Amainhama 7:11 - Baibuli Ekibono kya Katonda 2014

¹¹ Mu mwaka ogwolukaaga (600) ogw'obulamu bwa Noa, mu mwezi ogwokubiri, ku lunaku olweikumi n'omusanvu olw'omwezi ogwo, enhindo dhoonadhoona edh'amaadhi ghansi mu itaka dhaasembuka, n'ebituli eby'oku igulu byaiguka.

Amainhama 7:11 ပူးပေါင်းရင်းမြစ်များ

Amainhama 1:7

Katonda yaataagho ekyawulamu amaadhi agali ghaigulu n'ago agali ghansi.

Amainhama 6:17

kuba bona, ndidha kuleeta omwidhuzo gw'amaadhi ku nsi guzikirize kiisi kiri na bulamu ekiri ghansi gh'eigulu. Buli kintu ku nsi kiidha kufa.

Amainhama 7:6

Noa yali agheza emyaka lukaaga (600) egy'obukulu, omwidhuzo ghe gwaidhira ku nsi.

Amainhama 8:14

Mu mwezi ogwokubiri, ku lunaku olwabiri n'omusanvu olw'omwezi ogwo, ensi yaakala bukalamu.

Amainhama 8:2

Enhindo edh'amaadhi ghansi mu itaka dhaasembwa, n'ebituli eby'amaadhi ku igulu byaigalwa. Amaadhi gaalekera okugwa okuva ku igulu

2 Bakyabazinga 7:19

Aye omugheereza oyo yairamu Elisha ati: “Ni bw'aba Musengwa Katonda mwene nga n'agwisiisa amaadhi amangu ago, bwenebwene ekyaga agho kighanga okubaagho?” Elisha yairamu ati: “Oidha kukibonera irala n'amaiso go geene oti, aye ebyo toidha kubiryaku naire.”

2 Bakyabazinga 7:2

Agho omugheereza wa kyabazinga ataamuvangaku, yaabuuza omuntu wa Katonda ati: “Ni bw'aba Musengwa Katonda mwene nga n'agwisiisa amaadhi amangu ago, bwenebwene ekyaga agho kighanga okubaagho?” Elisha yairamu ati: “Oidha kukibonera irala n'amaiso go geene oti, aye ebyo toidha kubiryaku naire.”

Yobu 12:15

Bw'alobera amaadhi okugwa, ghabaagho endoboozi; bw'agaleka ni gagwa, omwidhuzo gughemba ensi.

Yobu 28:4

Bayiikuula eitaka eyo eghala etaba bantu n'abatambuze ye batabita, nga beegemye ku migugha kwe beewuubira okwika, nga bali eyo bonka ku lwaibwe.

Yobu 38:16

Waali otuuseeku ku ntobo y'enhandha aghali ensulo dh'enhandha? Waali otambuliireku ghansi eyo ku ntobo y'enhandha?

Yobu 38:37

Naani asobola okukozesa amagezi n'abala ebire? Oba okubighendheka n'afuka amaadhi agabirimu,

Zabbuli 33:7

Yasololeza amaadhi ag'enhandha goonagoona ghalala; amaadhi ag'oku ntobo y'enhandha yaagakuumira ghalala, ng'oti n'omuntu bw'atereka ebintu bye mu byagi.

Zabbuli 74:15

Wayatisa entanda mwavaamu enhindo dh'ensulo n'obwiga; ate waakaliiza emiiga egitakaliirangaku.

Ensambo 3:20

Magezi ge n'agaleetera amaadhi okutiirikira ku nsi nga gava mu itaka, era gaaleetera n'ebire okutoonhesa ku nsi omusulo.

Isaia 24:18

Ole alirumuka n'awona entiisa, aligwa mu lwina. Ate ole aligezaaku n'ava mu lwina, aligwa bwa ku mutego gwamugemya. Ebituli eby'oku igulu biigule, kale amaadhi galiyuyika okuva ku igulu, n'emisingi gy'ensi gyatengeeta.

Isaia 24:19

Ensi eryetema entanda, yaagabulukukamu, era yaatengeesebwa ebitaloodheka.

Yeremia 5:22

Lwaki timuntyaku naire nze Musengwa Katonda? Lwaki timudhugumiraku naire mu maiso gange? Ninze nataagho omusenho okuba ensalosalo enhandha kw'ekoma, ensalosalo ey'olubeerera enhandha y'etasobola kutuuma. Enhandha ni bwe yeefuukuula etya tesobola kughaguza, era amaadhi gaayo ni bwe gawolomboka okwaga gha, tigaghanga kubitagho.

Yeremia 51:16

Bw'alagira, amaadhi ku igulu gadudumuka, era asitusa olufu ku ndhuyi dhoonadhoona edh'ensi. Aleetera olukuba okughemya ng'amaadhi gali kugwa, era yaatoolayo empewo mu materekero ge, yaagireeta.

Ezekieli 26:19

Musengwa Katonda akoba ati: “Ndikufuula ekibuga ekyonooneibwa ni kifuuka ebifulukwa, olwo waaba ng'ebibuga ebindi ebitakaabaamu bantu. Ndikuyoolookezaaku amaadhi amangi ag'enhandha gaakusandikira.

Malaki 3:10

Ale muleeteku mu bwidhuvu ebintu byonabyona ebiva mu kintu ekirala ekirala ku buli bintu eikumi bye mufuna, mwidhuze eiterekero ly'eisinzizo lyange libeemu emere kamaala. Mugezeeku mube ng'abali kundeba, mubone oba nga tiribaiguliragho igulu ni mbadhogomolera bintu birungi kamaala?

Matayo 24:38

Nga bwe kyali mu nnaku edho edhaakulembera amaadhi ag'omwidhuzo, abantu baali mu kulya na kunhwa, kubayiza na kubayira, okutuusa olunaku Noa lwe yangira mu lyato.

1 Ab'e Thessalonika 5:3

Abantu balikoba bati: “Ghaligho emiraala era ghazira kabi,” aye balija okubona bati ng'okuzikirira kubatuuseeku. Kulibazindula ng'oti n'ebisa eby'omwana bwe bizindula omukazi ali kumpi okuzaala, era tighaliba gha kuwonera.

2 Petero 3:6

Era gaali maadhi ag'omwidhuzo, n'agazikiriza ensi ey'eira.