Amainhama 9:2 - Baibuli Ekibono kya Katonda 2014

² Buli nsolo, buli nhonhi, buli kyeghaluliza ku itaka era na buli kyanhandha ebyo byonabyona biidha kubatyanga. Byonabyona biteereibwa mu buyinza bwaimwe.

Amainhama 9:2 ပူးပေါင်းရင်းမြစ်များ

Amainhama 1:21

Agho Katonda yaatonda agasota ag'omu nhandha, n'ebiramu ebindi ebiba mu maadhi ebya buli nsambo era n'enhonhi edha buli nsambo. Katonda yaakibona nga kikalamu.

Amainhama 1:26

Agho Katonda yaakoba ati: “Tukole abantu mu mboneka yaife nga bafaanana ng'oti niife, bafugenga ebyenhandha, n'enhonhi, n'ensolo enfuge n'edh'omu nsiko, era na kiisi kyeghaluliza ku itaka.”

Amainhama 1:28

Era yaabagha enkabi, yaabakoba ati: “Muzaale, mwale, mwidhuze ensi, mugifuge. Mufugenga ebyenhandha n'enhonhi, na kiisi kiramu ekitambula ku nsi.”

Amainhama 2:19

Agho yaawumba mu itaka ensolo dhoonadhoona era n'enhonhi dhoonadhoona yaabireeta eri omuntu abone bw'anaabyetanga. Era omuntu kye yayetanga buli kiramu ekyatondebwa, n'eryafuuka eriina lyakyo.

Amainhama 35:5

Yakobo n'abaana be bwe baatoolera okutambula, entiisa enene yaagema ab'omu bibuga ebibeezungulwire, baaloba kubalumba.

Amainhama 9:1

Katonda yaagha Noa n'abaana be enkabi, yaabakoba ati: “Muzaale, mwale, mwidhuze ensi.

Amainhama 9:3

Kiisi kiramu ekitambula kinaabanga kya kulya kyaimwe byonabyona mbibaghaire, nga bwe nabagha n'ebimera.

Yobu 39:11

Onaagyesiga olw'amaani gaayo amangi, waagirekera omulimo gw'enaakukolera?

Ezekieli 34:25

Ndikola nadho endagaano ey'emiraala, naamalagho mu nsi eyo ensolo enkambwe. Olwo entaama dhisobole okubanga eyo mu nsiko nga dhiri mu miraala, era dhitendukenga n'eyo mu bibira.

Hosea 2:18

Mu biseera ebyo ndikola endagaano n'ensolo edh'omu nsiko, n'enhonhi edhiguluka, n'ebyo ebyeghaluliza ku itaka, bibe nga tibikola kabi ku bantu bange. Era nditoolagho obulaso, n'empiima, n'eby'okulwanisa ebindi byonabyona mu nsi, olwo abantu bange babenga mu miraala.

Abalevi 26:22

Ndidha kusindikanga ensolo edh'omu nsiko, dhiite abaana baimwe era dhizikirize ebyayo byaimwe. Dhinaabakendeezanga obungi, engira dhaimwe dhaawolongera dhaazika.

Abalevi 26:6

“Nnaabaghanga emiraala mu nsi yaimwe, mwatendukanga nga ghazira kibatiisa. Era ndimalagho ensolo edh'akabi mu nsi yaimwe, ensi yaimwe yaaloba kubangamu ntalo.

Yakobo 3:7

Kiisi kika kya nsolo, na nhonhi, n'ebyekulula, n'eby'omu nhandha, bighanga okufugibwa omuntu era byamala okufugibwa ira,