Amainhama 48:10 - Baibuli Ekibono kya Katonda 2014

¹⁰ Amaiso ga Isiraeli gaali gaidhieku ekifu olw'okukairigha nga takaabona bukalamu. Kale Yosefu yaabaseesa gh'ali, yaabagwa mu kifuba, yaabeevumba.

Amainhama 48:10 ပူးပေါင်းရင်းမြစ်များ

Amainhama 27:1

Agho Isaaka bweyali ng'akairiighe, era ng'amaiso ge gaidhieku ekifu, nga takaaghanga kubona, yaayeta Esau mutabane we omukulu. Yaamukoba ati: “Mwana wange!” Yaavugira ati: “Ndi ghano.”

Amainhama 27:27

Yaaseeta, yaamugwa mu kifuba. Isaaka yaawunhiza akawoowo k'ebivaalo bye, yaamusabira enkabi, ng'akoba ati: “Akawoowo ak'omwana wange kali ng'oti n'akawoowo ak'enimiro Musengwa Katonda gy'aghaire enkabi!

Amainhama 31:55

Bwe bwakya ku nkyo, Labani yaazuuka, yaagwa baidhukulu be ni baghala be mu kifuba, yabasabira enkabi. Yaasitula okwirayo ewuwe.

Amainhama 45:15

Yosefu yaagwa baganda be boonaboona mu bifuba, ng'ali kulira amaziga. Ebyo bwe byawa, baganda be baatoolera okughaya naye.

Amainhama 48:11

Isiraeli yaakoba Yosefu ati: “Nali tidhuuba nga ndiirayo kabiri okukubonaku. Aye mpegaano Katonda anganhie okubona ni ku baana bo!”

Amainhama 48:8

Isiraeli bweyabona batabane ba Yosefu, yaabuuza ati: “Bano ni baani?”

1 Bakyabazinga 19:20

Elisha yaaleka agho ente, yaalumuka embiro okunonereza Eliya, yaamukoba ati: “Ka mmale okunhwegera lata ni maama, memale ndidhe nje n'iwe.” Eliya yaamukoba ati: “Irayo, nze nkulobeire?”

Omulangirizi 12:3

Ng'olwo emikono gyo egyakutaasanga gidhugumira, n'amagulu go buti ag'amaani, nga ganafiighe. Ng'amaino tigakaanoza mere olw'okusigalamu amatono, era nga n'amaiso gaidhieku ekifu.

Isaia 59:1

Mutalowooza muti amaani ga Musengwa Katonda gaakoma, yaaba nga takaasobola kubalokola. Oba okulowooza muti amatu ge gaasemba, gaaba nga tigakaabawulira, nga muli kumweta okubayamba.

Isaia 6:10

Era yankoba ati: “Kalangusa emyoyo gy'abantu bano, osembe n'amatu gaibwe, otulughaze n'amaiso gaibwe; kuba tomanha bwe babona n'amaiso gaibwe, ni bawulira na matu gaibwe, era ni bategeera na myoyo gyaibwe, ni bakyuka ni mbawonia.”

Amateeka Agokubiri 34:7

Musa yaja okufa ng'agheziiza emyaka kikumi n'abiri egy'obukulu. Aye yali ng'akaabona bukalamu, era ng'akaali wa maani.

1 Samueli 3:2

Lwali lulala obwire, Eli ng'alambaire mu kifo kye, aye yali takaabona bukalamu olw'ekifu ekyali kitooleire okumwidha ku maiso.

1 Samueli 4:15

Eli yali agheziiza emyaka kyenda na munaana (98) egy'obukulu, era ng'ekifu kyamugema ku maiso, takaabona bukalamu.