Amainhama 6:13 - Baibuli Ekibono kya Katonda 2014

¹³ Katonda yaakoba Noa ati: “Nsazeegho okuzikiriza abantu boonaboona, kuba baleeteire ensi okwidhula ebikolwa byaibwe eby'obukambwe.

Amainhama 6:13 ပူးပေါင်းရင်းမြစ်များ

Amainhama 49:5

Simeoni ni Levi bafaanania ebidhuubo. Batoola eby'okulwanisa byaibwe, baakola ebikolwa eby'obukambwe.

Amainhama 6:14

Weekolere eryato mu muti omulungi olisalemu ebisenge era olimaaleku obulimbo munda ni ku ngulu.

Amainhama 6:4

Mu biseera ebyo ni mu biseera ebyairirira, abaana ab'omu igulu baazaalanga abaana mu baana abaghala ab'abantu abaana abo n'abaafuuka abantu ab'amaani, abawaigufu era abakanu, abaayetebwanga Nefilimu, abaamanhikana einho mu biseera ebyabita.

Amainhama 7:21

Kiisi kintu kiramu ekyali ku nsi kyafa, enhonhi, ensolo enfuge n'edh'omu nsiko, n'ebitonde byonabyona ebitambulira mu biyindi, era n'abantu boonaboona.

Amainhama 7:23

Musengwa Katonda yazikiriza ebintu ebiramu byonabyona ku nsi abantu, ensolo, ebyo ebyeghaluliza ku itaka, n'enhonhi. Noa n'abo abaali naye mu lyato, ni bonka abaawonagho.

Amainhama 7:4

Kuba mu nnaku musanvu okuva ni buti, ndidha kugwisa amaadhi ku nsi okumala enaku amakumi ana, omusana n'obwire, olwo nsaaniegho ku nsi buli kintu kiramu kye nakola.”

Amainhama 8:21

Musengwa Katonda yaawunhiza akawoowo, yaasangaala, yaakoba mule ati: “Tikairayo kukolima nsi kabiri olw'omuntu by'akola, kuba omwoyo gwe gwidhwire bubi bwereere okuva mu buto bwe. Tikairayo kabiri kuzikiriza bintu biramu byonabyona nga bwe nkoze.

Isaia 34:1

Imwe abantu ab'amaghanga goonagoona museete kumpi. Abantu mwenamwena mutege amatu muwulire. Iwe ensi idha owulirise, ghalala n'ebikulimu byonabyona.

Yeremia 51:13

Iwe ensi erimu emiiga kamaala n'eby'obukombe ebingi, enkomerero yo etuuse, akawuuzi akagemereire obulamu bwo bakakutwire.

Amosi 3:7

Mu butuufu bwene, ghazira Musengwa Katonda ky'akola mu kyama nga takyoleike bagheereza be abalanzi.

Amosi 8:2

Yambuuza ati: “Amosi, kiki ky'oli kubona?” Naamwiramu nti: “Ndi kubona ekiibo eky'ebibala ebituuse okulya.” Agho Musengwa Katonda yankoba ati: “Ekiseera kituuse eky'okuzikiriza abantu bange Abaisiraeli. Tija kabiri kwirayo kukyusa kidhuubo kyange ni ndoba kubabonereza.

Abaheburayi 11:7

Okwikiriza n'okwaleetera Noa okuwulira Katonda, bwe yamulabula ku bintu ebyali bikaali kuboneka, yaazimba eryato eryawonia mwene n'amaka ge. Olwa kino yaasalira ensi omusango, era mwene yaabalibwa okuba omutuufu olw'okwikiriza.

1 Petero 4:7

Enkomerero ey'ebintu byonabyona eri kumpi. Agho ni mubenga beetegefu era musabenga.