Amainhama 50:10 - Baibuli Ekibono kya Katonda 2014

¹⁰ Bwe baatuuka mu kifo aghakubirwa engaano, eky'e Atadi e buvandhuba wa Yorudani, baakubira eyo empungu nhingi inho okumala ekiseera. Era Yosefu yaamala enaku musanvu ng'alira ise.

Amainhama 50:10 ပူးပေါင်းရင်းမြစ်များ

Amainhama 27:41

Esau yaakyagha Yakobo olw'enkabi ise dhe yamusabira. Esau yaakoba mule ati: “Enaku edh'okulira nga bbaaba afiire, dhiri kumpi kutuuka. Bwe dhirituuka, ndiita muganda wange Yakobo.”

Amainhama 50:11

Abantu abatyamye ab'omu Kanaani bwe baabona abantu abo, nga bali kulirira mu kifo aghakubirwa engaano eky'e Atadi, baakoba bati: “Abamisiri nga bali kulira inho amaziga!” Ekifo ekyo kye kyava kituumibwa eriina Abeli Miziraimu.

Amainhama 50:3

Baamala enaku amakumi ana nga bali kugukaza ekyo n'ekiseera kye baamalanga nga bali kukaza omulambo. Abamisiri baamala enaku nsanvu nga bamulira.

Amainhama 50:4

Enaku edh'okulira bwe dhaawaaku, Yosefu yaakoba abakungu ba kyabazinga ati: “Mbeeghembye, munkobere kyabazinga,

Amainhama 50:9

Era ku baaja naye kwaliku n'abaali ku bigaali eby'omu lutalo, n'abaali bali kuvuga embalaasi; lyaba ikuukuubira inene inho.

2 Samueli 1:17

Agho Daudi yaalira Saulo ni mutabane we Yonathani mu olwembo olw'okulira.

2 Samueli 11:26

Bathisheba bwe yawulira nga Uria iba bamwise, yaamulira.

1 Ebyomubyanda 10:12

abasaadha abaziramu ntete boonaboona baasituka, baaja baatoolayo omulambo gwa Saulo n'emirambo gya batabane be, baagireeta e Yabeshi. Baaziika amagumba gaibwe eyo e Yabeshi ghansi gh'omuti omukologho, era baasiiba okumala enaku musanvu.

Yobu 2:13

Era baatyama naye ku itaka okumala enaku musanvu, omusana n'obwire, nga ghazira ayogera naye kibono. Kuba baabona ng'okudaazibwadaazibwa kwe yalimu kwali kunene.

Omulangirizi 12:5

Ng'otya okuba mu bifo ebyeruupye ghaigulu, era ng'otya n'okutambula mu ngira wenka. Olwo nga n'enviiri dhifuuse ndheru, ng'okwetuka bukwetuke ng'oti isisi, era nga tokaali na kye weegomba. Ng'otuusiiza okuja mu kiwuumulo kyo eky'olubeerera, era nga n'abalizi bali kwesomba mu nguudo.

Okubala 19:11

“Omuntu bw'anaagemanga ku mulambo ogw'omuntu, aidha kusigalanga nga tiimulongoofu okumala enaku musanvu.

Okubala 20:29

Abaisiraeli boonaboona bwe bamanha nga Aaroni afiire, bamulirira enaku amakumi asatu.

Ebikolwa by'Abatume 8:2

Abantu abaisaamu Katonda ekitiisa baaziika Sitefano era baamulira inho.

Amateeka Agokubiri 1:1

Bino n'ebibono Musa bye yakoba Abaisiraeli boonaboona, nga bali mu irungu, ku luuyi olw'e buvandhuba olw'omwiga Yorudani. Baali mu kiiko kyagwo okumpi n'ekifo ekyetebwa Sufu, ghagati gh'ekibuga Parani nga kiri ku luuyi olundi, n'ebibuga Tofeli, Labani, Hazerothi ni Dizahabu, nga biri ku luuyi olundi.

Amateeka Agokubiri 34:8

Agho Abaisiraeli baalira Musa okumala enaku amakumi asatu, nga bali mu kiketezo eky'oku museetwe e Moabu, okutuusa ekiseera eky'okumulira bwe kyawaaku.

1 Samueli 31:13

Baatwala amagumba gaibwe, baagaziika ghansi gh'omuti omutamarisiki, era baasiiba enaku musanvu.