Amainhama 48:7 - Baibuli Ekibono kya Katonda 2014

⁷ Kino nkikoze olwa inhoko Rakeli: bwe nali nga nva mu Paddani, yafiira ku ngira e Kanaani, nga ghakaasigaireyo entangama okutuuka mu Efurathi. Naamuziika eyo ku mbali kw'engira eja mu Efurathi, ekyo era nga ni Bethelehemu.’ ”

Amainhama 48:7 ပူးပေါင်းရင်းမြစ်များ

Amainhama 25:20

Isaaka bweyagheza emyaka amakumi ana (40) egy'obukulu, yaabayiza mughala wa Bethueli Omuarami ow'e Paddanarama, ayetebwa Rebekka, mwanhina Labani.

Amainhama 33:18

Agho Yakobo yaava e Paddanarama, yaatuuka bukalamu mu kibuga eky'e Shekemu, ekiri mu nsi y'e Kanaani, yaasimba weema dhe kumpi n'ekibuga.

Amainhama 35:20

Yakobo yaasimba eibaale ku magombe ge libe ekiidhukizo. Eibaale eryo n'eryoleka amagombe ga Rakeli okutuusa ni ye buli eno.

Amainhama 35:9

Yakobo bweyava mu Paddanarama, Katonda yaamubonekera kabiri, yaamugha enkabi.

Amainhama 48:6

Abaana abandi b'olizaala ni baira ku bano, abo n'abaliba ababo, era obusika balibufunira ku baganda baibwe abo, Efuraimu ni Manasse.

Mika 5:2

Musengwa Katonda akoba ati: “Bethelehemu Efuratha, waire oli katono mu bibuga bya Buyudaaya, nja kukutoolamu omufuzi alifuga Isiraeli, ng'ali ku lulyo olw'abantu ab'eira einho abataja kwerabirwa.”

Matayo 2:18

“Mu Rama yaawulikikayo amamiro ag'okugegenga n'okukuba empungu edh'amaani. Rakeli ng'agegenga olw'abaana be, era nga tayenda na kusaasirwa, kuba baali nga tibakaaligho.”

Ruthi 1:2

Eriina ery'omusaadha oyo nga ni Elimeleki, ate erya mukazi we nga ni Naomi, ate aga batabane baibwe nga ni ba Mahaloni ni Kilioni. Ekika kyaibwe baali Baefuratha. Baali bakaali eyo,

1 Samueli 1:1

Ghaaligho omusaadha ye baayetanga Elukana eyabanga mu Ramathaimu Zofimu mu biketezo bya Efuraimu eby'ensozi. Elukana oyo yali mutabane wa Yerohamu. Yerohamu oyo yali mutabane wa Elihu. Elihu oyo yali mutabane wa Tohu. Ate Tohu oyo yaaba mutabane wa Zufa Omuefuraimu.

1 Samueli 10:2

Olwaleero bw'onaava ghano ghe ndi, oidha kwagaana abantu babiri, nga bali kumpi n'amagombe ga Rakeli e Zeluza mu kiketezo kya Benjamini. Baidha kukukobera bati endogoyi dhe wajiire okwagala dhiboneike, era bati mpegaano lata wo aviire ku kulowooza ku ndogoyi, yaira ku kweraliikirira bwa iwe, ng'akoba ati, ‘Nnaakola ntya olw'omwana wange?’

1 Samueli 16:4

Samueli yaakola nga Musengwa Katonda bwe yamulagira, yaaja e Bethelehemu. Abakulembeze ab'omu kibuga ekyo baidha okumusangaaza nga badhugumira. Baamubuuza bati: “Oidhie na miraala, oba busa?”

1 Samueli 17:12

Daudi yali mutabane wa Yesse Omuefurathi ow'e Bethelehemu mu Buyudaaya. Yesse oyo yali ni batabane be munaana. Mu biseera bya Saulo, Yesse oyo yali akairiighe inho.