Amainhama 46:26 - Baibuli Ekibono kya Katonda 2014

²⁶ Eizaire lya Yakobo eryaja mu Misiri lyalimu abantu nkaaga na mukaaga (66), nga tobaliireeku baka batabane be.

Amainhama 46:26 ပူးပေါင်းရင်းမြစ်များ

Amainhama 34:30

Yakobo yaakoba Simeoni ni Levi ati: “Mundeeteire obuzibu. Mpegaano Abakanaani n'Abaperizzi n'abandi boonaboona ab'omu nsi eno baja kunkyagha. Ndi n'abantu batono. Kale bale boonaboona bwe balyesoloza ni baanumba, balinsaaniagho n'amaka gange goonagoona.”

Amainhama 35:11

Era yaamukoba ati: “Ninze Katonda Aghanga ebintu byonabyona. Zaala abaana kamaala, mweyongere obungi amaghanga kamaala galisimuka mu iwe, era oliba dhaadha wa bakyabazinga.

Okuvaayo 1:1

Gano n'amaina aga batabane ba Yakobo be yaja nabo mu Misiri, nga buli muntu aja n'ab'omu maka ge:

Okuvaayo 1:5

Yosefu baamwagaanayo mu Misiri, kale abantu boonaboona abaali basimuka mu Yakobo baaba nsanvu.

Ebikolwa by'Abatume 7:14

Yosefu yaayetesa Yakobo, lata we, n'ab'ekika kye boonaboona, abantu nsanvu na bataanu.

Amateeka Agokubiri 10:22

Ebiseera badhaadha baimwe bye baajiiramu e Misiri baali abantu nsanvu bonka. Aye mpegaano Musengwa Katonda waimwe abafiire bangi ng'oti n'emuunienie edh'oku igulu.”

Abalamuzi 8:30

Yaazaala abaana ab'obulenzi nsanvu, kuba yali n'abakazi kamaala.