Amainhama 8:1 - Baibuli Ekibono kya Katonda 2014

¹ Katonda yaidhukira Noa, era n'ensolo edh'omu nsiko, n'edho enfuge dhe yali nadho mu lyato. Katonda yaasindika empewo yaafuuwa ku nsi, amaadhi gaakendeera.

Amainhama 8:1 ပူးပေါင်းရင်းမြစ်များ

Amainhama 19:29

Kale ni kyaba nti Katonda bweyali ng'azikiriza ebibuga eby'omu kiiko tiyeerabira Aburahamu, kyeyava n'awonia Loti akabi okumutuukaku, yaamuleka yaavaamu.

Amainhama 30:22

Agho Katonda yaidhukira Rakeli, yaawulira okusaba kwe, yaamugha okuzaala.

Amainhama 9:10

era na buli kiramu ekiri n'imwe, enhonhi, ensolo enfuge n'edh'omu nsiko, byonabyona ebyafuluma mu lyato.

Nehemia 13:14

Naasaba nti: “Wo Katonda wange, oteerabiranga ebyo ebirungi bye nkoleire eisinzizo lyo, n'emirimo gye bakoleramu okukusinza.

Nehemia 13:22

Kale naalagira Abalevi okwetukuza, bamale baje bakuume emiryango olw'okukuuma Sabbato nga ntukuvu. Agho naasaba nti: “Wo Katonda wange, oteerabiranga n'ekyo kyona kye nkoze. Nkweghemba onsaasirenga, ongonze obutalekera.”

Nehemia 13:29

Agho naasaba nti: “Wo Katonda wange, oteerabiranga ngeri ye boonoinemu obwakabona, ni basuula n'ere endagaano ye baakola ey'obwakabona n'Obulevi.”

Nehemia 13:31

Era naakola entegeka abantu okuleetanga enku mu biseera ebituufu, edh'okwokya ebigheebwayo ku alutaari. Era n'okuleetanga ebigheebwayo byaibwe eby'ebirime ebisooka okukungulwa. Naasaba nti: “Wo Katonda wange, oteerabiranga ebyo bye nkoze. Nkweghemba ompenga ebirungi.”

Yobu 12:15

Bw'alobera amaadhi okugwa, ghabaagho endoboozi; bw'agaleka ni gagwa, omwidhuzo gughemba ensi.

Yobu 14:13

Nguli ongisiisa e magombe n'onkuumira eyo, okutuusa obusungu bwo lwe buliwaagho. Era n'ongerera ekiseera n'omala n'ondidhukira.

Zabbuli 105:42

kuba yaidhukira endagaano ye entukuvu, ye yakola ni Aburahamu omugheereza we.

Zabbuli 106:4

Wo Musengwa Katonda, ondidhukiranga lw'oligemerwa abantu bo ekivunika; ombeeranga wamponia ghalala nabo.

Zabbuli 115:12

Musengwa Katonda oyo tatwerabira naire, aidha kutughanga enkabi; aidha kughanga Abaisiraeli enkabi, aghenga bakabona abagheereza Katonda enkabi,

Zabbuli 132:1

Wo Musengwa Katonda, oteerabira mugheereza wo Daudi era oteerabira bukaluubirivu bwe yagumira.

Zabbuli 136:23

Oyo n'eyatubeera ng'omuzigu atughangwire; okugonza kwe tikukoma, kubaagho byanda na byanda.

Zabbuli 137:7

Wo Musengwa Katonda, idhukira Abaedomu kye baakola ku lunaku Abababilonia lwe baagema Yerusalemu. Baakobanga bati: “Mu kisaaniegho kyonakyona. Mutuukire irala ku musingi!”

Zabbuli 29:10

Musengwa Katonda n'afuga omwidhuzo gw'amaadhi; afuga nga ni kyabazinga ebyanda n'ebyanda.

Zabbuli 36:6

Obutuufu bwo bugulumivu ng'oti nsozi, ate ensala yo ey'amazima eika yaatuuka ku ntobo ey'enhandha. Niiwe owonia abantu n'ensolo obutagwa mu kabi.

Okuvaayo 14:21

Agho Musa yaagolola omukono ng'agusonse ku nhandha. Musengwa Katonda yaasindika empewo ey'amaani eva e buvandhuba, yaayeyaagho amaadhi ag'enhandha obwire bwonabwona. Amaadhi geeyawulamu, aghabaire enhandha ghaafuuka itaka ikalu.

Okuvaayo 15:10

Wafuuwa amaadhi gairagho gaabasaaniagho; baadimira mu maadhi amangi ng'oti byuma bizito.

Okuvaayo 2:24

Katonda yaawulira okulira kwaibwe, era yaidhukira endagaano ye ni Aburahamu, ni Isaaka era ni Yakobo.

Ensambo 25:23

Ng'empewo ey'oku luuyi olw'omukono omugooda olw'e buvandhuba bw'ereeta amaadhi, n'okugeya kutyo bwe kuleeta obusungu.

Isaia 44:27

Ninze ndagira amaadhi g'enhandha amangi gaakala, n'emiiga gyona gyakala.

Yeremia 50:38

Akasana k'endoboozi leka kaidhe kaake, kakaze amaadhi gaayo goonagoona; kuba ensi Babilonia eyo eidhwire ebifaananie ebibaadhe n'ebisinzibwa ebitali Katonda, ebisirughaiza abantu einho.

Amosi 8:7

Musengwa Katonda, Katonda wa Isiraeli alayiire ati: “Bwenebwene tija kwerabira waire ekirala ku bikolwa byaimwe ebibi.

Yona 4:11

Memale nze tigwaine kufaayo ku Nineve, ekibuga ekikologho ekyo, ekirimu abaana abaziraku musango abaswika mu mitwalo eikumi n'ebiri (120,000), era nga kirimu n'ensolo kamaala?”

Nahumu 1:4

Alagira enhandha yaakala, era akaliiza emiiga. Olwo emisiri egy'e Bashani gyawotoka, ate n'egy'oku lusozi Karumeli gyakala era n'ebimuli eby'oku nsozi edh'e Lebanoni byona byakala.

Habakkuku 3:2

Wo Musengwa Katonda, nawulira bye wakola era naatya inho. Ni mperaano tukolereku mu biseera byaife bino eby'amaani bye wakolanga eira. Tusaasirenga ni bw'oba ng'osungughaire.

Zekaria 10:11

Bwe baliba nga bali kubita mu nhandha ey'e Misiri, nze Musengwa Katonda ndikuba okwefuukuula okw'enhandha eyo, n'entobo ey'omwiga Kiyira yaakala. Okwekuluntaza kw'Abasiria kuliisibwa ghansi, n'obuyinza bw'Abamisiri bwawaagho.

Okubala 10:9

Bwe munaabanga muja okulwana olutalo mu nsi yaimwe ng'omuzigu abalumbye, mwidha kufuuwanga amagwala ng'akamanhiso ak'okuja. Olwo nze Musengwa Katonda waimwe ndidha kubaidhukiranga mbawonie abazigu abo.

Okubala 22:32

Malaika wa Musengwa Katonda, yaabuuza Balaamu ati: “Lwaki okubye endogoyi yo emikuzi egyo esatu? Bona eno, ndidhye okwekiika mu ngira yo, kuba olugendo lwo luno tirusemba.

Okwolekebwa 16:19

Ekibuga ekikologho kyayabikamu ebitundu bisatu, n'ebibuga eby'ensi dhoonadhoona byagwa. Katonda yaaloba kwerabira Babiloni ekibuga ekikologho, yaakigha okunhwa okumaliramu irala ekikopo eky'omwenge ogw'emizabbibu, omwenge ogw'obusungu bwe obungi.

Okwolekebwa 18:5

kuba emungo ey'ebibi bye etuukira irala ku igulu, ni Katonda aidhi ebyonoono bye.

1 Samueli 1:19

Bwe bwakya enkyo Elukana n'ab'omu ndhu ye baasinza Musengwa Katonda. Bwe baamala bairayo mu maka gaibwe e Rama. Agho Elukana yaaba ni mukazi we Hanna mu buliri, era Musengwa Katonda yaidhukira Hanna oyo.