Amainhama 46:2 - Baibuli Ekibono kya Katonda 2014

² Katonda yaayogera ni Isiraeli oyo, nga amubonekeire obwire, yaakoba ati: “Yakobo, Yakobo!” Yakobo yaavugira ati: “Ndi ghano!”

Amainhama 46:2 ပူးပေါင်းရင်းမြစ်များ

Amainhama 15:1

Ebyo nga bimaze okubaagho, Aburamu yaawulira Musengwa Katonda mu kirooto, ng'amukoba ati: “Aburamu, otatya. Nze ndidha kubanga ngabo yo nkuwonie ebizibu, era ndidha kukugha empeera nnene.”

Amainhama 15:13

Musengwa Katonda yaamukoba ati: “Baidhukulu bo balija mu nsi etali yaibwe, baaba eyo nga bairu, era baanhigirizibwa inho okumala emyaka bikumi bina.

Amainhama 20:3

Aye Katonda yaabonekera Abimeleki mu kirooto obwire, yaamukoba ati: “Bona, oidha kufa olw'okutwala omukazi oyo, kuba muka musaadha.”

Amainhama 22:1

Ebyo nga biwoire, Katonda yaaleba Aburahamu yaamweta ati: “Aburahamu!” Aburahamu yaavugira ati: “Ndi ghano.”

Amainhama 22:11

Aye malaika wa Musengwa Katonda ng'ali mu igulu yaamweta ati: “Aburahamu, Aburahamu!” Aburahamu yaavugira ati: “Ndi ghano!”

Amainhama 31:11

Malaika wa Katonda yandheta ati, ‘Yakobo!’ Naavugira nti, ‘Ndi ghano!’

2 Ebyomubyanda 26:5

Yeeghaayo yaagheerezanga Katonda, ebiseera byonabyona Zekaria eyamwegeresa okutyanga Katonda oyo bye yamala ng'akaali mulamu. Era Musengwa Katonda yaaleetera Uzzia ebintu okumujiiranga obukalamu, ekiseera kyonakyona Uzzia oyo kye yamala ng'amugheereza.

Yobu 4:13

Nali mu kulogootana obwire, endoolo enhingi einho nga dhingemye.

Danieli 2:19

Obwire obwo Katonda yaayoleka Danieli ekyama ekyo mu kubonekerwa. Era Danieli oyo yaasaaka Katonda ow'eigulu,

Zekaria 1:8

Naabona malaika wa Musengwa Katonda ng'ali kuvuga embalaasi emyufu, ng'agyemereiza mu miti egy'ebisaka egyali mu kiiko. Einhuma we yaliyo embalaasi edhindi emyufu, n'edha kikuusikuusi, n'endheru.

Okubala 12:6

Yaakoba ati: “Muwulire kye nkoba, bweghabaagho omulanzi mu imwe, nze Musengwa Katonda mwene mmweyoleka mu kubonekerwa, era naayogera naye mu kirooto.

Okubala 24:4

Bino n'ebibono by'oyo awulira Katonda by'ayogera, ebibono by'oyo atenduka aye n'asigala ng'amoga, n'abona okubonekerwa kw'oyo Aghanga Ebintu Byonabyona.

Ebikolwa by'Abatume 10:13

Yaawulira eiroboozi nga limukoba liti: “Petero, situka, oite, olye.”

Ebikolwa by'Abatume 10:3

Lwali lulala, esaawa ng'oti mwenda edh'omusana malaika wa Katonda yaamubonekera bukalamu era yaamweta ati: “Korunelio.”

Ebikolwa by'Abatume 16:9

Obwire Paulo yaabonekerwa. Yaabona omuntu ow'omu Makedonia ng'ayemereire nga amweghemba ati: “Somoka e Makedonia otubeere.”

Ebikolwa by'Abatume 9:10

Mu Damasiko mwalimu Omwegeresebwa nga ayetebwa Anania. Musengwa yaamubonekera yaamweta ati: “Anania.” Yairamu ati: “Ndi ghano Musengwa.”

Ebikolwa by'Abatume 9:4

Yaagwa ghansi era yaawulira eiroboozi nga limukoba liti: “Saulo, Saulo! Lwaki onkiriga?”

Abalamuzi 7:2

Musengwa Katonda yaakoba Gideoni ati: “Abantu abali n'iwe babitiriire obungi, nze okubagha okughangula Abamidia, kuba baghanga okuneesuutiraku nga bakoba bati baghangwire lwa maani gaibwe.

Abalamuzi 7:9

Mu bwire obwo, Musengwa Katonda yaakoba Gideoni ati: “Situka, oje olumbe Abamidia mu weema dhaibwe mbakughaire obaghangule.

1 Samueli 3:10

Agho Musengwa Katonda yaidha yaayemerera agho, yaayeta nga bwe yakola ku mikuzi gire egindi, ati: “Samueli, Samueli.” Samueli yaamukoba ati: “Musengwa Katonda yogera, omwiru wo ali kuwulira.”

1 Samueli 3:4

Agho Musengwa Katonda yaayeta ati: “Samueli, Samueli!” Samueli yaavugira ati: “Wangi.”