Amainhama 49:8 - Baibuli Ekibono kya Katonda 2014

⁸ Iwe Yuda, baganda bo banaakusaakanga. Abazigu bo onaabaghangulanga. Baganda bo banaakukubiranga amakiryaivu.

Amainhama 49:8 ပူးပေါင်းရင်းမြစ်များ

Amainhama 27:29

Abantu aba buli nsambo bakugheerezenga, n'amaghanga kamaala gakukubirenga amakiryaivu! Ofugenga baganda bo, era abaana ba inhoko bakukubirenga amakiryaivu! Kiisi akukolimira akolimirwenga, era kiisi akusabira enkabi, yeena agheebwenga enkabi!”

Amainhama 29:35

Era yaatoola enda kabiri yaazaala omwana mulenzi. Yaakoba ati: “Ku mukuzi guno ndidha kusaaka Musengwa Katonda.” Kyeyava n'amutuuma eriina Yuda. Agho yaakoma okuzaala.

Amainhama 42:6

Yosefu n'eyali omufuzi w'ensi Misiri, era n'eyaguzanga engaano abantu boonaboona abaavanga woonawoona mu nsi. Kale baganda be baidha, baakuba amakiryaivu mu maiso ge, nga n'obweni butuuse ku itaka.

Amainhama 46:12

Yuda ni batabane be bano: Eri, ni Onani, ni Shela, ni Perezi, ni Zera. Aye Eri ni Onani baafiira mu nsi y'e Kanaani. Batabane ba Perezi baali: Hezironi ni Hamuli.

2 Samueli 22:41

Waleetera abazigu bange okukyuka baalumuka naababona bwa nkoone, naazikiriza abo abankyagha.

2 Samueli 24:9

Yoabu yaatwalira kyabazinga Daudi omughendo ogw'abantu be baabala: mu Isiraeli mwalimu abasaadha abalwani b'entalo abaziramu ntete emitwalo kinaana (800,000), ate mu Buyudaaya mwabaamu emitwalo ataanu (500,000).

2 Samueli 5:3

Kale abakulembeze mu Isiraeli baidha ye kyabazinga Daudi e Heburoni. Daudi oyo yaakola nabo endagaano mu maiso ga Musengwa Katonda, baamusiiga omuzigo okumufuula kyabazinga wa Isiraeli.

1 Ebyomubyanda 28:4

Aye ate mu b'oku nda ya lata wange boonaboona, Musengwa Katonda, Katonda wa Isiraeli ninze ye yalondamu okuba kyabazinga wa Isiraeli oyo ebyanda n'ebyanda. Mu nda edh'abaasimuka mu Yuda, yalondamu enda ya lata wange. Ate mu baana ba lata wange, yaasiimamu nze okunfuula kyabazinga wa Isiraeli yoonayoona.

1 Ebyomubyanda 5:2

Mu butuufu, waire nga Yuda yafuuka ow'amaani mu baganda be boonaboona, era waire nga mu kika kye mwavaamu omukulembeze, aye era obukulu obw'okuzaalibwa bwasigala nga bwa Yosefu.

2 Ebyomubyanda 14:8

Kyabazinga Asa yali n'eigye ly'abalwani emitwalo amakumi asatu (300,000) abaava mu kika kya Yuda, abaalwanisanga engabo n'amafumo. Era yaaba n'abalwani emitwalo abiri na munaana (280,000) abaava mu kika kya Benjamini, abaalwanisanga engabo n'obulaso. Abo boonaboona baali balwani ba maani abaziramu ntete.

2 Ebyomubyanda 15:9

Agho Asa yaasoloza ab'ekika kya Yuda boonaboona, n'ab'ekya Benjamini. Yaasoloza n'abandi abaabanga aghalala n'abo eyo, abaava mu biketezo bino: ekya Efuraimu, n'ekya Manasse, n'ekya Simeoni kuba abantu kamaala inho baasenguka baava mu biketezo ebyo ebya Isiraeli, baasenga mu bwakyabazinga bwa Asa oyo, nga bamaze okubona Musengwa Katonda we, bw'ali aghalala naye.

2 Ebyomubyanda 17:2

Yaata amagye mu bibuga bya Buyudaaya byonabyona ebyezungulwirwa ebimante ebigumu. Ni mu biketezo bya Buyudaaya eby'omu byalo yaataayo enkambi dh'abalwani, ni mu bibuga by'omu Efuraimu lata we Asa bye yanhaga, mwona yaataamu enkambi dh'abalwani.

2 Ebyomubyanda 30:11

Okutoolaku abatono bati ku b'omu bika, ekya Asheri, n'ekya Manasse, n'ekya Zebuluni, abaagonda ni baidha e Yerusalemu.

Zabbuli 76:1

Katonda amanhiibwa mu Buyudaaya; eriina lye ligheebwa ekitiisa mu Isiraeli.

Isaia 9:7

Obufuzi bwe bwidha kweyongeranga aghazira kukoma emiraala mu bwakyabazinga bwe gyeyongerenga aghazira kusalaku. Alifuga ng'omusika wa Daudi, obuyinza bwe nga bujiira ku kukola mazima na butuufu, okuva mpegaano n'okutuusa ebyanda n'ebyanda. Musengwa Katonda Afuga Amagye aidha kutuukiriza ekyo.

Ezekieli 21:29

“‘Okubonekerwa kwe mufuna kwa buguya, ni bye mulagula ti bituufu naire. Muli babi abatasiimya Katonda naire, era olunaku lwaimwe lutuuse, n'ekiseera eky'okubonerezebwa kwaimwe okusembayo. Empiima eja kusala amamiro gaimwe.

Okubala 1:27

baali emitwalo musanvu n'enkumi ina na lukaaga (74,600).

Okubala 10:14

Abo ab'ebendera ey'ekikunsu eky'ekika kya Yuda n'abaasooka okutambula nga bali mu bikunsu byaibwe, Nahashoni mutabane wa Amminadabu nga n'ali kubakulembera.

Okubala 26:20

Ekika ekya Yuda oyo kyalimu enda dhino: eya Shela, n'eya Perezi, n'eya Zera.

Okubala 26:22

Edho n'enda edhaali mu kika kya Yuda, era dhaalimu abantu emitwalo musanvu na kakaaga na bitaanu (76,500).

Amateeka Agokubiri 33:7

Yaasabira Abayuda ati: “Wo Musengwa Katonda, wulira okusaba kw'Abayuda, obaize mu baganda baibwe. Obalwanirire obawonie abazigu baibwe.”

Abaheburayi 10:13

Ali eyo ateegereire, okutuusa abazigu be lwe baliteebwa ghansi gh'ebigere bye.

Abaheburayi 7:14

Kimanhiibwa bukalamu nga Musengwa waife yali wa mu kika kya Yuda, Musa ky'ataayogeraku nga kirivaamu bakabona.

Yoshua 10:24

baabatwalira Yoshua. Yoshua yaayeta abasaadha be abalwani boonaboona baidha gh'ali. Yaakoba abakulembeze baibwe ati: “Museete ghano, mute ebigere byaimwe ku nkoto dha bakyabazinga bano.” Baaseeta baakola batyo.

Yoshua 15:20

Guno n'omugabo ogwagheebwa ekika kya Yuda nga bajiira ku nda dhaibwe.

Okwolekebwa 11:15

Agho malaika owomusanvu yaafuuwa eigwala lye. Ghaabaagho amamiro mu igulu nga gakoba gati: “Obwakyabazinga obw'ensi bufuuse bwa Musengwa waife era bwa Kurisito: aidha kufuganga ebyanda n'ebyanda.”

Okwolekebwa 5:5

Agho owundi ku bakulembeze yankoba ati: “Otalira. Bona, oyo ayetebwa Empologoma, ow'omu ighanga lya Yuda, mwidhukulu wa Daudi yaghangula, era asobola okukakampula obumanhiso omusanvu, n'okuzingulula enzingo ey'ekitabo.”

Abalamuzi 20:18

Abaisiraeli beesitula baaniinaniina okuja e Betheli, baabuuza Katonda bati: “Kika ki ekibe kisooke okulumba Ababenjamini?” Yaabairamu ati: “Ekika kya Yuda n'ekibe kisooke.”