Amainhama 45:15 - Baibuli Ekibono kya Katonda 2014

¹⁵ Yosefu yaagwa baganda be boonaboona mu bifuba, ng'ali kulira amaziga. Ebyo bwe byawa, baganda be baatoolera okughaya naye.

Amainhama 45:15 ပူးပေါင်းရင်းမြစ်များ

Amainhama 29:11

Agho yaagwa Rakeli mu kifuba, yaasangaala inho, era yaakuba n'omuzira.

Amainhama 29:13

Labani bweyawulira ati Yakobo omwana wa mwanhina aidhie, yaalumuka, yaaja okumusangaaza. Yaamugwa mu kifuba era yaamwevumba, yamwingiza mu ndhu ye. Yakobo yaakobera Labani ebimufaaku byonabyona.

Amainhama 33:4

Aye Esau yaalumuka okuja okumwagaana, yaamugwa mu kifuba era yaamwevumba, bombi baalira amaziga.

Amainhama 42:24

Agho Yosefu yaava ghe bali, yaaja, yaalira amaziga. Bwe yawoleera, yairayo ye bali, yaayogera nabo. Era yaalondamu Simeoni, yaamusiba nga babona.

Amainhama 45:14

Agho Yosefu yaagwa muganda we Benjamini mu kifuba, era yaalira amaziga. Benjamini yeena yaalira amaziga ng'amwevumbye.

Amainhama 45:16

Amawulire ag'okwidha kwa baganda ba Yosefu bwe gaatuuka mu kisaagaati kya kyabazinga, kyabazinga n'abakungu be baasangaala inho.

Amainhama 45:2

Yaawowoola inho, n'Abamisiri baawulira, era n'ab'omu kisaagaati kya kyabazinga baakimanhaku.

Amainhama 46:29

Yosefu yaategeka ekigaali kye eky'omu lutalo, y'aja e Gosheni okwagaanana ni Isiraeli ise. Bwe baayagaanana, Yosefu yaagwa ise mu kifuba, era yaalira amaziga okumala entangama.

2 Samueli 14:33

Olwo Yoabu n'okuja ye kyabazinga n'amukobera. Era kyabazinga yaayetesa Abusalomu aje y'ali. Abusalomu yaaja ye kyabazinga, yaakuba amakiryaivu era yaakutama n'ekyeni kyatuuka ku itaka. Kyabazinga yaamunhwegera.

Zabbuli 77:4

Obwire bwonabwona tanganha kutenduka ku ndoolo naire; ndi mweraliikirivu tisobola na kwogera.

Okuvaayo 4:27

Musengwa Katonda yaakoba Aaroni ati: “Ja mu irungu osangaaze Musa.” Kale yaaja yaayagaana Musa ng'ali ku lusozi lwa Katonda. Era bweyamwagaana yaamugwa mu kifuba.

Luka 15:20

“Agho yeesitula yaaja ye ise. Aye yali akaali ghalaku, ise yaamulengera era yaamugemerwa enaku yaamulumuukirira, yaamugwa mu kifuba, yaamunhwegera.

Ebikolwa by'Abatume 20:37

Boonaboona baalira, baamwevumba, baamunhwegera.

Ruthi 1:14

Agho kabiri baayongera okulira amaziga. Orupa yaanhwegera inhazaala we, yaamusiibula, aye Ruthi yaasigala ng'akeegemye ku inhazaala we.

Ruthi 1:9

Musengwa Katonda abaghe buli muntu abayire omusaadha owundi era afune amaka ge.” Agho yaabanhwegera ng'abasiibula, aye bombi baatoolera okulira amaziga.

1 Samueli 10:1

Agho Samueli yaatoola akadoome k'omuzigo ogw'ebibala eby'emiti emyoliva, yaafuka omuzigo ku mutwe gwa Saulo, era yaamugwa mu kifuba ng'akoba ati: “Musengwa Katonda akufuseeku omuzigo ogwo obe omukulembeze ow'abantu be Abaisiraeli. Oidha kufuganga abantu ba Musengwa Katonda, era oidha kubawonianga abazigu baibwe ababeezungulwire. Era kano n'akamanhiso akakakasa nga Musengwa Katonda akusiize omuzigo obe omukulembeze w'abantu be.

1 Samueli 20:41

Omwisuka olwamala okuja ati, Daudi yaasituka okuva einhuma w'emungo ey'amabaale. Yaakutama n'ekyeni kyatuuka ku itaka emikuzi esatu, ng'ali ku makiryaivu. Agho baanhwegeragana bombi nga bwe balira, okutuusa Daudi bwe yamala n'aguma.