Amainhama 50:13 - Baibuli Ekibono kya Katonda 2014

¹³ Baabbeeda omulambo gwe, baagutwala mu nsi Kanaani, baaguziika mu mpuku ey'omu nimiro ey'e Makipela e buvandhuba bwa Mamure. Empuku eyo Aburahamu yagigulira ghalala n'enimiro eyo ku Efuroni Omuhitti, ebenga ekifo eky'okuziikangamu.

Amainhama 50:13 ပူးပေါင်းရင်းမြစ်များ

Amainhama 23:20

Kale enimiro n'empuku yaamu ebyali eby'Abahitti, byafuukira irala ekifo kya Aburahamu eky'okuziikangamu abafu be.

Amainhama 23:9

ampe empuku ye eri e Makipela, ku nkomerero y'enimiro; agingulize ghano ku mughendo gwayo omwidhuvu nga mwena mubona, ebe ekifo kyange eky'okuziikangamu abafu.”

Amainhama 25:8

era yaafa nga musaadha mukaire ow'emyaka emiidhuvu; yaatwalibwa eri badhaadha be.

Amainhama 25:9

Batabane be, Isaaka ni Ishimaeli, baamuziika mu mpuku ya Makipela e buvandhuba bwa Mamure, mu nimiro eyali ey'Efuroni, omwana wa Zohara Omuhitti.

Amainhama 35:27

Agho Yakobo yaja eri ise Isaaka e Mamure, oba Kiriatharaba, ekyo era nga ni Heburoni, Aburahamu ni Isaaka mwe baabanga.

Amainhama 35:29

yaafa ng'akairiighe inho, yaatwalibwa eri badhaadha be. Batabane be, Esau ni Yakobo, baamuziika.

Amainhama 46:4

Ndidha kuja n'iwe e Misiri, era ndiiza baidhukulu bo mu nsi eno. Era bw'olifa Yosefu aliba ng'aligho yaakuziika.”

Amainhama 47:30

Nhenda nziikibwe aghali badhaadha bange ontoolanga mu Misiri, wantwala wanziika mu kifo mwe baaziikibwa.” Yosefu yairamu ati: “Ndikola ntyo nga bw'okobye.”

Amainhama 50:12

Kale abaana ba Yakobo baakola nga mwene bweyabalagira.

Amainhama 50:14

Yosefu bweyamala okuziika ise, yairayo mu Misiri ni baganda be, ni boonaboona be yaja nabo okuziika ise.

2 Bakyabazinga 21:18

Agho Manasse yaafa yeeyimba ku badhaadha be abaafa, era yaaziikibwa mu nimiro y'omu kisaagaati kya kyabazinga, eyetebwa eya Uzza. Mutabane we Amoni yaamusikira ku bwakyabazinga.

Ebikolwa by'Abatume 7:16

Baabatwala e Shekemu baabaziika mu magombe Aburahamu ge yagula n'empiiya ku baana ba Hamori e Shekemu.