Amainhama 47:11 - Baibuli Ekibono kya Katonda 2014

¹¹ Agho Yosefu yaagha ise ni baganda be eitaka mu nsi y'e Misiri, baasenga aghasinga kuba ghalungi mu kiketezo ky'e Ramesesi, nga kyabazinga bweyalagira.

Amainhama 47:11 ပူးပေါင်းရင်းမြစ်များ

Amainhama 46:34

Munaamwiramu muti, ‘Ife abagheereza bo, tubaire baayi okuva mu buto bwaife n'okutuusa mpegaano, ng'oti ni badhaadha baife bwe baali’—olwo musobole okuba mu kiketezo ky'e Gosheni, kuba kya muzizo eri Abamisiri okuba aghalala n'abaayi.”

Amainhama 47:27

Abaisiraeli baaba mu nsi y'e Misiri, mu kiketezo eky'e Gosheni. Baakombaghalira omwo, era baazaala abaana kamaala, beeyongera okwala.

Amainhama 47:6

ensi y'e Misiri eri agho. Bate aghasinga kuba ghalungi, babe mu kiketezo eky'e Gosheni. Era oba nga oidhi nga mu abo mulimu abali n'obusobozi, baghe okulabirira ebyayo byange.”

Okuvaayo 1:11

Kale baabataaku Abamisiri abaabasaliranga amakatala, baabakozesanga emirimo emikalangufu. Batyo Abaisiraeli baazimbira Kyabazinga wa Misiri ebyagi ebikologho eby'okuterekangamu emere mu bibuga Pithomu ni Raamusesi.

Okuvaayo 12:37

Abaisiraeli baatoolera olugendo lwaibwe ku bigere, era baatambula okuva e Ramesesi baatuuka e Sukkothi. Baali abasaadha ng'oti mitwalo nkaaga (600,000), nga tobaze bakazi na baana.

Isaia 22:24

“Aye ab'endhu ya ise abo balimutwika ebizibu byaibwe, byamuzitoogherera ng'oti n'enkaayi, n'ebikopo, n'ebikozesebwa ebindi ebighanikiibwa ku nkondo ni bigirengeedheraku.”

Okubala 33:3

Abaisiraeli baasitula okuva e Ramesesi mu Misiri, ku lunaku olweikumi n'eitaanu olw'omwezi ogusooka mu mwaka ogwo. Olwo n'olunaku olwairirira Ekibinuko eky'Okwidhukiriraku Okubitizibwa. Era Abaisiraeli baajiira mu kitiibwa ng'Abamisiri boonaboona babona.

Yoanne 10:10

Omwibi taidhirira kindi okutoolaku okwiba, okwita n'okuzikiriza. Nze naidha dhibe n'obulamu ate nga bwa mwero.

Yoanne 10:28

Ndhigha obulamu obutawaagho era tidhirifa. Ghazira muntu yeenayeena asobola kudhinswankulaku.

Yoanne 14:2

Mu ndhu ya Lata wange mulimu ebifo kamaala era ndi kuja kubategekera kifo. Nguli ti bwekiri tyandibakobeire kino.

Yoanne 14:23

Yesu yaamwiramu ati: “Oyo angonza agema ekibono kyange, oyo Lata wange alimugonza era Lata, ninze tulija y'ali twasiisira eyo.

Yoanne 17:2

Wamugha obukumu ku bantu boonaboona aghe obulamu obutawaagho abo boonaboona be wamugha.

Yoanne 17:24

Lata, kye neegomba n'okuba n'abo be wampa ghe ndi, babone ekitiisa kyange kye wampa, kuba wangonza nga n'ensi ekaali kutondebwa.