Amainhama 44:20 - Baibuli Ekibono kya Katonda 2014

²⁰ Twakwiramu tuti, ‘Tuliyo n'iseife era nga mukaire, ni muganda waife omuto, eyazaalibwa nga iseife akairiighe. Muganda w'omwana oyo yafa, era oyo ni yenka asigairegho ku baana ba inhina, era ise amwenda inho.’

Amainhama 44:20 ပူးပေါင်းရင်းမြစ်များ

Amainhama 35:18

Bwe yali ng'ali kumpi okufa, kuba yali ali kufa, yaatuuma omwana eriina Benoni, ekitegeeza, “Omwana ye nzaaliire mu bulumi.” Aye ise w'omwana yaamutuuma eriina Benjamini, ekitegeeza, “Omwana aliba ow'enkabi.”

Amainhama 37:19

Owundi yaakoba baine ati: “Bona omuloosi ow'ebirooto wuuyo ali kwidha.

Amainhama 37:3

Isiraeli yayendanga inho Yosefu okusinga abaana be abandi boonaboona; kuba oyo ni ye yazaala mu bukaire. Yaamutungira ekivaalo eky'endhawulo nga kya mikono mireeyi.

Amainhama 42:13

Baakoba bati: “Ife abagheereza bo, twali aboluganda ikumi na babiri, nga tuli baana ba musaadha mulala mu nsi ey'e Kanaani. Muganda waife mulala takaaligho, ate ole asembayo obuto, asigaireyo ghalala n'iseife.”

Amainhama 42:36

Iseibwe Yakobo yaakoba ati: “Muumazeeku abaana bange: Yosefu takaaligho, ni Simeoni takaaligho. Era mpegaano mwenda kuntoolaku ni Benjamini. Ebyo byonabyona birumya mulala nze!”

Amainhama 42:38

Aye Yakobo yaakoba ati: “Omwana wange taidha kuja n'imwe, kuba muganda we yafa, era mpegaano ni yenka asigairegho. Akabi bwe kalimutuukaku mu lugendo lwe muja okutambula, olwo muliba mundeeteire obughafu obulindhita nze omukaire.”

Amainhama 46:21

Batabane ba Benjamini baali: Bela, ni Bekeri, ni Ashibeli, ni Gera, ni Naamani, ni Ehi, ni Roshi, ni Muppimu, ni Huppimu, ni Aridi.

Amainhama 49:8

Iwe Yuda, baganda bo banaakusaakanga. Abazigu bo onaabaghangulanga. Baganda bo banaakukubiranga amakiryaivu.

Luka 7:12

Bwe yali ng'ali kumpi okutuuka ku mulyango ogw'ekibuga, ghaabaagho omulambo gwe baali bafulumya. Omufu yali nga yazaalibwa mulala ati ku inhina, ate ng'ono yali namwandu era abantu ab'ekibuga abaaligho baali kamaala.