Amainhama 46:34 - Baibuli Ekibono kya Katonda 2014

³⁴ Munaamwiramu muti, ‘Ife abagheereza bo, tubaire baayi okuva mu buto bwaife n'okutuusa mpegaano, ng'oti ni badhaadha baife bwe baali’—olwo musobole okuba mu kiketezo ky'e Gosheni, kuba kya muzizo eri Abamisiri okuba aghalala n'abaayi.”

Amainhama 46:34 ပူးပေါင်းရင်းမြစ်များ

Amainhama 13:7

Kale ghaabangagho okusoola ghagati gh'abaayi ab'ente dha Aburamu n'abo abaayayanga edha Loti. Mu biseera ebyo Abakanaani n'Abaperizzi nga n'abali mu nsi eyo.

Amainhama 13:8

Agho Aburamu yaakoba Loti ati: “Nze n'iwe tuli baaluganda. Ka tulobe kusoola, oba waire abaayi abange okusoola n'ababo.

Amainhama 26:20

abaayi ab'e Gerari baakaayana n'abaayi ba Isaaka, nga bakoba bati: “Amaadhi gano gaife.” Isaaka yaatuuma ensulo eyo eriina Eseki, kuba baakaayana naye.

Amainhama 30:35

Aye ku lunaku olwo, Labani yatoolamu embuzi enume edh'emyalaala n'edha bitanga, n'embuzi enkazi dhoonadhoona edhaali edh'ebitanga n'obudholodhondho, na kiisi eriku kimyamya kyeru, era n'entaama dhoonadhoona endhirugavu, yaadhigemya batabane be okudhirabirira.

Amainhama 34:5

Yakobo yaawulira nga Shekemu yasobya ku mughala we Dina, aye olw'okuba batabane baali bakaali mu kyayiro n'ensolo dhe, yaasirika okutuusa lwe baira.

Amainhama 37:12

Agho baganda ba Yosefu bwe baali bajiire e Shekemu okwaya ebyayo bya iseibwe,

Amainhama 37:2

Bino n'ebifa ku maka ga Yakobo: Yosefu bweyali nga mwisuka wa myaka ikumi na musanvu, yaayayanga entaama ni baganda be, abaana ba Biliha ni Zilipa abaali baka lata we ab'embali. Yosefu yaaseeghanga eri ise ebibi bye baakolanga.

Amainhama 43:32

Yosefu baamwiwulira wawe yenka, ni baganda be baabaiwulira waibwe, era n'Abamisiri abaalya ku kiiwulo ekyo, boona baabaiwulira waibwe, kuba kyali kya muzizo eri Abamisiri okuliira aghalala n'Abaheburayi.

Amainhama 45:10

Oidha kubanga mu nsi ey'e Gosheni, obenga kumpi ninze, iwe n'abaana bo, ni baidhukulu bo, n'entaama dho, n'embuzi dho, n'ente dho, era ni byonabyona by'oli nabyo.

Amainhama 45:18

mutooleyo iseimwe n'ab'omu maka gaimwe, mwidhe ye ndi. Ndidha kubagha eitaka erisinga bugimu mu Misiri, era munaalyanga ku birungi eby'omu nsi eno.’

Amainhama 46:32

Ndidha kumukobera nti muli baayi, era nti muleese entaama dhaimwe, n'embuzi dhaimwe, n'ente dhaimwe, era n'ebyaimwe byonabyona bye muli nabyo.

Amainhama 47:11

Agho Yosefu yaagha ise ni baganda be eitaka mu nsi y'e Misiri, baasenga aghasinga kuba ghalungi mu kiketezo ky'e Ramesesi, nga kyabazinga bweyalagira.

Amainhama 47:3

Kyabazinga yaababuuza ati: “Mukola mulimo ki?” Baamwiramu bati: “Ife abagheereza bo tuli baayi, ng'oti ni badhaadha baife bwe baali.

Amainhama 47:4

Twidhie okusengaku mu nsi eno, kuba mu nsi y'e Kanaani endhala eriyo nnene, era ezira isubi lya kuliisa byayo byaife. Kale ni mpegaano, tukweghembye, tuganhe tube mu kiketezo eky'e Gosheni.”

Amainhama 47:6

ensi y'e Misiri eri agho. Bate aghasinga kuba ghalungi, babe mu kiketezo eky'e Gosheni. Era oba nga oidhi nga mu abo mulimu abali n'obusobozi, baghe okulabirira ebyayo byange.”

Okuvaayo 8:22

Aye ku lunaku olwo, ekiketezo eky'e Gosheni eyo abantu bange ye baba, nja kukibisa mu nsambo ya ndhawulo. Eyo teja kubaayo bikuukuulu bya nsowera, era olwo mulimanha nga ninze Musengwa Katonda ali kukola ebintu ebyo mu Misiri.

Okuvaayo 8:26

Aye Musa yaamwiramu ati: “Bwetunaakola tutyo tikiibe kituufu, kuba tunaaba nga tuli kughaayo ebintu ebyenhinhasa Abamisiri ng'emisengo ye Musengwa Katonda waife. Era bwe balitubona baja kutwitisa mabaale.