Amainhama 44:18 - Baibuli Ekibono kya Katonda 2014

¹⁸ Agho Yuda yaaja aghali Yosefu, yaakoba ati: “Musengwa wange, nkweghembye nganha, nze omwiru wo ndhogereku n'iwe. Otansungughalira, kuba oli ng'oti ni kyabazinga mwene.

Amainhama 44:18 ပူးပေါင်းရင်းမြစ်များ

Amainhama 18:30

Aburahamu yaakoba ati: “Wo Musengwa Katonda otansungughalira, ndidha kwogera kabiri: Aye bwe kiba nga eriyo makumi asatu?” Musengwa Katonda yairamu ati: “Tiidha kukizikiriza bwe nnaayagaanayo amakumi asatu.”

Amainhama 18:32

Aburahamu yaakoba ati: “Wo Musengwa, otansungughalira, ndidha kwogera mukuzi guno gwonka. Aye bwe kiba ng'eriyo ikumi bonka?” Musengwa yairamu ati: “Tiidha kukizikiriza olw'abatuufu eikumi abo.”

Amainhama 37:6

Yabakoba ati: “Muwulire ekirooto kino kye naloose:

Amainhama 37:7

Twabaire tuli kusiba ebinhwa by'engaano mu nimiro, okuja okubona ng'ekinhwa ekyange kisituka nga kyesimba. Agho ebinhwa ebyaimwe byaidha byezungulula ekyange era byakikubira amakiryaivu.”

Amainhama 37:8

Baganda be baamubuuza bati: “Olowooza oti iwe olifuuka kyabazinga waife, era waatufuga?” Kale beeyongera okumukyayira irala olw'ebirooto bye, n'olw'ebibono bye.

Amainhama 41:40

Oidha kulabiriranga ensi yange, era abantu bange boonaboona baidha kukuwulirangaku. Nze zenka, ninze nnaakuwulangaku okuba n'obuyinza.”

Amainhama 41:44

Kyabazinga yaakoba Yosefu ati: “Ninze kyabazinga, era mu nsi eno Misiri ghazira muntu waire omulala ati aligolola mukono gwe, oba okusitula ekigere kye nga tomwikiriiza.”

Amainhama 44:17

Aye Yosefu yaakoba ati: “Busa! Tisobola kukola kintu kiri ng'oti n'ekyo. Oyo yenka ayagaaniibwa n'ekikopo, n'anaaba omwiru wange. Aye imwe abandi mwireyo bwera eri iseimwe.”

2 Samueli 14:12

Omukazi yaakoba kyabazinga ati: “Nkusaba nze omwiru wo omukazi, ndhogereyo ekibono ekindi eri iwe Isebantu kyabazinga.” Kyabazinga yaamukoba ati: “Yogera.”

Yobu 33:31

“Mpegaano ni Yobu, wulirisa bye nkoba; sirika ondeke ndhogere.

Zabbuli 79:5

Wo Musengwa Katonda, oja kutusungughalira kutuusa li? Byanda na byanda? Enkikidi y'oli nayo olw'abantu bo eneeyongera kwaka bwake ng'oti muliro?

Okuvaayo 32:22

Aaroni yaamwiramu ati: “Musengwa Katonda wange, otansungughalira bujiiririire, kuba oidhi bukalamu ng'abantu bano bwe benda einho okwonoona.

Ensambo 19:12

Kyabazinga bw'asungughala aba ng'oti n'empologoma eri kuwologoma, aye ekivunika kye kiri ng'oti n'omusulo ogughegheeza ebisimbe ni birama.

Danieli 3:15

Mpegaano ni, oba nga olunaawulira muti okuvuga okw'endeka, n'endere, n'endingidi, n'endongo, n'entongooli, n'ebivuga ebindi, munaaba beetegefu okweyala ghansi musinze ekiwumbe kya zaabu kye nakola, olwo ghazira kabi kaidha kubatuukaku. Aye bwe munaaloba okukisinza, baidha kubasuula mangu ago mu kikoomi ekiri kugeigera omuliro. Ghaligho katonda yeenayeena anaabawonia nabatoola mu buyinza bwange?”

Danieli 5:19

Era olw'okuba yamugha okuba omukologho, ekyo kyaleetera abantu boonaboona, abava mu maghanga goonagoona, era aboogera enimi dhoonadhoona, okumutyanga n'okudhugumiranga mu maiso ge. Oyo ye yayendanga okwita ng'amwita, ate ye yayendanga okulekagho ng'akaali mulamu ng'amulekagho ng'akaali mulamu. Oyo ye yayendanga akugha ekitiisa ng'akimugha, ate ye yayendanga okukimutoolaku ng'akimutoolaku yaamuleetera okunhoomebwa.

Yoanne 5:22

Lata tasalira musango muntu yeenayeena. Okusalira omusango omuntu kwonakwona kuli mu buyinza bwa Mwana.

Ebikolwa by'Abatume 2:29

“Baganda bange, ndidha kwogera ku dhaadha Daudi nga titya. Yafa yaaziikibwa n'amagombe ge gali ghano n'okutuusa olwaleero.