Amainhama 46:5 - Baibuli Ekibono kya Katonda 2014

⁵ Yakobo yaasitula okuva mu Beerisheba, batabane be baatoola mwene, n'abaana baibwe era ni bakazi baibwe, baabata ku bigaali eby'okutambuliraku kyabazinga ow'e Misiri bye yamusindikira.

Amainhama 46:5 ပူးပေါင်းရင်းမြစ်များ

Amainhama 21:14

Bwe bwakya enkyo, Aburahamu yaazuuka mu nkyo, yaamusibirira eby'okulya, yaamuteera n'amaadhi mu nsawo ey'oluwu, yaabigha Hagari. Era yaamuta n'omwana ku mugongo, memale yaamusiibula. Hagari yaaja ng'atambulatambula eyo atyo mu irungu ery'e Beerisheba.

Amainhama 45:19

Era balagire oti, ‘Mukole muti: Bwe munaaba nga muva ghano mu Misiri, muje n'ebigaali eby'okutambuliraku okwo kwe mulireetera abaana baimwe abato ni bakazi baimwe, era mwidhe n'iseimwe.

Amainhama 45:21

Batabane ba Isiraeli baakola nga bwe baalagirwa. Yosefu yaabagha ebigaali eby'okutambuliraku nga kyabazinga bweyalagira. Era yaabagha n'eby'okuliira mu lugendo.

Amainhama 45:27

Aye bwe baamughayira ebyo byonabyona Yosefu bye yabakoba, era n'abona ebigaali eby'okutambuliraku Yosefu bye yasindika okumutwaliraku, yairamu omwoyo.

Okuvaayo 10:24

Agho kyabazinga yaayeta Musa yaamukoba ati: “Muje musinze Musengwa Katonda muje ni bakazi baimwe, n'abaana baimwe, aye entaama dhaimwe, n'embuzi, n'ente, muteekwa okubireka.”

Okuvaayo 10:26

Kale tuli n'okutwala n'ensolo dhaife dhoona, aghazira kulekaku naire ndala. Tuli n'okudhitwala, kuba tuli n'okudhikozesa mu kusinza Musengwa Katonda. Ate, nga tukaali kutuuka ghale ghe tuja okusinziza, titughanga kumanha nsolo ki dhe tuteekwa okughaayo.”

Ebikolwa by'Abatume 7:15

Yakobo yaikirira e Misiri ye yafiira ni badhaadha baife.

1 Samueli 12:8

Yakobo bwe yaja e Misiri n'ab'endhu ye, memale Abamisiri ni babatuntuza, badhaadha baimwe abo baalirira Musengwa Katonda. Era Musengwa Katonda yaatuma Musa ni Aaroni, baatoola badhaadha baimwe abo e Misiri, baabaleeta okuba mu nsi eno.