Amainhama 6:11 - Baibuli Ekibono kya Katonda 2014

¹¹ Aye, abantu abandi boonaboona baali babi mu maiso ga Katonda, era ng'ebikolwa eby'obukambwe bibunie ensi yoonayoona.

Amainhama 6:11 ပူးပေါင်းရင်းမြစ်များ

Amainhama 10:9

Yali muyiizi wa maani ku lw'obuyinza bwa Musengwa Katonda, era okwo n'okwava endhogera eti: “Ng'oti ni Nimurodi omuyiizi ow'amaani ku lw'obuyinza bwa Musengwa Katonda.”

Amainhama 13:13

Abantu ba Sodoma baali babi, era nga boonooni inho ye Musengwa Katonda.

Amainhama 6:10

era ng'atambulira mu Katonda. Yazaala abaana abalenzi basatu, Shemu, Hamu ni Yafethi.

Amainhama 7:1

Agho Musengwa Katonda yaakoba Noa ati: “Ingira mu lyato n'ab'omu ndhu yo boonaboona, kuba mboine nga niiwe omuntu omutuufu wenka mu bantu ab'oluse luno boonaboona.

2 Ebyomubyanda 34:27

weeneniiza era weewombeeka mu maiso gange. Era okanwiremu ebivaalo byo olw'okunakughala era waalira amaziga, bw'owuliire ebibono bye nayogera ku kifo kino ni ku bantu abakibaamu. Kale ni mpuliire okusaba kwo.

Zabbuli 11:5

Musengwa Katonda yeekebeedha abatuufu n'abakozi b'ebibi, era tayendera irala abo abagonza ebikolwa eby'obukambwe.

Zabbuli 140:11

Abo abaghaama banaibwe ka babule ekibajiira obukalamu ku nsi kuno; obuzibu obw'okulalakulala bwidhire abakola eby'obukambwe bubazikirize.

Zabbuli 55:9

Wo Musengwa Katonda, zikiriza olulimi lw'abazigu bange, otabuletabule bye boogera; kuba mbona ekibuga kiidhwire okwegugunga n'ebikolwa eby'obukambwe.

Okuvaayo 32:7

Agho Musengwa Katonda yaakoba Musa ati: “Irayo ghansi gh'olusozi era tezaaku, kuba abantu bo be watoola mu Misiri boonooneike beekola ebiswaza.

Isaia 60:18

Obukambwe tibuliwulirwaku kabiri mu nsi yo, era ensi yo terizikirizibwa waire okufuuka ebifulukwafulukwa. Ebimante byo ebikwezungulwire olibyeta ‘Bulokozi bwa Musengwa Katonda,’ n'emiryango gyo waagyeta ‘Kusaaka Musengwa Katonda.’

Yeremia 6:7

Ng'ensulo bw'etawaamu maadhi malungi, n'ekibuga ekyo kityo bwe kitalekera kukola bibi byakyo. Bikolwa bya bukambwe na kuzikiriza bye nkiwuliraku byonka, era nkibonamu ndwaire na kulumizibwa buli kaakyeire.

Ezekieli 28:16

Weemalira inho mu by'okusuubula byakuleetera okukozesa obukambwe, waakola ebibi. Kale naakubinga ku lusozi lwange olutukuvu ng'oli mwonoonefu. Era kikerubi ekyakukuumanga kyakubingirira okukutoola mu mabaale ag'omughendo agamirimiinha.

Ezekieli 8:17

Musengwa Katonda era yambuuza ati: “Iwe omuntu, oboine ebyo? Abantu b'omu Buyudaaya bakibona nga kintu kitono inho okukola ebyenhinhalwa ebyo bye bakola ghano. Bongera okwo n'okwidhuza ensi eno ebikolwa eby'obukambwe, era bansoononkereza nhongere okubasungughalira. Kale bona nga bwe bandhooga mu nsambo esingayo kuba ya bunhoomi.

Habakkuku 1:2

Wo Musengwa Katonda, ndituusa li okukulirira okutuyamba ng'otusiriikiriire? Oli tuwonia li abo abatukola ebikolwa eby'obukambwe?

Habakkuku 2:17

Obukambwe bwe mwakozesa ku Lebanoni, n'obuja okukozesebwa ku imwe beene. Nga bwe mwazikiriza ensolo, era ensolo n'edhiidha okubatiisa. Olw'ebikolwa eby'obutemo bye mwakola mu nsi, ni mu bibuga, ni ku bantu baamu.

Habakkuku 2:8

Olw'okuba mwanhaga amaghanga kamaala, abo abaawonagho mwena baja kubanhaga, olw'abantu be mwaita n'olw'ebikolwa eby'obukambwe bye mwakola ku nsi mu bibuga ni ku bantu baamu.

Luka 1:6

Bombi baali batuufu mu maiso ga Katonda, nga bagema ebiragiro bya Musengwa byonabyona n'amateeka ge, nga tibasobyamu.

Ab'e Roma 2:13

kuba abatuufu n'abo abakola Amateeka bye galagira, aye ti abo abagawulira obuwulire.

Ab'e Roma 3:19

Twidhi nga buli kyonakyona ekiri mu Mateeka kigema ku abo abafugibwa Amateeka, ghalobe kubaagho eyeewolereza, era abantu ab'omu nsi boonaboona Katonda abasalire omusango.

Amateeka Agokubiri 31:29

Kuba ndidhi nti bwe ndimala okufa balifuukira irala ababi, baaloba kukola bye mbalagiire. Era ye bwidha, ebizibu biribaidhira, olw'okuleetera Musengwa Katonda okusungughala nga bakola by'atayenda.”

Abalamuzi 2:19

Aye buli mukulembeze bwe yafanga, abantu bairangayo mu mize gyaibwe egy'eira, baabanga babi n'okusinga badhaadha baibwe. Baagheerezanga emisambwa era baagikubiranga amakiryaivu okugisinza, era baalobanga kulekayo mpisa dhaibwe embi naire endala.