Amainhama 47:24 - Baibuli Ekibono kya Katonda 2014

²⁴ Mu biseera eby'amakungula, munaaghanga kyabazinga ekitundu kirala kirala ku buli bitundu bitaanu eby'engaano. Ebitundu ebina ebisigairegho, n'ebinaabanga ebyaimwe eby'okusiga n'okulya, imwe beene ghalala n'ab'omu maka gaimwe.”

Amainhama 47:24 ပူးပေါင်းရင်းမြစ်များ

Amainhama 14:20

Katonda oyo Ali Ghaigulu Yeene asaakibwenga, oyo akuleeteire okughangula abazigu bo!” Agho Aburamu yaagha Melekizedeki ekintu kirala ku buli ikumi, ku bintu byonabyona ebyali binhagiibwa.

Amainhama 14:21

Kyabazinga ow'e Sodoma yaakoba Aburamu ati: “Abantu bampe, aye ebintu obitwale.”

Amainhama 28:22

Eibaale lino lye nsimbye okuba ekiidhukizo, liriba ndhu yo, iwe Katonda, era ndikugha ekintu kirala ku buli bintu ikumi ku byonabyona by'olimpa.”

Amainhama 41:34

Era oteegho abakungu mu ighanga, batoole ekitundu kirala kirala ku buli bitundu bitaanu eby'emere yoonayoona, abantu ye balirima mu nsi eno Misiri, mu myaka omusanvu egy'omwero.

Amainhama 47:23

Agho Yosefu yaakoba abantu ati: “Mubone, mpegaano nguliire kyabazinga eitaka lyaimwe, n'imwe mwena naabagula. Kale ensigo dhiidho dhe munaasiga.

Amainhama 47:25

Baakoba bati: “Otuwoniiza okufa! Era isebo tuganhe tubenga bairu ba kyabazinga.”

Zabbuli 112:5

Wa nkabi omuntu oyo omugabi era awola baine empiiya, n'akola buli kintu mu mazima.

Zabbuli 41:1

Wa nkabi oyo afaayo ku baavu, Musengwa Katonda aidha kumutoolanga mu bizibu, ng'ali mu biseera ebizibu.

Abalevi 27:30

“Ekitundu ekirala ekirala ku buli bitundu eikumi eby'ebirime ebikungulwa mu nsi, kya Musengwa Katonda, ka kibe kya nsigo oba eky'ebibala eby'emiti.

Abalevi 27:32

Ku buli nsolo ikumi enfuge, endala enaabanga ya Musengwa Katonda. Ensolo dhaimwe, ka dhibe ente oba entaama oba embuzi, bwe dhinaabanga nga dhiri kubalibwa, ku buli ikumi munaatoolangaku ndala yaaba ya Musengwa Katonda.

Okubala 18:21

Era Musengwa Katonda yaakoba ati: “Abalevi mbaghaire ekintu kirala kirala ku buli bintu eikumi Abaisiraeli kye bampa, gube omugabo gwaibwe olw'okusasulira obugheereza bwe bakola mu Weema ey'Okwagaananirangamu ni Musengwa Katonda.

Amateeka Agokubiri 14:22

Musa yaakoba Abaisiraeli ati: “Mwidha kutoolangaku ekintu kirala kirala ku buli bintu ikumi ku birime bye mukungula mu nimiro dhaimwe.

Amateeka Agokubiri 26:12

“Buli mwaka ogwokusatu aidha kuleetanga ekintu kirala kirala ku buli bintu ikumi eky'ebirime by'akungwire mu mwaka ogwo, akighe Abalevi, n'abasenze, ni bamulekwa, ni banamwandu, boona balyenga baigute. Bw'onaamalanga okukola ekyo,