Amainhama 6:17 - Baibuli Ekibono kya Katonda 2014

¹⁷ kuba bona, ndidha kuleeta omwidhuzo gw'amaadhi ku nsi guzikirize kiisi kiri na bulamu ekiri ghansi gh'eigulu. Buli kintu ku nsi kiidha kufa.

Amainhama 6:17 ပူးပေါင်းရင်းမြစ်များ

Amainhama 2:7

Agho Musengwa Katonda yaawumba omuntu mu itaka, yaamufuuwa mu nhindo omuuka ogw'obulamu olwo omuntu yaatoolera okuba omulamu.

Amainhama 6:13

Katonda yaakoba Noa ati: “Nsazeegho okuzikiriza abantu boonaboona, kuba baleeteire ensi okwidhula ebikolwa byaibwe eby'obukambwe.

Amainhama 6:16

Eryato eryo lizimbeku akasolya, ng'oleseegho eibanga lya mukono mulala okuva ku mbaawo edh'omu mbali ghe dhikoma. Lizimbe nga lirimu ekisenge ekya ghansi, ekya ghagati, n'ekya ghaigulu. Era oliteeku olwigi mu mbali;

Amainhama 6:7

Yaakoba ati: “Ndidha kusaaniagho omuntu ye natonda ave ku nsi, era nsaaniegho n'ensolo, n'ebyeghaluliza ku itaka, n'enhonhi, kuba neidhwisa ekyabintonza.”

Amainhama 7:15

Ekisaadha n'ekikazi okuva ku buli kika eky'ekintu ekiri n'obulamu, kyaingira mu lyato ni Noa,

Amainhama 7:17

Omwidhuzo gweyongera ku nsi okumala enaku makumi ana era amaadhi gaabanda buli ghantu, gaabbeeda eryato lyaghanikibwa ghaigulu gh'ensi.

Amainhama 7:4

Kuba mu nnaku musanvu okuva ni buti, ndidha kugwisa amaadhi ku nsi okumala enaku amakumi ana, omusana n'obwire, olwo nsaaniegho ku nsi buli kintu kiramu kye nakola.”

Amainhama 9:9

“Bona, ndi kukola endagaano yange n'imwe, era n'eizaire lyaimwe erinairangagho

Yobu 22:16

Baafa ng'ekiseera kyaibwe eky'okufa kikaali, baayeyebwagho ng'oti n'ekizimbe bwekyeyebwagho amaadhi ag'omwidhuzo.

Zabbuli 107:34

Eribaire eitaka eigimu alifuula ery'oluunhu erizira muganhulo, olw'obubi bw'abo abalityamaku.

Zabbuli 29:10

Musengwa Katonda n'afuga omwidhuzo gw'amaadhi; afuga nga ni kyabazinga ebyanda n'ebyanda.

Okuvaayo 14:17

Ndidha kukalangusa emyoyo egy'Abamisiri balobe kutya, boona bangire mu nhandha nga bababingirira, aye kye nja okukola kyabazinga n'abalwani be boonaboona, n'ebigaali bye eby'omu lutalo, n'abavuzi be ab'embalaasi, kija kumpeesa ekitiisa.

Isaia 51:12

Musengwa Katonda era akoba ati: Nze mwene, ninze mbagumya mu bizibu, kale lwaki mutya abantu obuntu, abalifa ni bawaagho ng'oti isubi?

Isaia 54:9

“Nga bwe nalayira mu biseera bya Noa obutairamu kabiri kuleeta maadhi ga mwidhuzo kubanda ku nsi, ni leero ntyo bwe ndi kulayira obutairamu kabiri kukusungughaliranga na kukudhuukanga, waire okukubonerezanga.

Ezekieli 34:11

“Nze Musengwa Katonda nkoba nti, nze mwene ndinoonia entaama dhange, naayagaaza woonawoona okuzuula ye dhiri.

Ezekieli 34:20

Agho ni nze Musengwa Katonda kyenva ni mbakoba nti: Nze mwene ndisala omusango ghagati gh'entaama engeedhu n'engoogombe,

Ezekieli 5:8

Kale ni mubone eno, buti nze Musengwa Katonda waimwe, zeena ndi muzigu ye muli, era ndibasalira imwe omusango naababonereza ng'abamaghanga agabeezungulwire boonaboona babona.

Ezekieli 6:3

Okobe ensozi edho edh'omu Isiraeli, dhiwulire nze Musengwa Katonda bye ndi kukoba ensozi n'obusozi, aghalala n'obwinhamo n'ebiiko: Bona eno, nze mwene, ninze ndisindika entalo okuzikiriza ebifo ebigulumivu abantu bye basinzizaamu ebitali Katonda.

Hosea 5:14

Kale ndirumba Isiraeli ni Buyudaaya ng'oti mpologoma. Era nze mwene, ninze ndibayuzayuza, memale neejiira. Ndibaghaluudhania naabatwala nga ghazira n'asobola kubawonia.

Abalevi 26:28

zeena ndibeefuulaku mu busungu naayongera okubabonereza emikuzi musanvu okusingagho olw'ebibi byaimwe.

Amosi 9:6

Musengwa Katonda oyo azimba endhu ye eyo ghaigulu mu igulu, era ghaigulu gh'ensi yataagho eibanga. Yaayetesa amaadhi ag'omu nhandha, yaagafuka ku bukalu. Eriina lye ni Musengwa Katonda.

Matayo 24:39

Aye tibaamanha okutuusa amaadhi ag'omwidhuzo bwe gaidha ni gabasaaniagho. Kale atyo n'Omwana w'Omuntu bw'aliidha.

Luka 17:27

Abantu baali bali ku kulya, kunhwa, kubayiza, na kubayira, okutuusa ku lunaku Noa lwe yangira mu lyato, amaadhi ag'omwidhuzo gaidha gabazikiriza boonaboona.

Ab'e Roma 5:21

Kale ng'ekibi bwe kyafugira mu kufa, n'ekisa kya Katonda kityo bwe kyafugira mu butuufu, okutuusa ku bulamu obutawaagho, ku lwa Yesu Kurisito Musengwa waife.

Ab'e Roma 6:23

Empeera y'ekibi kufa, aye ekirabo kya Katonda n'obulamu obutawaagho bwe tufuna mu Kurisito Yesu Musengwa waife.

Amateeka Agokubiri 32:39

Mpegaano ni mukimanhe, nga nze, era Nze zenka, ni Nze Katonda; ezirayo katonda wundi okutoolaku Nze. Ninze aita, era ninze agha obulamu. Nfumita era naawonia; ghazira asobola kuntoolaku kiri mu buyinza bwange.

Abaheburayi 11:7

Okwikiriza n'okwaleetera Noa okuwulira Katonda, bwe yamulabula ku bintu ebyali bikaali kuboneka, yaazimba eryato eryawonia mwene n'amaka ge. Olwa kino yaasalira ensi omusango, era mwene yaabalibwa okuba omutuufu olw'okwikiriza.

1 Petero 3:20

Egyo n'emyoyo egy'abo abaaloba okuwulira Katonda eyabaguminkiriza mu biseera Noa bye yazimbiramu eryato. Mu lyato omwo n'omwawonera abantu abatono bati omunaana, abaawonagho mu maadhi.

2 Petero 2:5

Era Katonda tiyasaasira nsi mu biseera bya Noa, aye yasindika omwidhuzo okusaaniagho abantu abatamutya. Yaawoniagho Noa eyakoberanga abantu nga Katonda bw'ayenda beebise, era yaawoniagho n'abantu abandi musanvu.