Amainhama 49:10 - Baibuli Ekibono kya Katonda 2014

¹⁰ Yuda n'anaagemanga omwigo ogw'obwakyabazinga, era baidhukulu be n'abanaafuganga, okutuusa mwene bwakyabazinga lw'aliidha. Era oyo abantu ye banaawuliranga.

Amainhama 49:10 ပူးပေါင်းရင်းမြစ်များ

2 Samueli 7:13

Oyo n'alinzimbira endhu, era ndireetera obwakyabazinga bwe okukakata ebyanda n'ebyanda.

2 Samueli 7:16

Ndidha kuleeteranga eizaire lyo okwala, ndeeterenga n'obwakyabazinga bwo okukakata mu maiso gange ebyanda n'ebyanda. Ekityamo kyo eky'obwakyabazinga kiidha kubanga kya maani ebyanda n'ebyanda.’ ”

1 Ebyomubyanda 12:24

Ab'omu kika kya Yuda baali kakaaga na lunaana (6,800), nga bagemye engabo n'amafumo, nga beetegeike okulwana olutalo.

1 Ebyomubyanda 12:39

Baamalayo enaku isatu nga bali eyo ni Daudi, nga bali kulya era nga bali kunhwa ebyo ab'eighanga lyaibwe bye baabategekera.

Zabbuli 108:8

Ensi Gileadi yange, n'eighanga ery'Abamanasse lyange, ate ery'Abaefuraimu n'enkoofiira yange ey'ekyuma, olwo ery'Abayudaaya lyaba omwigo gwange ogw'obwakyabazinga.

Zabbuli 60:7

Ensi ya Gileadi yange, n'eighanga ery'Abamanasse lyange; ate ery'Abaefuraimu n'enkoofiira yange ey'ekyuma; ery'Abayudaaya lyaba omwigo gwange ogw'obwakyabazinga.

Zabbuli 60:9

Naani alintwala mu kibuga ekyezungulwirwa ebimante ebigumu? Naani alinkulembereramu okuntuusa mu Edomu?

Zabbuli 78:68

aye yaalonda ekika kya Yuda, n'olusozi Sioni lw'agonza einho.

Isaia 11:10

Olunaku lwidha kutuuka, oyo asimuka mu Yesse abe akamanhiso eri amaghanga. Amaghanga ago galyesolokeza gh'ali, era ekifo mw'alifugira kiriba kya kitiisa.

Isaia 2:2

Olunaku lwidha kutuuka, olusozi oluliku eisinzizo, lube nga n'olusinga buleeyi mu dhoonadhoona, era nga lusooloobye n'obusozi bwonabwona. Abantu abamaghanga kamaala balisomboka, baidha ku lusozi olwo,

Isaia 33:22

Musengwa Katonda mwene n'aliba omulamuzi waife, yaaba kyabazinga waife atufuga, era yaaba omulokozi waife.

Isaia 42:1

Musengwa Katonda akoba ati: “Ono n'omugheereza wange ye mpa amaani, era ye nalondamu aneesiimisa. Namutaamu omwoyo gwange, aleetere amaghanga okusalanga mu mazima.

Isaia 55:3

Mwidhe ye ndi mutege amatu; muwulirise bye nkoba musobole okufuna obulamu. Ndikola n'imwe endagaano etaliwaagho, ey'okugonza kwange okutakoma kwe nagonzangamu Daudi.

Isaia 60:1

Iwe Yerusalemu, situka oyake ng'oti ndhuba, kuba obutangaavu bwo butuuse, n'ekitiisa kya Musengwa Katonda kiri kwakira ku iwe.

Isaia 62:11

bamanhe nga Musengwa Katonda ali kulangirira mu nsi yoonayoona ati: “Mukobe ab'omu Sioni muti, bona, omulokozi wuuyo aidha, ng'ali n'ebirabo eby'okugabira abantu be, n'empeera ey'okubasasula.”

Isaia 9:6

Kuba ife omwana atuzaaliirwa, omwana omulenzi atugheereibwa, aidha okubanga omufuzi waife. Aidha kwetebwanga “Omuwi w'Amagezi Eyeewuunhisa, Katonda ow'Obuyinza, Iseife aligho ebyanda n'ebyanda, Omulangira Aleeta Emiraala”.

Yeremia 30:21

Mu ighanga lyaibwe lyene n'omuliva alibafuga; kyabazinga waibwe aliva mu beene. Ndimala kumweta memale yaaseeta ye ndi. Ghaligho akana n'aseeta ye ndi ku bubwe yenka? Nze Musengwa Katonda, ninze nkobye.”

Yeremia 33:26

Kale ni ng'endagaano eyo bw'etasobola kumenhebwagho, zeena ntyo bwe ntalisobola kulekulira agho baidhukulu ba Yakobo n'aba Daudi omugheereza wange, ni ntalonda owundi ku baidhukulu be afugenga baidhukulu ba Aburahamu, n'aba Isaaka, n'aba Yakobo. Bwenebwene ndigemerwa abantu bange ekisa, naabaleetera ebintu byairamu okubajiiranga obukalamu.”

Ezekieli 19:11

Olusaga lwagwo olwasingamu obugumu lwakula lwaleegha, baalukolamu omwigo ogw'obwakyabazinga. Omuzabbibu ogwo gwakula gwaleegha inho ghaigulu, ng'ensaga dhaagwo edhiriku amakaba amangi badhirengerera ghala.

Ezekieli 19:14

Enduli y'omuzabbibu ogwo yaagema omuliro, omuliro ogwo gwayokya ensaga dhaagwo n'ebibala byaku. Tigukaaliku nsaga ngumu dha kutema kukolamu miigo gya bwakyabazinga. Olwo n'olwembo olw'enaku, era baidha kulwembanga buli kaakyeire.

Ezekieli 21:27

Ekibuga ekyo ndikizikiriza kyafuuka bifulukwafulukwa, okutuusa oyo ye nhenda okukigha lw'aliidha, ni nkimugha.

Ezekieli 21:32

Muliba ng'oti nku nga muli mu muliro oguli kwaka. Omusaayi gwaimwe guliyuyika mu nsi yaimwe yeene, olwo ghalobe kubaagho muntu airamu kubaidhukira.’ ” Musengwa Katonda atyo bw'akoba.

Danieli 9:25

Agho ni kimanhe era okitegeere ng'okuva ku kiseera ekiragiro eky'okuzimba Yerusalemu obuyaaka lwe kirigheebwa, okutuuka ku kwidha kw'omukulembeze omulonde wa Katonda, ghaja kubitagho emyaka nsanvu emikuzi musanvu. Olwo ghabeegho emyaka nkaaga n'ebiri emikuzi musanvu, egy'okuzimbiramu Yerusalemu obuyaaka, n'enguudo dhaakyo, n'ekimante ekigumu okukyezunguluza. Aye ekiseera ekyo kiriba kya bizibu.

Hosea 11:12

Musengwa Katonda akoba ati: “Abaisiraeli bandidhwizaaku obuguya bwaibwe okuneezunguluza. Aye ab'omu Buyudaaya, nze Katonda mbaidhi, era beesigwa eri Nze Omutukuvu.”

Mika 5:1

Abantu ab'e Yerusalemu mwesoloze mukole eigye! Batuzingiiza! Bakubye omufuzi wa Isiraeli ku itama n'olwigo.

Haggai 2:7

Nja kutengeesa amaghanga goonagoona, eby'obukombe byago byonabyona bireetebwe ghano, olwo ndidhuze eisinzizo lino eby'obukombe.

Zekaria 10:11

Bwe baliba nga bali kubita mu nhandha ey'e Misiri, nze Musengwa Katonda ndikuba okwefuukuula okw'enhandha eyo, n'entobo ey'omwiga Kiyira yaakala. Okwekuluntaza kw'Abasiria kuliisibwa ghansi, n'obuyinza bw'Abamisiri bwawaagho.

Zekaria 2:11

Mu kiseera ekyo, abantu abamaghanga kamaala baliidha ye Musengwa Katonda baafuuka bantu be. Musengwa Katonda alibanga ghalala n'imwe, era imwe mulimanha nga oyo n'eyantuma ye muli.

Okubala 21:18

Ensulo eyasimwa abakologho, abakungu ab'abantu; nga basimisa emiigo gyaibwe egy'obwakyabazinga, emiigo gyaibwe egy'omu ngalo.” Bwe baava mu irungu, baaja e Mattana.

Okubala 24:17

Bwe ningirira ye bwidha eyo, mbona Abaisiraeli abo, aye ti nga bwe bali mperaano. Kyabazinga alisituka mu Yakobo ng'oti n'emuunienie bw'evaayo, ng'ogwo n'omwigo ogw'obwakyabazinga oguja okusimuka mu Baisiraeli abo. Alisasambula abakulembeze b'e Moabu, era yaasaaniagho abaana ba Shethi boonaboona.

Okubala 24:19

Oyo asimuka mu ba Yakobo aliba mufuzi, era alizikiriza abaliba basigaire mu bibuga.”

Matayo 1:21

Aidha kuzaala omwana wa bulenzi, era oidha kumutuuma eriina lya Yesu, kuba n'oyo alirokola abantu mu bibi byaibwe.”

Matayo 17:5

Yali akaayogera, ekireri ekimesunkana kyabakingiriza era eiroboozi lyava mu kireri lyakoba liti: “Ono ni mutabane wange omugonzi, aneesiimisa, mumuwulirenga.”

Matayo 21:9

Eikuukuubira ery'abantu abaamukulemberamu n'abaamunonereza baaleekaana bati: “Hosanna mwidhukulu wa Daudi. Wa nkabi oyo aidha mu liina lya Musengwa, Hosanna mu igulu eyo.”

Matayo 25:32

Amaghanga goonagoona galyesololeza mu maiso ge, era yaabaawulamu, ng'omwayi bw'ayawula entaama mu mbuzi,

Yoanne 12:32

Bwe ndighanikibwa okuva ku nsi abantu boonaboona ndibaseesa ye ndi.”

Yoanne 18:31

Pilato yaabakoba ati: “Mumutwale mumuwozese imwe beene nga mujiira ku mateeka gaimwe.” Abayudaaya baamwiramu bati: “Ife titwikirizibwa kusalira muntu yeenayeena gwa kufa.”

Yoanne 19:12

Pilato bwe yawulira ekyo yaagezaaku okusala amagezi amulekule. Aye Abayudaaya baayongera okwasiikana bati: “Bw'olekula omusaadha oyo nga toli mukagwa wa Kaisari. Yeenayeena eyeefuula kyabazinga atakania Kaisari.”

Yoanne 19:15

Bale baayasiikana bati: “Twala ere! Twala ere! Mukomerere ku musalaba!” Pilato yaabakoba ati: “Mwenda nkomerere kyabazinga waimwe ku musalaba?” Bakabona Abakulu baamwiramu bati: “Ife tuzira kyabazinga, okutoolaku Kaisari.”

Yoanne 9:7

Yaamukoba ati: “Ja onaabe mu maiso mu kidiba ky'e Siloamu.” (Eriina eryo litegeeza, “atumiibwa?”) Kale yaaja, yaanaaba, yaira ng'abona.

Ab'e Roma 15:12

Era ni Isaia akoba ati: “Mwidhukulu wa Yesse aliidha, baamutaagho okufuga abamaghanga agandi. Era mu oyo eisuubi lyaibwe mwe liriba.”

2 Ab'e Korintho 5:10

Kuba twenatwena tuteekwa okuboneka mu maiso ga Kurisito atusalire omusango. Buli muntu alimusasula ng'ajiira ku bikalamu, oba ku bibi bye yakola ng'ali mu mubiri guno.

Amateeka Agokubiri 28:57

yaabalyaku mu ngiso omwana y'azaire n'ekitani kyaku, olw'okubulwa eby'okulya ng'abazigu bazingiiza ebibuga byaimwe okubyezunguluza.

Abaheburayi 7:14

Kimanhiibwa bukalamu nga Musengwa waife yali wa mu kika kya Yuda, Musa ky'ataayogeraku nga kirivaamu bakabona.

Okwolekebwa 11:15

Agho malaika owomusanvu yaafuuwa eigwala lye. Ghaabaagho amamiro mu igulu nga gakoba gati: “Obwakyabazinga obw'ensi bufuuse bwa Musengwa waife era bwa Kurisito: aidha kufuganga ebyanda n'ebyanda.”