Amainhama 6:9 - Baibuli Ekibono kya Katonda 2014

⁹ Bino n'ebifa ku Noa. Yali muntu akola ebituufu, ng'aziraku kibi mu bantu ab'omu biseera bye

Amainhama 6:9 ပူးပေါင်းရင်းမြစ်များ

Amainhama 10:1

Bano n'abaidhukulu ba batabane ba Noa: Shemu, Hamu ni Yafethi. Bonsatuli baazaala abaana ng'omwidhuzo gumaze okubaagho.

Amainhama 17:1

Aburamu bweyali ng'agheza emyaka kyenda na mwenda (99) egy'obukulu, Musengwa Katonda yamubonekera, yamukoba ati: “Ninze Katonda Aghanga Ebintu Byonabyona. Mpuliranga era okolenga ebituufu buliidho.

Amainhama 2:4

Kale ni eyo n'ensambo eigulu n'ensi ye byatondebwamu. Ku lunaku Musengwa Katonda lwe yakoleraku ensi n'eigulu,

Amainhama 48:15

Agho yaasabira Yosefu enkabi, ng'akoba ati: “Katonda oyo, dhaadha wange Aburahamu ni lata wange Isaaka ye baagheerezanga; era Katonda oyo eyandabiriranga okuva mu buto bwange okutuusa mpegaano, aghe abaana bano enkabi.

Amainhama 5:1

Kino n'ekitabo eky'abaidhukulu ba Adamu nga bwebairaganwaku: Katonda bweyatonda omuntu, yamukola mu mboneka ye yeene.

Amainhama 5:22

Okuva olwo Enoka yaaba ng'atambulira mu Katonda, yaaghangaala emyaka egindi bikumi bisatu (300). Era yaazaala n'abaana abandi.

Amainhama 5:24

Enoka oyo yaamala obulamu bwe ng'atambulira mu Katonda era yaamala yaabulagho bubule, kuba Katonda yamutwala.

Amainhama 6:10

era ng'atambulira mu Katonda. Yazaala abaana abalenzi basatu, Shemu, Hamu ni Yafethi.

Amainhama 7:1

Agho Musengwa Katonda yaakoba Noa ati: “Ingira mu lyato n'ab'omu ndhu yo boonaboona, kuba mboine nga niiwe omuntu omutuufu wenka mu bantu ab'oluse luno boonaboona.

2 Samueli 22:24

Mu maiso ge nzira musango, era neekuuma ndobe kugwa mu kibi.

1 Bakyabazinga 3:6

Solomoni yaakoba ati: “Buliidho obairenga ng'oyoleka nga bw'ogonza einho lata wange Daudi omugheereza wo obutalekera; kuba yali mwesigwa, omutuufu era omwesimbu mu kukolagana n'iwe. Era omukuumiire okugonza kwo okwo okutakoma, waamugha omwana omulenzi afuga mpegaano mu kifo kye.

2 Ebyomubyanda 15:17

Aye waire Asa oyo tiyamaliragho irala mu Isiraeli bifo bigulumivu bye baasinzizangamu, obulamu bwe bwonabwona yali mwesigwa ye Musengwa Katonda.

2 Ebyomubyanda 25:2

Amazia yakolanga ebituufu Musengwa Katonda by'asiima, aye nga tabikola na mwoyo mulala.

Yobu 1:1

Ghaaligho omusaadha mu nsi eyetebwa Uzi, ng'ayetebwa Yobu. Omusaadha oyo yali muntu aziraku musango era omwesimbu, ng'atya Katonda era nga yeekuuma obutakola kibi.

Yobu 1:8

Musengwa Katonda yaabuuza Sitaani ati: “Weekaliriisa bukalamu omugheereza wange Yobu? Omusaadha oyo azira amutuukaku kuba n'omuntu aziraku musango era omwesimbu, antya era eyeekuuma obutakola kibi.”

Yobu 12:4

Nsekererwa bakagwa bange, nze eyasabanga Katonda n'andhiramu. Nze omuntu akola ekituufu, aziraku musango, mpegaano nsekererwa bantu.

Zabbuli 37:37

Weekalirisenga omuntu aziraku musango era omutuufu; omuntu ayenda emiraala tabula izaire.

Zabbuli 37:39

Musengwa Katonda alokola abo abatuufu, era abakuuma mu biseera ebizibu.

Ensambo 4:18

Obulamu obw'abatuufu buli ng'oti ndhuba ku nkyo, etoolereza okuvaayo yaaja nga yeeyongera okwaka, okutuuka mu kasana ghagati.

Omulangirizi 7:20

Bwenebwene ezira muntu mutuufu ku nsi, akola ebirungi ebyereere n'atayonoonaku naire.

Ezekieli 14:14

Abantu bano abasatu: Noa, Danieli ni Yobu, ni bwe bandigibairemu, bandiwoniizaagho bwa bulamu bwaibwe bwonka olw'obutuufu bwaibwe.” Musengwa Katonda atyo bw'akoba.

Ezekieli 14:20

Noa ni Danieli ni Yobu ni bwe bandigibairemu, nze Musengwa Katonda ndayira nti nga bwendi omulamu, tibandiwoniizaagho waire abaana baibwe. Bandiwoniizaagho bwa bulamu bwaibwe bwonka olw'obutuufu bwaibwe.”

Habakkuku 2:4

Buno ni, n'obukwenda bw'obe oghandiike, oti, ‘Abo boonaboona abatali beesimbu, ba kufa. Aye abo abatuufu baidha kuba balamu olw'obwesige bwaibwe ye ndi.’ ”

Luka 1:6

Bombi baali batuufu mu maiso ga Katonda, nga bagema ebiragiro bya Musengwa byonabyona n'amateeka ge, nga tibasobyamu.

Luka 2:25

Mu Yerusalemu mwalimu omuntu, eriina lye nga ni Simeoni, nga muntu akola ebituufu, atya Katonda ng'alindirira okununulwa kwa Isiraeli, era Mwoyo Mutukuvu ng'amuliku.

Luka 23:50

Mperaano ghaaligho omusaadha ng'ayetebwa Yosefu ow'omu kibuga Arimathea eky'e Buyudaaya. Ono yali atyama ku lwekobaano olw'embuga nga musaadha mulungi era ng'akola bituufu.

Ebikolwa by'Abatume 10:22

Bairamu bati: “Korunelio, omukulu ow'ekikunsu eky'abaisirukale n'atutumye. Omusaadha ono mutuufu, atya Katonda, era Abayudaaya boonaboona bamwogeraku bukalamu. Kale, malaika omutukuvu yamukoba akwete, oje ewuwe, awulire by'oyegeresa.”

Ab'e Roma 1:17

Kuba mu Mawulire ago obutuufu bwa Katonda mwe bubonekera. Obutuufu obwo Katonda abutugha lwa kwikiriza, era butoolerera mu kwikiriza bweyongerera mu kwikiriza. Era nga bwekyaghandiikibwa kiti: “Omutuufu anaabanga mulamu lwa kwikiriza.”

Ab'e Galatia 3:11

Mperaano, kyeyoleka bukalamu nga ghazira aba mutuukirivu lwa Mateeka, kuba kyaghandiikibwa kiti: “Oyo aba omutuukirivu olw'okwikiriza aliba mulamu.”

Amateeka Agokubiri 18:13

Imwe mubenga beesimbu mu maiso ga Musengwa Katonda waimwe.”

Abaheburayi 11:7

Okwikiriza n'okwaleetera Noa okuwulira Katonda, bwe yamulabula ku bintu ebyali bikaali kuboneka, yaazimba eryato eryawonia mwene n'amaka ge. Olwa kino yaasalira ensi omusango, era mwene yaabalibwa okuba omutuufu olw'okwikiriza.

1 Petero 2:5

Mwidhe y'ali nga muli ng'oti n'amabaale amalamu, abazimbemu endhu ey'omwoyo. Mube bakabona abatukuvu abagheereza emisengo egy'omwoyo egisiimibwa Katonda, nga mubita mu Yesu Kurisito.

2 Petero 2:5

Era Katonda tiyasaasira nsi mu biseera bya Noa, aye yasindika omwidhuzo okusaaniagho abantu abatamutya. Yaawoniagho Noa eyakoberanga abantu nga Katonda bw'ayenda beebise, era yaawoniagho n'abantu abandi musanvu.