Amainhama 44:2 - Baibuli Ekibono kya Katonda 2014

² Ta n'ekikopo kyange ekya feeza ku munwa gw'ensawo ey'oyo asembayo obuto, era oteemu n'empiiya dhe dh'aguziiza engaano.” Omugheereza yaakola nga Yosefu bw'amukobye.

Amainhama 44:2 ပူးပေါင်းရင်းမြစ်များ

Amainhama 42:20

Memale olwo mundeetere muganda waimwe asembayo obuto. Ekyo n'ekirikakasa nga bye mukobye bya mazima, era olwo ndobe kubaita.” Baaganha okukola batyo.

Amainhama 42:25

Yosefu yaalagira okwidhuza ensawo dha baganda be engaano, n'okwiriza kiisi mulala empiiya dhe mu nsawo ye, era n'okubagha eby'okuliira mu lugendo. Ekyo kyakolebwa.

Amainhama 43:32

Yosefu baamwiwulira wawe yenka, ni baganda be baabaiwulira waibwe, era n'Abamisiri abaalya ku kiiwulo ekyo, boona baabaiwulira waibwe, kuba kyali kya muzizo eri Abamisiri okuliira aghalala n'Abaheburayi.

Amainhama 44:1

Agho Yosefu yaalagira omugheereza we ati: “Ta mu nsawo dh'abasaadha abo emere yoonayoona ye baghanga okwetwika, era ote empiiya dha buli muntu ku munwa gw'ensawo ye.

Amainhama 44:12

Omugheereza wa Yosefu yaaja ng'ayaza n'obwegendereza, ng'asookera ku asinga obukulu, yaamalira ku asembayo obuto. Yaayagaana ekikopo mu nsawo ya Benjamini.

Amainhama 44:3

Bwe bwakya enkyo, aboluganda baasiibulwa nga bali n'endogoyi dhaibwe.

Matayo 10:16

“Bona, ndi kubatuma, nga muli oti ntaama ghagati mu misege. Kale ni mube bakabwidhibwidhi ng'emisota, ng'ate muli bawolu ng'oti njiibwa.

2 Ab'e Korintho 8:8

Kino tikikoba ng'ekiragiro, aye nhenze okubalaga obufubi obw'abandi, mukakase oba nga okugonza kwaimwe kutuufu.

Amateeka Agokubiri 13:3

mutamuwulirisanga, kuba Musengwa Katonda waimwe aidha kubanga ng'ali kubaleba bulebe, abone oba nga mumugonza n'omutima gwaimwe gwonagwona, n'omwoyo gwaimwe gwonagwona.

Amateeka Agokubiri 8:16

Yabagha mannu mwalya mu irungu, emere badhaadha baimwe ye baali nga tibalyangaku.

Amateeka Agokubiri 8:2

Era muteerabiranga nga Musengwa Katonda waimwe bweyabakulemberamu mu lugendo lwonalwona, emyaka gino amakumi ana mu irungu, ng'agendereramu okubafuula abawulize. Era yaabaleba, asobole okumanha ekiri mu myoyo gyaimwe, abone oba nga munaakuumanga ebiragiro bye.