Amainhama 47:12 - Baibuli Ekibono kya Katonda 2014

¹² Yosefu yaafuniranga ise ni baganda be era n'ab'omu maka ga ise boonaboona emere, ng'ajiira ku bantu buli muntu be yabanga nabo.

Amainhama 47:12 ပူးပေါင်းရင်းမြစ်များ

Amainhama 45:10

Oidha kubanga mu nsi ey'e Gosheni, obenga kumpi ninze, iwe n'abaana bo, ni baidhukulu bo, n'entaama dho, n'embuzi dho, n'ente dho, era ni byonabyona by'oli nabyo.

Amainhama 45:11

Ndidha kukulabiriranga ng'oli eyo, iwe n'ab'omu ndhu yo, ni byonabyona by'oli nabyo, mulobe kulambuka, kuba ekaasigaireyo emyaka egindi etaanu egy'endhala.’ ”

Amainhama 45:7

Katonda yansindika okubakulemberamu, mbafunire abo abaliwonagho ku nsi, era mponie abantu kamaala mu nsambo eyeewuunhisa.

Amainhama 47:1

Agho Yosefu yaalonda bataanu ku baganda be, yaaja nabo eri kyabazinga, yaamukoba ati: “Lata wange ni baganda bange batuuse, nga bava mu nsi y'e Kanaani. Baidhie n'entaama n'embuzi n'ente dhaibwe, ni byonabyona bye bali nabyo. Era mpegaano bali mu kiketezo eky'e Gosheni.”

Amainhama 47:21

Yosefu yaafuula abantu okuba abairu, okuva ku nsalosalo ya Misiri eyindi, okutuuka ku yindi.

Amainhama 47:24

Mu biseera eby'amakungula, munaaghanga kyabazinga ekitundu kirala kirala ku buli bitundu bitaanu eby'engaano. Ebitundu ebina ebisigairegho, n'ebinaabanga ebyaimwe eby'okusiga n'okulya, imwe beene ghalala n'ab'omu maka gaimwe.”

Amainhama 50:21

Kale ni mutatya naire, ndidha kubalabiriranga imwe, n'abaana baimwe abato.” Yaabagumya atyo n'ebibono eby'ekisa.

Okuvaayo 20:12

“Balata baimwe ni bainhaimwe mubaghenga ekitiibwa, olwo mughangaale enaku kamaala mu nsi nze Musengwa Katonda waimwe ye ndi kubagha.

Isaia 22:24

“Aye ab'endhu ya ise abo balimutwika ebizibu byaibwe, byamuzitoogherera ng'oti n'enkaayi, n'ebikopo, n'ebikozesebwa ebindi ebighanikiibwa ku nkondo ni bigirengeedheraku.”

1 Ab'e Thessalonika 2:7

Aye twegendereza nga tuli mu imwe, twaba ng'oti n'omulezi ow'abaana nga alera abaana be.

1 Timotheo 4:8

Kuba okumanhiriza omubiri eby'okukola kuganhula katono, aye okutya Katonda kuganhula mu buli nsambo. Kuba kuleeta eisuubi ery'omu bulamu buno, n'ery'obwo obuliidha.

1 Timotheo 5:4

Bwe ghabaagho namwandu ali n'abaana oba abaidhukulu, bano basookenga okumanha endhikiriza yaibwe ky'ebakoba okukoleranga amaka ag'ewaibwe, n'okusasulaku abazaire baibwe kuba ekyo Katonda ky'asiima.

1 Timotheo 5:8

Oyo atafa ku babe, n'okusingira irala ab'omu ndhu ye, aba yeegaine okwikiriza, era aba mubi okusinga ataikiriza.

Ruthi 4:15

Mughala wo oyo akugonza inho, akukoleire ebintu kamaala okusinga n'abaana abalenzi omusanvu. Era mpegaano akuzaaliire omwidhukulu, oyo aidha okukwiza obuto, era akulabirire mu myaka gyo egy'obukaire.”