Amainhama 47:19 - Baibuli Ekibono kya Katonda 2014

¹⁹ Otatuleka kufa ng'olingiriire. Tugule, ife n'ebibandha byaife, otugheemu emere. Tunaabanga bairu ba kyabazinga, era n'ebibandha byaife binaabanga bibye. Tughe engaano ey'okulya n'ey'okusiga tulobe kufa, tulime ensi yaife erobe kuzika.”

Amainhama 47:19 ပူးပေါင်းရင်းမြစ်များ

Amainhama 41:36

Emere eyo n'eriba ey'okwekuumisa mu ighanga, mu myaka omusanvu egy'endhala eribaagho mu nsi eno Misiri, olwo abantu balobe kufa ndhala.”

Amainhama 47:15

Empiiya dhoonadhoona bwe dhaawaayo mu nsi y'e Misiri, ni mu nsi y'e Kanaani, Abamisiri boonaboona baidha eri Yosefu, baakoba bati: “Tughe emere tulobe kufa ng'olingiriire. Kuba empiiya dhituwoireku.”

Amainhama 47:18

Omwaka ogwo bwe gwawaaku, baidha y'ali mu mwaka ogwairirira, baamukoba bati: “Titwidha kukugisa, isebo: empiiya dhaife dhoonadhoona dhaatuwaaku, n'ensolo dhaife twakugha ira. Titukaali na kintu kindi kya kukugha, isebo, okutoolaku okukwegha ife beene n'ebibandha byaife.

Amainhama 47:20

Kale Yosefu yaagulira kyabazinga ensi yoonayoona ey'e Misiri. Kiisi Mumisiri yaatundamu ekibandha kye, kuba endhala yabaluma inho. Eitaka lyonalyona lyafuuka lya kyabazinga.

Yobu 2:4

Agho Sitaani yairamu Musengwa Katonda ati: “Ekigema ku mubiri gw'omuntu, n'ekimulumya. Omuntu aghaayo by'ali nabyo byonabyona olw'obulamu bwe.

Okulira 1:11

Abantu baamu boonaboona baagala eky'okulya nga bali mu nnaku. Baafaanisaamu ebintu byaibwe eby'omughendo einho basobole okufunamu emere, balobe kulambuka ndhala. Agho baalirira Musengwa bati: “Wo Musengwa Katonda, lingirira obone nga bwe tuli kunhoomebwa!”

Okulira 5:6

Twakakibwa okusabiriza emere okuva e Misiri ni mu Assiria, tulobe kulambuka ndhala.

Okulira 5:9

Okuja okwagala emere tweghaayo bweghe, olw'abatemo ababa eyo mu irungu.

Matayo 16:26

Omuntu aganhulwamu ki okufuna ensi yoonayoona aye n'afiirwa obulamu bwe? Oba omuntu aghanga kughaayo ki okununula obulamu bwe?