba obukombe bwakyo mu nhandha. Era omuliro gulyokya ekibuga ekyo gwakisaaniagho.