Amainhama 47:1 - Baibuli Ekibono kya Katonda 2014

¹ Agho Yosefu yaalonda bataanu ku baganda be, yaaja nabo eri kyabazinga, yaamukoba ati: “Lata wange ni baganda bange batuuse, nga bava mu nsi y'e Kanaani. Baidhie n'entaama n'embuzi n'ente dhaibwe, ni byonabyona bye bali nabyo. Era mpegaano bali mu kiketezo eky'e Gosheni.”

Amainhama 47:1 ပူးပေါင်းရင်းမြစ်များ

Amainhama 45:10

Oidha kubanga mu nsi ey'e Gosheni, obenga kumpi ninze, iwe n'abaana bo, ni baidhukulu bo, n'entaama dho, n'embuzi dho, n'ente dho, era ni byonabyona by'oli nabyo.

Amainhama 45:16

Amawulire ag'okwidha kwa baganda ba Yosefu bwe gaatuuka mu kisaagaati kya kyabazinga, kyabazinga n'abakungu be baasangaala inho.

Amainhama 46:28

Yakobo yaatuma Yuda okumusookayo, aje eri Yosefu amukobe abaagaane e Gosheni. Baatuuka mu kiketezo eky'e Gosheni,

Amainhama 46:31

Yosefu yaakoba baganda be n'ab'omu ndhu ya ise ati: “Ka nje mmanhise kyabazinga nti baganda bange, n'ab'omu ndhu ya lata wange abaabanga mu nsi y'e Kanaani, baidhie ye ndi.

Amainhama 46:34

Munaamwiramu muti, ‘Ife abagheereza bo, tubaire baayi okuva mu buto bwaife n'okutuusa mpegaano, ng'oti ni badhaadha baife bwe baali’—olwo musobole okuba mu kiketezo ky'e Gosheni, kuba kya muzizo eri Abamisiri okuba aghalala n'abaayi.”

Okuvaayo 8:22

Aye ku lunaku olwo, ekiketezo eky'e Gosheni eyo abantu bange ye baba, nja kukibisa mu nsambo ya ndhawulo. Eyo teja kubaayo bikuukuulu bya nsowera, era olwo mulimanha nga ninze Musengwa Katonda ali kukola ebintu ebyo mu Misiri.

Okuvaayo 9:26

Mu kiketezo eky'e Gosheni Abaisiraeli mwe baabanga, ni mwonka omutaagwa mugozi.

Abaheburayi 2:11

Kuba oyo abatukuza, n'abo abatukuzibwa boonaboona bali ni iseibwe mulala. Kyava Yesu tagemwa nsoni kubeeta baganda be,