Amainhama 49:22 - Baibuli Ekibono kya Katonda 2014

²² Yosefu ali ng'oti n'omuti ogwama einho, oguli okumpi n'ensulo y'amaadhi, ng'ensaga dhaagwo dheeyandhaliire ghaigulu ku kimante.

Amainhama 49:22 ပူးပေါင်းရင်းမြစ်များ

Amainhama 41:52

Yaatuuma owokubiri eriina Efuraimu, kuba yakoba ati: “Katonda ampaire abaana mu nsi mwe ndaagiiredaagiire.”

Amainhama 46:27

Batabane ba Yosefu abaamuzaalirwa mu Misiri, baali babiri. Abantu boonaboona ab'omu ndhu ya Yakobo abaaja mu Misiri, baali nsanvu.

Amainhama 48:1

Ebyo nga bimaze okubaagho, Yosefu baamukobera bati: “Lata wo mulwaire.” Kale yaaja ni batabane be bombi, Manasse ni Efuraimu, okumubona.

Amainhama 48:15

Agho yaasabira Yosefu enkabi, ng'akoba ati: “Katonda oyo, dhaadha wange Aburahamu ni lata wange Isaaka ye baagheerezanga; era Katonda oyo eyandabiriranga okuva mu buto bwange okutuusa mpegaano, aghe abaana bano enkabi.

Amainhama 48:16

Katonda oyo eyatuma malaika n'amponia mu buli kabi koonakoona, abaghe enkabi. Eriina lyange n'erya dhaadha wange Aburahamu, n'erya lata wange Isaaka, gatuumibwenga mu baana baibwe. Bazaalenga abaana kamaala, era bafune abaidhukulu kamaala inho ku nsi.”

Amainhama 48:5

Era mpegaano batabane bo bombi, abaakuzaalirwa eno mu nsi y'e Misiri, nga nkaali kwidha y'oli, bange. Efuraimu ni Manasse baidha kubanga batabane bange, ng'oti ni Reubeni ni Simeoni bwe bali.

Amainhama 49:23

Abazigu be bamulumba n'obukambwe, baamulasa n'obulaso bwaibwe era baamukiriga.

Zabbuli 128:1

Wa nkabi oyo atya Musengwa Katonda, n'atambulira ku mateeka ge.

Zabbuli 128:3

Mu maka go, mukazi wo aidha kubanga ng'oti n'omuzabbibu ogwama einho, ate abaana bo babenga oti miti emyoliva emito, nga beezungulwire ekiiwulo.

Zabbuli 80:10

Ekinsense kyagwo kyaghemba ensozi, ensaga dhaagwo dhaaghemba n'emivule emikologho.

Ezekieli 19:11

Olusaga lwagwo olwasingamu obugumu lwakula lwaleegha, baalukolamu omwigo ogw'obwakyabazinga. Omuzabbibu ogwo gwakula gwaleegha inho ghaigulu, ng'ensaga dhaagwo edhiriku amakaba amangi badhirengerera ghala.

Hosea 13:15

Abaisiraeli ni bwe baliba nga n'abali obulungi mu baganda baibwe, nze Musengwa Katonda ndisindika empewo yange ey'e buvandhuba eva mu irungu, yaidha yaakaza ensulo dhaibwe n'emiiga gyaibwe. Era erikokoobya ebintu byaibwe eby'omughendo byonabyona bye baatereka.