Amainhama 8:21 - Baibuli Ekibono kya Katonda 2014

²¹ Musengwa Katonda yaawunhiza akawoowo, yaasangaala, yaakoba mule ati: “Tikairayo kukolima nsi kabiri olw'omuntu by'akola, kuba omwoyo gwe gwidhwire bubi bwereere okuva mu buto bwe. Tikairayo kabiri kuzikiriza bintu biramu byonabyona nga bwe nkoze.

Amainhama 8:21 ပူးပေါင်းရင်းမြစ်များ

Amainhama 3:17

Yaakoba omusaadha ati: “Olw'okuba wawulirisa mukazi wo bye yakukoba, waalya ku kibala eky'omuti gwe nabalobera okulyaku, eitaka likolimiirwa. Mu kufaabiikana mw'onaatoolanga eky'okulya, enaku dhoonadhoona edh'obulamu bwo.

Amainhama 4:12

Bw'onaalimanga eitaka tiriidha kukughanga makungula naire; ku nsi oidha kutambulatambulanga eyo otyo ng'ozira gh'osula.”

Amainhama 5:29

Yaamutuuma eriina Noa. Yaakoba ati: “Ono n'alitwizaamu amaani mu kugezimula n'okufaabiikana kwaife, ng'akozesa eitaka lyene eryo Musengwa Katonda lye yakolima.”

Amainhama 6:13

Katonda yaakoba Noa ati: “Nsazeegho okuzikiriza abantu boonaboona, kuba baleeteire ensi okwidhula ebikolwa byaibwe eby'obukambwe.

Amainhama 6:17

kuba bona, ndidha kuleeta omwidhuzo gw'amaadhi ku nsi guzikirize kiisi kiri na bulamu ekiri ghansi gh'eigulu. Buli kintu ku nsi kiidha kufa.

Amainhama 6:5

Musengwa Katonda yaabona ng'omuntu ku nsi afuuse mubi inho era ng'ebidhuubo bye bibi ekiseera kyonakyona.

Amainhama 6:7

Yaakoba ati: “Ndidha kusaaniagho omuntu ye natonda ave ku nsi, era nsaaniegho n'ensolo, n'ebyeghaluliza ku itaka, n'enhonhi, kuba neidhwisa ekyabintonza.”

Yobu 14:4

Naani aghanga okufuula ekintu ekitali kirongoofu, ni kiba ekirongoofu? Ghazira naire omulala ati.

Zabbuli 51:5

Bona, nagwa mu nda ya maama nga ndi mu kibi; nazaalibwa nga ndi mwonooni.

Zabbuli 58:3

Ababi badaaliima okuviira irala nga bakaali na mu nda; basobya okuviira irala ku kuzaalibwa, nga boogera eby'obuguya.

Zabbuli 58:4

Bali n'obusagwa ng'oti bwa musota, ate baaba basigha ng'oti kiyiri, ekisemba amatu gaakyo,

Okuvaayo 29:18

Ekyo n'ekigheebwayo eri Musengwa Katonda ekyokebwa, ekiri n'akawoowo akamusangaaza.

Okuvaayo 29:25

Agho obibatoole mu ngalo obyokere ku alutaari ng'oyongereza ku kigheebwayo ekyokebwa ekinaaba kiriku. Akawoowo akava ku kigheebwayo ekyo ekyokebwa kasangaaza nze Musengwa Katonda.

Ensambo 20:9

Naani aghanga okukoba ati: “Nnaaziiza omwoyo gwange, buti nzira kibi kyonakyona.”

Omulangirizi 7:20

Bwenebwene ezira muntu mutuufu ku nsi, akola ebirungi ebyereere n'atayonoonaku naire.

Isaia 47:12

Kale iwe weekalangulire ku irogo lyo ni ku kulagula kwo, by'obaire okozesanga okuva mu buto bwo. Oba katyo wandibifunamu omuganhulo, byakuyamba okutiisa abazigu bo.

Isaia 47:15

Batyo bwe baliba abo be weesiguliraku, be wakolagananga nabo okuva obuto. Boonaboona balikuvaaku, buli muntu yaaja mu ngira ye ng'atambulatambula eyo atyo yenka, ghaabulagho akuwonia waire omulala ati.”

Isaia 48:8

Okuva eira n'eira timubiwulirangaku na matu gaimwe, waire okubimanhaku, kuba namanha nga mwefuulafuula, era ng'okuva lwe mwazaalibwa muli badheemu.

Isaia 53:6

Ife twenatwena twabula ng'oti ntaama, buli muntu yaagema njira ye. Aye Musengwa Katonda yaatoola ekibonerezo ekyali kitugwaniire olw'ebibi byaife, yaakita ku mugheereza we oyo.

Isaia 65:6

Bona, nze nasalagho era kyamala ira okughandiikibwa nga ndibabonereza. Ekyo tija kukisirikira naire. Bwenebwene ndibabonereza, naabeesasuulizaaku nga njiira ku bye baakola,

Yeremia 17:9

“Naani asobola okutegeera omwoyo gw'omuntu? Ezira kirimbalimba nga gwene; mubi inho ebitaloodheka.

Yeremia 18:12

“Aye baidha kwiramu bati, ‘Busa, lwaki tukyusa? Ife twidha kusigala nga tukola ebyo emyoyo gyaife emikalangufu era emibi bye gyenda.’ ”

Yeremia 8:6

Nafaayo inho okubawulirisa, aye ghaabulagho ayogera ekituufu. Ghazira muntu yeeneniaku lwa bibi bye, n'akoba ati, ‘Kiki kino kye nkoze?’ Buli muntu agema bwa ngira ye, yaasimba busimbe ng'oti n'embalaasi eri kweyuna mu lutalo.

Ezekieli 20:41

Bwendimala okubatoolayo eyo mu maghanga, ni mbasolozaayo eyo mu nsi ye mwasansaanira, ndisiima emisengo gyaimwe egyokebwa, era mulirangirira eri amaghanga nga bwendi omutukuvu.

Abalevi 1:13

Aye byenda n'ebibbonge binaanaazibwanga n'amaadhi. Agho kabona anaayokeranga byonabyona ku alutaari, ng'ekigheebwayo ekyokebwa n'omuliro. Akawoowo kaakyo kasangaaza Musengwa Katonda.

Abalevi 1:17

Agho kabona anaagigemanga amaghagha, yaagiyuza aye nga tagikutwiremu ghabiri, yaagyokera ku nku edhiri ku muliro ku alutaari ng'ekigheebwayo ekyokebwa, nga kyokeibwa n'omuliro. Akawoowo kaakyo kasangaaza Musengwa Katonda.

Abalevi 1:9

Aye ebyenda n'ebibbonge binaanaazibwanga n'amaadhi. Agho kabona anaayokeranga byonabyona ku alutaari, ng'ekigheebwayo ekyokebwa n'omuliro. Akawoowo kaakyo kasangaaza Musengwa Katonda.

Abalevi 26:31

ndidha kusaaniagho ebibuga byaimwe, n'ebifo mwe musinziza, ndobe na kusiimanga misengo gyaimwe.

Abalevi 4:31

Omuntu oyo aleese ensolo eyo, anaagitoolangamu amasavu goonagoona, ng'oti ni bwe gatoolebwa mu nsolo ey'ekigheebwayo olw'okutabagana. Olwo kabona yaagookera ku alutaari, gaavaamu akawoowo akasangaaza Musengwa Katonda. Atyo kabona bw'anaaghangayo omusengo olw'ekibi ky'omuntu oyo, era omuntu oyo aidha kusoniyibwanga.

Abalevi 8:28

Agho Musa yaabitoola mu ngalo dhaibwe, yaabyokera ku kigheebwayo ekyokebwa, ekyagheebwayo olw'okwawulibwa kwaibwe. Akawoowo kaakyo kasangaaza Musengwa Katonda.

Okubala 15:3

Bwe munaayendanga okugha nze Musengwa Katonda ekigheebwayo okuva mu nte dhaimwe, oba mu ntaama dhaimwe, oba mu mbuzi dhaimwe, ng'ekigheebwayo ekyokebwa, oba ng'omusengo ogugheebwayo olw'okutuukiriza obweyamo, oba ng'ekigheebwayo eky'ekyeyendere, oba nga muli ku mbaga edh'ebibinuko ebyalagirwa, akawoowo ak'ebigheebwayo ebyo kaidha kunsangaazanga nze Musengwa Katonda.

Matayo 15:19

kuba ku mwoyo n'okuva ebidhuubo ebibi, obutemo, okwenda, okwemadula, obwibi, okughaayiriza, n'okuvuma Katonda.

Yoanne 3:6

Omubiri guzaalibwa mubiri, ate omwoyo gwazaalibwa Mwoyo.

Ab'e Roma 1:21

Waire baamanha Katonda aye tibaamwisaamu kitiisa nga Katonda, oba okumwebaza. Aye baira mu kulowooza bitagasa n'emyoyo gyaibwe egizira kye giidhi gyaidhula enzikiiza.

Ab'e Roma 3:23

boonaboona baayonoona, baalemwa okutuuka ku kitiisa Katonda kye yabategekera.

2 Ab'e Korintho 2:15

Kuba ife tuli ng'oti n'obubbaani Kurisito bw'aniosa, Katonda awulire akawoowo akabuna mu b'okulokolebwa n'ab'okuzikirira.

Ab'Efeso 5:2

Era mugonzanienga nga Kurisito bwe yatugonza ni yeeghaayo ye Katonda ku lwaife ng'ekigheebwayo era ng'omusengo oguwunha akawoowo.

Ab'e Filippi 4:18

Ebintu byonabyona mbifunie mu bwidhuvu, bisingaku ni bye neetaaga. Mperaano buli kintu kye neetaaga ndi nakyo okuva Epafurodito bwe yampa ebyo bye mwantonera nga biri ng'omusengo oguwunhira Katonda akawoowo, gw'asiima era ogumusangaaza.

1 Yoanne 5:19

Twidhi nga tuli ba Katonda era ng'ensi yoonayoona eri mu mikono gy'Omubi.

1 Samueli 26:19

Isebantu kyabazinga, mperaano ni nkweghemba owulire bye nja okukoba, nze omugheereza wo: Bw'aba nga Musengwa Katonda n'akuleeteire okundhiigania, ka mmusabe aganhe okumugha ekigheebwayo. Aye bwe baba nga bantu, abo Musengwa Katonda abakolimire kuba mperaano baaminze mu nsi ya Musengwa Katonda ey'ensikirano, bansindika mu nsi ey'endha okugheereza emisambwa!