Amainhama 49:27 - Baibuli Ekibono kya Katonda 2014

²⁷ Benjamini ali ng'oti n'omusege omuswankuzi. Enkyo alya by'ayiize, eigulo yaagabaniamu by'anhaze.”

Amainhama 49:27 ပူးပေါင်းရင်းမြစ်များ

Amainhama 35:18

Bwe yali ng'ali kumpi okufa, kuba yali ali kufa, yaatuuma omwana eriina Benoni, ekitegeeza, “Omwana ye nzaaliire mu bulumi.” Aye ise w'omwana yaamutuuma eriina Benjamini, ekitegeeza, “Omwana aliba ow'enkabi.”

Amainhama 46:21

Batabane ba Benjamini baali: Bela, ni Bekeri, ni Ashibeli, ni Gera, ni Naamani, ni Ehi, ni Roshi, ni Muppimu, ni Huppimu, ni Aridi.

Amainhama 49:26

Enkabi dha lata wo dhisingira irala enkabi edh'oku nsozi edh'olubeerera, n'ebirungi eby'oku busozi obutawaagho. Enkabi edho dhibenga ku mutwe gwa Yosefu, ku bisige by'oyo eyayawulwa ku baganda be.

Amainhama 49:28

Ebyo n'ebika eikumi n'ebibiri ebya Isiraeli, era ebyo n'ebibono iseibwe bye yabakoba, ng'ali kusabira buli muntu enkabi edhimujaamu.

Yeremia 5:6

Abantu abo bali n'ebibi kamaala era baava inho ku Katonda. Kale ni empologoma dhiriva mu kibira dhaabaita, emisege gyava mu irungu gyabazikiriza, n'empala dhaabeeteega mu bibuga byaibwe, nga kiisi muntu afuluma dhimuyuzayuza.

Ezekieli 22:25

Abakulembeze baamu bali ng'oti mpologoma ewologoma, n'ekankanula ky'egemye. Baita abantu, baanhaga empiiya n'eby'obukombe, era baaleka abakazi kamaala nga bafuuse banamwandu.

Ezekieli 22:27

Abakulembeze baamu bali ng'oti misege egikankanula kye gigemye. Baita abantu baabazikiriza, basobole okutwala ebintu byaibwe, bakombaghale.

Zefania 3:3

Abakungu mu kibuga omwo bali oti mpologoma edhiwologoma. Abalamuzi baamu baaba ng'oti n'emisege egiyiiga eigulo nga giri ndhala inho, ni gitalekaagho kagumba kusigala kubonebwaku nga bukyeire.

Okubala 1:36

Ababenjamini

Okubala 23:24

Bona eighanga eryo! Lisituka ng'oti mpologoma nkazi, lyebbeeda ng'oti mpologoma nume. Tiriwuumula nga tirituukiriiza kigendererwa kyalyo, ng'oti n'empologoma bwetawuumula nga temaze kuvaabira omuyiigo gwayo, n'okunhwa omusaayi gw'ekyo ky'eise.”

Okubala 34:21

Elidadi mutabane wa Kisiloni, okuva mu kika kya Benjamini;

Matayo 10:16

“Bona, ndi kubatuma, nga muli oti ntaama ghagati mu misege. Kale ni mube bakabwidhibwidhi ng'emisota, ng'ate muli bawolu ng'oti njiibwa.

Matayo 7:15

“Mwekuume abalanzi abaguya, abo abaidha ye muli nga beefuula bawolu oti ntaama, ate nga munda n'emisege emiswankuzi.

Ebikolwa by'Abatume 20:29

Nze ndidhi nga bwe ndija, abantu abali oti misege mikambwe baliidha mu imwe era tibalisaasira byayo.

Ebikolwa by'Abatume 8:3

Aye Saulo yaazikiriza Ekikunsu ky'Abaikiriza mu Kurisito nga angira kiisi nhumba yaagemamu abasaadha n'abakazi yaabata mu ikomera.

Ebikolwa by'Abatume 9:1

Aye Saulo yali ng'ali kutuubatuuba n'obusungu obw'okwita abeegeresebwa ba Musengwa. Yaaja ew'Omukulu wa Bakabona,

Amateeka Agokubiri 33:12

Yaasabira Ababenjamini ati: “Bano n'abantu Musengwa Katonda b'agonza. Baidha kubanga mu miraala gh'ali. Aidha kubakuumanga ekiseera kyonakyona, era aidha kubabangamu.”

Ab'e Filippi 3:5

kuba nze nakeketebwa nga naakamala enaku munaana. Ndi Muisiraeli, ndi mu kika kya Benjamini Omuheburayi mwene. Mu kugema amateeka ndi Mufarisaayo.

Abalamuzi 20:21

Ababenjamini baava mu kibuga ekyo Gibea baidha okulwana. Baita abalwani Abaisiraeli emitwalo ebiri n'enkumi ibiri (22,000) ku lunaku olwo.

Abalamuzi 20:25

N'Ababenjamini boona baava mu kibuga Gibea okubalwanisa omukuzi ogwokubiri. Ku mukuzi guno baita Abaisiraeli omutwalo mulala na kanaana (18,000), abalwani beene abaziramu ntete.