Amainhama 9:20 - Baibuli Ekibono kya Katonda 2014

²⁰ Noa n'eyasookereza okuba omulimi era yaasimba eisamba ery'emizabbibu.

Amainhama 9:20 ပူးပေါင်းရင်းမြစ်များ

Amainhama 3:23

Kale Musengwa Katonda yaamutoola mu nimiro ey'e Edeni, alimenga eitaka mwe yakolebwa,

Amainhama 4:2

Kabiri yaazaala omwana owundi, yaamutuuma eriina Abeli. Abeli ono yaaba mwayi wa ntaama aye Kaini yaaba mulimi.

Amainhama 5:29

Yaamutuuma eriina Noa. Yaakoba ati: “Ono n'alitwizaamu amaani mu kugezimula n'okufaabiikana kwaife, ng'akozesa eitaka lyene eryo Musengwa Katonda lye yakolima.”

Amainhama 9:19

Abo bonsatuli Noa n'eyabazaala era mu abo n'omwava abantu abaidhula ensi yoonayoona.

Amainhama 9:21

Bwe yanhwa ku mwenge ogw'emizabbibu, yaatamiira, yaatoolamu engoye yaasigala madu mu weema ye.

Ensambo 10:11

Abantu abatuufu bye boogera biba ng'oti nsulo ereeta obulamu, aye ababi boogera nga bagisa obukambwe obubaidhwire.

Ensambo 12:11

Omuntu alima eitaka lye aba n'emere kamaala, aye ole amala ebiseera ku mirimo egitaleeta magoba aba aziramu kategeera.

Ensambo 24:30

Lwali lulala, naabita ku musiri ogw'omugayaavu; ku isamba ery'emizabbibu ery'omuntu aziramu kategeera.

Omulangirizi 5:9

Aye nga mu kutwalira aghalala, eitaka ligasa boonaboona, ni kyabazinga yeena aganhulwa mu bikungulwa mu nimiro.

Olwembo 1:6

Mutaaningirira nga mundalula olw'okuba ndi mwirugavu, kuba akasana n'akambabula. Baanhinaze bansungughalira, banta ku kulabirira eisamba ly'emizabbibu. Aye ate eisamba eryange lyene tyalirabirira!

1 Ab'e Korintho 9:7

Mwisirukale ki eyeesasulira mwene ng'ali mu igye? Naani asimba enimiro y'emizabbibu n'atalya ku bibala byayo? Mwayi ki atanhwa ku mata ga mu kyayo kye?

Amateeka Agokubiri 20:6

Ghano ghaligho omuntu eyaakasimba eisamba ery'emizabbibu, aye ng'akaali kukungulamu bibala? Bw'aba ng'aligho, aireyo eka. Kuba tomanha bw'afiira mu lutalo, omuntu owundi n'akungula bibala ebyo.

Amateeka Agokubiri 28:30

“Mwidha kwandhulanga abakazi, aye abasaadha abandi n'abaidhanga okubatwala babe nabo. Mwidha kuzimbanga endhu, aye mulobe kudhibangamu. Era mwidha kusimbanga amasamba g'emizabbibu, aye mulobe kukungulanga ku bibala byago.