Amainhama 48:4 - Baibuli Ekibono kya Katonda 2014

⁴ Era yankoba ati, ‘Bona, ndikugha okuzaala abaana kamaala, baidhukulu bo naabafuula amaghanga kamaala. Era ndigha baidhukulu bo ensi eno, yaaba yaibwe ebyanda n'ebyanda.

Amainhama 48:4 ပူးပေါင်းရင်းမြစ်များ

Amainhama 12:2

Ndidha kukugha abaidhukulu kamaala, bafuuke eighanga ery'amaani. Ndidha kukugha enkabi, era ndeetere eriina lyo okumanhikana olwo lighange okugheesanga abandi enkabi.

Amainhama 17:13

Oyo anaazaalirwanga mu ndhu dhaimwe era n'oyo ye munaagulanga obugule, boonaboona bateekwa okukeketebwa. Ako kabe akamanhiso ak'oku mubiri akooleka ng'endagaano yange n'imwe bw'etaliwaagho.

Amainhama 17:6

Ndidha kukugha abaidhukulu kamaala inho, baveemu amaghanga mangi era ni bakyabazinga baliva mu iwe.

Amainhama 17:8

Ndidha kukugha iwe ni baidhukulu bo ensi eno buti y'olimu ng'omusenze. Ensi yoonayoona Kanaani eidha kubanga ya baidhukulu bo ebyanda n'ebyanda era nze ndidha kubanga Katonda waibwe.”

Amainhama 22:17

bwenebwene ndikugha enkabi, era ndikwaliza abaidhukulu baaba kamaala inho ng'oti n'emuunienie edh'oku igulu, era ng'oti n'omusenho oguli ku mbali okw'enhandha. Era baghangulenga ebibuga by'abazigu baibwe.

Amainhama 26:4

Ndidha kukugha abaidhukulu kamaala inho ng'oti n'emuunienie edh'oku igulu, era mbaghe ebiketezo eby'ensi bino byonabyona. Era mu baidhukulu bo, amaghanga goonagoona ku nsi mwe galigheerwa enkabi;

Amainhama 28:3

Katonda Aghanga Ebintu Byonabyona akughe enkabi, ozaale abaana kamaala, osimukemu amaghanga kamaala.

Amainhama 32:12

Ate nga wakoba oti, “Ndikugha buli kintu okukujiiranga obukalamu, era naakwaliza abaidhukulu kamaala ng'oti n'omusenho ogw'oku nhandha, ogutaghanga kubalika olw'obungi.”

Amainhama 35:11

Era yaamukoba ati: “Ninze Katonda Aghanga ebintu byonabyona. Zaala abaana kamaala, mweyongere obungi amaghanga kamaala galisimuka mu iwe, era oliba dhaadha wa bakyabazinga.

Amainhama 46:3

Katonda yaakoba ati: “Ninze Katonda, Katonda oyo owa lata wo. Otatya kuja mu Misiri, kuba baidhukulu bo ndibafuulira eyo eighanga ery'amaani.

Amainhama 47:27

Abaisiraeli baaba mu nsi y'e Misiri, mu kiketezo eky'e Gosheni. Baakombaghalira omwo, era baazaala abaana kamaala, beeyongera okwala.

Zabbuli 127:3

Bona eno, abaana n'omugabo omuntu gw'afuna okuva ku Musengwa Katonda. Bw'ozaala, Musengwa Katonda aba akughaire bwa kirabo.

Okuvaayo 1:11

Kale baabataaku Abamisiri abaabasaliranga amakatala, baabakozesanga emirimo emikalangufu. Batyo Abaisiraeli baazimbira Kyabazinga wa Misiri ebyagi ebikologho eby'okuterekangamu emere mu bibuga Pithomu ni Raamusesi.

Okuvaayo 1:7

Aye Abaisiraeli abo, abaana be baaleka baazaalagana inho era baaba ba maani agataloodheka, kumpi baidhuza Misiri yoonayoona.

Ezekieli 37:25

Baliba mu nsi ye nagha Yakobo omugheereza wange, ensi badhaadha baibwe mwe baabanga. Beene, n'abaana baibwe, ni baidhukulu baibwe, omwo mwe baliba ebyanda n'ebyanda. Era kyabazinga ali ng'oti n'omugheereza wange Daudi, n'aja okubafuganga ebyanda n'ebyanda.

Abalevi 26:9

Imwe nnaabaghanga enkabi, n'okuzaala abaana kamaala, era nnaakuumanga endagaano ye nakola n'imwe.

Amateeka Agokubiri 32:8

Oyo Ali Ghaigulu Yeene yagabira amaghanga obutaka bwago, bwe yayawulamu abantu. Yaabateeragho ensalosalo ng'ajiira ku mughendo gw'abaana ba Katonda.