Amainhama 47:9 - Baibuli Ekibono kya Katonda 2014

⁹ Yakobo yairamu ati: “Emyaka gye naakamala ku nsi, nga ntambulatambula ng'omusenze, giri kikumi n'asatu. Emyaka egyo gibaire mizibu era nga mitono, tigyaze na myaka emingi badhaadha bange gye baamala ku nsi nga batambulatambula ng'abasenze.”

Amainhama 47:9 ပူးပေါင်းရင်းမြစ်များ

Amainhama 11:11

Shemu ng'amaze okuzaala Aripakishadi, yaaghangaala emyaka egindi bikumi bitaanu (500), era yaazaala n'abaana abandi.

Amainhama 35:28

Isaaka yaghangaala emyaka kikumi na kinaana (180),

Amainhama 47:28

Yakobo yaamala emyaka ikumi na musanvu mu nsi y'e Misiri; kale yaaba ng'agheziiza emyaka kikumi n'ana na musanvu (147) egy'obukulu.

Amainhama 47:8

Kyabazinga yaabuuza Yakobo ati: “Oli n'emyaka emeka egy'obukulu?”

Amainhama 5:27

yaafa ng'agheza emyaka lwenda na nkaaga na mwenda (969) egy'obukulu.

Amainhama 50:26

Kale ni, Yosefu yaafa ng'agheziiza emyaka egy'obukulu kikumi na ikumi (110). Baakaza omulambo gwe gulobe kuvunda, era baamuta mu sanduuku mu Misiri.

1 Ebyomubyanda 29:15

Wo Musengwa Katonda, okiidhi bukalamu nga ku nsi kuno ife tuli ng'abatamanhiibwa y'oli, tuli basenze busenze abali mu lugendo, nga badhaadha baife boonaboona bwe baali. Enaku dhaife edh'oku nsi dhibitagho bubite ng'oti kinsense, tidhiraalagho naire.

Yobu 14:1

“Buli muntu azaalibwa mukazi, era obulamu bwe buba bumpi ate nga bwidhwire bizibu.

Zabbuli 119:19

Ku nsi kuno ndiku ng'omugeni omugenze; mpa okutegeera ebiragiro byo.

Zabbuli 119:54

Ebiragiro byo n'ebimpa amaani, nga ndi ku nsi kuno ng'omugeni omugenze.

Zabbuli 39:12

Wo Musengwa Katonda, ndhiraamu okusaba kwange era ofeeyo ku kulira kwange. Idha ombeere ng'oboine amaziga gange, kuba nze ndi musenze busenze, nga badhaadha bange boonaboona bwe baali.

Zabbuli 39:13

Otaaningirira na bukambwe, ndeka nfuneku eisanhu, nga nkaali kufa na kubulagho.

Zabbuli 39:5

Bona, enaku dhange wadhikola nga nhimpi inho mu maiso go, obulamu bwange buli ng'akantu akazira ghe kaaga. Bwenebwene buli muntu ali ku nsi, ali ng'oti muuka buuka gwa mu nhindo!

Okuvaayo 6:4

Era nakola nabo endagaano okubagha ekiketezo eky'e Kanaani, ekiketezo mwe baabanga ng'abasenze.

Okuvaayo 7:7

Musa yali agheza emyaka kinaana egy'obukulu, ate Aaroni ng'agheza kinaana n'esatu, mu kiseera ghe baayogerera ni kyabazinga.

2 Ab'e Korintho 5:6

Kale ni buliidho tuba bagumu kuba twidhi nga bwe tuba mu mubiri guno, tituba ghalala ni Musengwa.

Amateeka Agokubiri 34:7

Musa yaja okufa ng'agheziiza emyaka kikumi n'abiri egy'obukulu. Aye yali ng'akaabona bukalamu, era ng'akaali wa maani.

Abaheburayi 13:14

Kuba ku nsi kuno tuziraku kibuga kya lubeerera, aye tunuyirira ekyo ekiri kwidha.

Yakobo 4:14

ng'ate timwidhi bya nkyo. Aye obulamu bwaimwe mwidhi bwe buli? Buli ng'oti lufu bufu olubaaghooku akaseera obuseera ate ni luwaagho.

Yoshua 24:29

Ebyo nga biwoire Yoshua mutabane wa Nuni era omugheereza wa Musengwa Katonda yaafa ng'agheziiza emyaka egy'obukulu kikumi na ikumi.

1 Petero 2:11

Aboluganda, nga bwe muli ababise era abanoonia obubudamo mu nsi muno, mbeeghembye mulobere irala kujiira ku mubiri bye gwegomba ebirwanisa omwoyo.