Amainhama 48:15 - Baibuli Ekibono kya Katonda 2014

¹⁵ Agho yaasabira Yosefu enkabi, ng'akoba ati: “Katonda oyo, dhaadha wange Aburahamu ni lata wange Isaaka ye baagheerezanga; era Katonda oyo eyandabiriranga okuva mu buto bwange okutuusa mpegaano, aghe abaana bano enkabi.

Amainhama 48:15 ပူးပေါင်းရင်းမြစ်များ

Amainhama 17:1

Aburamu bweyali ng'agheza emyaka kyenda na mwenda (99) egy'obukulu, Musengwa Katonda yamubonekera, yamukoba ati: “Ninze Katonda Aghanga Ebintu Byonabyona. Mpuliranga era okolenga ebituufu buliidho.

Amainhama 24:20

Agho yaayangughaku, yaayugha amaadhi agaali mu nsugha ye mu kintu ensolo mwe dhinhwera. Yaalumuka okwirayo ku nsulo, yaasenera engamiya edh'omusaadha dhoonadhoona amaadhi.

Amainhama 24:40

Yandhiramu ati, “Musengwa Katonda oyo ye ngondera buliidho, alikutuma ghalala ni malaika we, yaagha olugendo lwo enkabi waafunira omwana wange omukazi okuva mu boluganda lwange era mu ndhu ya lata wange.

Amainhama 27:27

Yaaseeta, yaamugwa mu kifuba. Isaaka yaawunhiza akawoowo k'ebivaalo bye, yaamusabira enkabi, ng'akoba ati: “Akawoowo ak'omwana wange kali ng'oti n'akawoowo ak'enimiro Musengwa Katonda gy'aghaire enkabi!

Amainhama 27:4

onfumbire emamba ey'akawoowo ye nhenda, ogindeetere ndye, memale nkusabire enkabi nga nkaali kufa.”

Amainhama 28:20

Agho Yakobo yaagha obweyamo eri Musengwa Katonda ati: “Bw'onaabanga ghalala ninze, ng'onkuuma mu lugendo lwange luno, era ng'ompa eby'okulya n'eby'okuvaala,

Amainhama 28:22

Eibaale lino lye nsimbye okuba ekiidhukizo, liriba ndhu yo, iwe Katonda, era ndikugha ekintu kirala ku buli bintu ikumi ku byonabyona by'olimpa.”

Amainhama 28:3

Katonda Aghanga Ebintu Byonabyona akughe enkabi, ozaale abaana kamaala, osimukemu amaghanga kamaala.

Amainhama 35:3

Mukole tuje e Betheli, eyo ye nja okuzimbira Katonda alutaari, kuba yawuliranga okusaba kwange yantoola mu buzibu, era yaabanga ghalala ninze kiisi ghe najanga.”

Amainhama 48:16

Katonda oyo eyatuma malaika n'amponia mu buli kabi koonakoona, abaghe enkabi. Eriina lyange n'erya dhaadha wange Aburahamu, n'erya lata wange Isaaka, gatuumibwenga mu baana baibwe. Bazaalenga abaana kamaala, era bafune abaidhukulu kamaala inho ku nsi.”

Amainhama 49:22

Yosefu ali ng'oti n'omuti ogwama einho, oguli okumpi n'ensulo y'amaadhi, ng'ensaga dhaagwo dheeyandhaliire ghaigulu ku kimante.

Amainhama 49:24

Aye akalaso ke kasigala nga kakaagumye, emikono gye gyagheebwa amaani agava eri ow'Obukumu Katonda wa Yakobo; Omwayi era Omukuumi wa Isiraeli.

Amainhama 49:28

Ebyo n'ebika eikumi n'ebibiri ebya Isiraeli, era ebyo n'ebibono iseibwe bye yabakoba, ng'ali kusabira buli muntu enkabi edhimujaamu.

Amainhama 6:9

Bino n'ebifa ku Noa. Yali muntu akola ebituufu, ng'aziraku kibi mu bantu ab'omu biseera bye

1 Bakyabazinga 3:6

Solomoni yaakoba ati: “Buliidho obairenga ng'oyoleka nga bw'ogonza einho lata wange Daudi omugheereza wo obutalekera; kuba yali mwesigwa, omutuufu era omwesimbu mu kukolagana n'iwe. Era omukuumiire okugonza kwo okwo okutakoma, waamugha omwana omulenzi afuga mpegaano mu kifo kye.

1 Ebyomubyanda 5:1

Bano n'abaana n'abaidhukulu aba Reubeni omwana omuberi owa Isiraeli. Aye waire nga Reubeni oyo n'eyali omwana omuberi, omugabo gwe ogw'omwana omuberi baagumutoolaku, baagugha abaana ba Yosefu muganda we kuba Reubeni oyo yaba n'owundi ku baka lata we Yakobo mu buliri. Kale mu lukalala olw'obuzaale tiyaghandiikibwa ghe yandibaire ng'omwana omuberi.

Zabbuli 16:8

Buli kaakyeire ndidhi nga Musengwa Katonda andi kumpi era ghazira kisobola kuntengeesa, kuba andi ghano gheene gha mukono gwange omusaadha.

Zabbuli 23:1

Musengwa Katonda n'omwayi, nze ndi ntaama ye era nzira kye ndhulirira.

Zabbuli 37:3

Weesige Musengwa Katonda era okole ebirungi, oidha kuba bukalamu mu nsi era ghabule ekikweraliikiriza.

Okuvaayo 3:16

Ja oyete abakulu ab'ebikunsu mu Isiraeli beesoloze ghalala obakobe oti, ‘Musengwa Katonda, Katonda wa badhaadha baimwe, Katonda wa Aburahamu, owa Isaaka era owa Yakobo yambonekera yankoba ati mbalingiriire, naabona bye babakola mu Misiri.

Okuvaayo 4:5

Musengwa Katonda yaamukoba ati: “Otyo bw'olikola, baakakasa nti nze Musengwa Katonda, Katonda wa badhaadha baibwe, Katonda wa Aburahamu, Katonda wa Isaaka, era Katonda wa Yakobo, nakubonekera.”

Omulangirizi 5:12

Omuntu akola n'emikono gye atenduka endoolo dhaamuwoomera, ni bw'aba nga taliire n'aiguta, aye omukombe tatenduka olw'okweraliikirira ebintu by'ali nabyo.

Omulangirizi 5:18

Bona eno, nze ekirungi kye nabona omuntu ky'agwaine okukola, kyandibaire kulya, na kunhwa, na kweyagalira mu ebyo by'aba afunie mu kufaabiikana kwe ku nsi, mu nnaku entono edho Katonda dhaamugha okuba omulamu. Ogwo n'omugabo gwe.

Omulangirizi 6:7

Omuntu mu by'akola byonabyona akolerera kufuna kya kulya, aye by'afuna tibimwigusa.

Isaia 30:21

Bwe munaadaalimiranga ku luuyi olw'omukono omusaadha oba ku lw'omugooda, ni muva ku ngira, mwidha kuwuliranga amamiro ge emugongo waimwe nga gabakoba gati: “Eno n'engira ye mube mutambuliremu.”

Isaia 33:16

oyo n'aliba aghalungi, mu kifo eky'okwewogomamu ekigumu einho ng'oti n'olubaale. Aliba n'emere ey'okulya era yaaba n'amaadhi ag'okunhwa aghazira kubulirirwa naire.

Yeremia 8:2

Gaja kusansaanira buli ghantu, ghansi gh'endhuba, n'omwezi, n'emuunienie dhoonadhoona edh'oku igulu. Ebyo n'ebintu, abantu abo bye baagonzanga, ni babijiirangaku, ni babigheerezanga era ni babisinzanga. Era amagumba gaibwe ago tigaja kusolozebwa waire okuziikibwa, aye gaja kubanga ku itaka okwo ng'oti busa.

Luka 1:6

Bombi baali batuufu mu maiso ga Katonda, nga bagema ebiragiro bya Musengwa byonabyona n'amateeka ge, nga tibasobyamu.

1 Ab'e Korintho 10:31

Kale buli kye mukolanga, oba kulya oba kunhwa, mukikolenga olw'okugheesa Katonda ekitiisa.

2 Ab'e Korintho 1:12

Ensonga etwesiimisa n'eno nti munda mule twekakasa nga mu nsi muno, n'okusingira irala mu imwe, twebisiiza bukalamu mu mazima ni mu butuukirivu, ti lwa magezi ga bantu aye lwa kisa kya Katonda.

Amateeka Agokubiri 33:1

Dhino n'enkabi, Musa omusaadha wa Katonda dhe yasabira Abaisiraeli ng'akaali kufa.

Ab'e Kolosai 2:6

Kale nga bwe mwaikiriza Kurisito Yesu okuba Musengwa waimwe, mube naye mu bulamu bwaimwe.

1 Ab'e Thessalonika 2:12

okuba mu bulamu Katonda bw'asiima, oyo abeeta okwingira mu Bwakyabazinga bwe era mu kitiisa kye.

Abaheburayi 11:21

Okwikiriza n'okwaleetera Yakobo, bwe yali ng'ali kumpi okufa, okusabira abaana ba Yosefu mulala mulala babe ba nkabi, ng'akotaime ku mwigo gwe era ng'asinza Katonda.