Amainhama 45:2 - Baibuli Ekibono kya Katonda 2014

² Yaawowoola inho, n'Abamisiri baawulira, era n'ab'omu kisaagaati kya kyabazinga baakimanhaku.

Amainhama 45:2 ပူးပေါင်းရင်းမြစ်များ

Amainhama 42:24

Agho Yosefu yaava ghe bali, yaaja, yaalira amaziga. Bwe yawoleera, yairayo ye bali, yaayogera nabo. Era yaalondamu Simeoni, yaamusiba nga babona.

Amainhama 43:30

Yosefu yaavaagho mangu, kuba omwoyo gwe gwamulumira muganda we. Kale yanoonia gh'anaalirira amaziga. Agho yaingira mu kisenge kye yaalirira omwo.

Amainhama 45:14

Agho Yosefu yaagwa muganda we Benjamini mu kifuba, era yaalira amaziga. Benjamini yeena yaalira amaziga ng'amwevumbye.

Amainhama 45:15

Yosefu yaagwa baganda be boonaboona mu bifuba, ng'ali kulira amaziga. Ebyo bwe byawa, baganda be baatoolera okughaya naye.

Amainhama 46:29

Yosefu yaategeka ekigaali kye eky'omu lutalo, y'aja e Gosheni okwagaanana ni Isiraeli ise. Bwe baayagaanana, Yosefu yaagwa ise mu kifuba, era yaalira amaziga okumala entangama.

2 Bakyabazinga 20:3

“Wo Musengwa Katonda, nkweghemba oidhukire nga bwe mbairenga omwesigwa y'oli, nga ngondera by'ondagira n'omwoyo mulala, era nga nfuba buliidho okukola by'osiima.” Hezekia oyo yaatimbuka, yaalira inho amaziga.

Zekaria 12:10

“Era ndita mu baidhukulu ba Daudi ni mu bantu ab'omu Yerusalemu abandi boonaboona, omwoyo omusaasizi era ogwenda einho okusinza. Kale bwe baliringa ku ole ye baafumita, balimulira ng'oti n'omuntu alira omwana we y'abaire naye yenka ati. Baliwowoola ng'oti n'omuntu alira omwana we omuberi.

Okubala 14:1

Agho abantu boonaboona baakuba empungu era baagegenga obwire obwo.

Ebikolwa by'Abatume 20:37

Boonaboona baalira, baamwevumba, baamunhwegera.

Ruthi 1:9

Musengwa Katonda abaghe buli muntu abayire omusaadha owundi era afune amaka ge.” Agho yaabanhwegera ng'abasiibula, aye bombi baatoolera okulira amaziga.