Amainhama 44:16 - Baibuli Ekibono kya Katonda 2014

¹⁶ Yuda yaakoba ati: “Tunaakukoba ki musengwa? Tunaayogera ki? Oba tunaawoza tutya? Katonda ayoleike nga gutusinze. Mpegaano tuli bairu bo, musengwa, ife era n'oyo ayagaaniibwa n'ekikopo.”

Amainhama 44:16 ပူးပေါင်းရင်းမြစ်များ

Amainhama 37:7

Twabaire tuli kusiba ebinhwa by'engaano mu nimiro, okuja okubona ng'ekinhwa ekyange kisituka nga kyesimba. Agho ebinhwa ebyaimwe byaidha byezungulula ekyange era byakikubira amakiryaivu.”

Amainhama 37:9

Yosefu era yaaloota ekirooto ekindi, yaakikobera baganda be ati: “Naloose ekirooto ekindi, ng'endhuba, n'omwezi, n'emuunienie ikumi na ndala biri ku nkubira amakiryaivu.”

Amainhama 44:17

Aye Yosefu yaakoba ati: “Busa! Tisobola kukola kintu kiri ng'oti n'ekyo. Oyo yenka ayagaaniibwa n'ekikopo, n'anaaba omwiru wange. Aye imwe abandi mwireyo bwera eri iseimwe.”

Amainhama 44:32

Ate era nze omugheereza wo neeyama eri lata wange, okukuuma omwisuka oyo, nga nkoba nti, ‘Bwe ntalimwiza y'oli, omusango gubanga ku nze enaku dhoonadhoona edh'obulamu bwange.’

Amainhama 44:9

Isebo, oyo yeenayeena, ku ife abagheereza bo, anaayagaanibwa nga n'ali nakyo, anaitibwa. Era n'ife abasigairegho tunaaba bairu bo.”

1 Bakyabazinga 17:18

Agho omukazi yaakoba Eliya ati: “Ondiku nzigu yaaki, iwe omuntu wa Katonda? Waidha ghano kwidhusa Katonda bibi byange, na kwitisa mwana wange?”

Ezera 9:10

Wo Katonda waife, mperaano tunaakoba ki ng'ebyo byonabyona bimaze okubaagho? Tuviire ku biragiro byo,

Ezera 9:15

Wo Musengwa Katonda wa Isiraeli, iwe osala mu butuufu, aye watusaasira twawonagho okutuusa ni mperaano. Bona, tuli ghano mu maiso go nga tuliku omusango, ate nga titugwaniire na kwemerera mu maiso go olw'omusango ogwo.”

Yobu 40:4

“Nze bwendi era bwendi, nnaakwiramu ntya? Ka ngeme bwa ku munwa, nsirike busirike.

Ensambo 17:15

Musengwa Katonda yeenhinhata oyo eyeedheereza omubi eyaiza omusango, n'oyo asalira omutuufu omusango okumusinga ate nga tagwizanga.

Ensambo 28:17

Omuntu bw'atemula mwine aba yeesimiire mwene amagombe amangu ago, era ghatabangagho amuyamba.

Isaia 27:9

Aye Abaisiraeli balisoniyibwa ebibi byaibwe, nga bamaze okumenhamenha alutaari dh'emisambwa n'okusekulasekula amabaale gaadho ni gafuuka ensaano. Era nga bamaze okukomya okuniokezanga obubbaani ku alutaari edho, era nga basaaniizaagho kiisi kamanhiso akooleka omusambwa omukazi Ashera.

Isaia 5:3

Mukagwa wange oyo mperaano akoba ati: “Kale ni, imwe abatyamye b'omu Yerusalemu n'ab'omu Buyudaaya, mbasaba mutusalire omusango ghagati ghange n'eisamba lyange eryo ery'emizabbibu.

Danieli 9:7

Wo Musengwa, iwe buliidho okola ebituufu, aye ife buliidho twakola bwa bituleetera kuswala, nga bwekiri n'okutuusa mpegaano. Ekyo kiri ku twenatwena ng'otwaliizaamu: abantu ab'omu Buyudaaya, n'ab'omu Yerusalemu, n'Abaisiraeli boonaboona abali okumpi n'abali eghala, eyo mu nsi dhoonadhoona ye wabasansaaniza olw'obutaba beesigwa y'oli.

Okubala 32:23

Aye bwemutaakole mutyo, mukimanhe nti munaaba mukoze ekibi eri Musengwa Katonda, era nga bwenebwene muja kubonerezebwa olw'ekibi ekyo.

Matayo 7:2

kuba nga bwe musalira abandi omusango, mwena bwe gulibasalirwa, era n'ekipimo kye munaapimirangamu banaimwe, mwena n'ekiribapimirwamu.

Luka 12:2

Ezira kighembeibwaku kitalighembulwa, era n'ekigisiibwa ekitalimanhibwa.

Ebikolwa by'Abatume 2:37

Ebyo bye baawulira byabafumita ku myoyo, baakoba Petero n'Abatume abandi bati: “Baganda baife, tukole ki?”

Amateeka Agokubiri 25:1

Musa yaakoba Abaisiraeli ati: “Ghasobola okubaagho Abaisiraeli babiri nga bali n'enkaayana ghagati ghaibwe. Baaja y'abalamuzi baabagha ensala owundi yaasinga omusango, ate owundi gwamusinga.

Yoshua 7:1

Musengwa Katonda yalagira Abaisiraeli okuzikiriza Yeriko n'ebikirimu byonabyona. Aye omusaadha eyayetebwanga Akyani tiyagondera kiragiro ekyo, yaatwala ku bintu ebyali biri n'okuzikirizibwa. Akyani ono yali mutabane wa Karumi era mwidhukulu wa Zabudi, era mwidhukulu wa Zera ow'ekika kya Yuda. Agho obusungu bwa Musengwa Katonda bwayakira ku Baisiraeli ng'oti muliro.

Yoshua 7:18

Mu ndhu ya Zabudi yaayetamu abasaadha abaalimu, nga buli musaadha aidha lulwe. Akyani mutabane wa Karumi, era mwidhukulu wa Zabudi yaalondebwamu.

Abalamuzi 1:7

Adonibezeki oyo yaabakoba ati: “Bakyabazinga ensanvu be natemaku ebyala ebisaadha n'ebigere ebisaadha, baasolozanga obukunkumuka bw'emere ghansi gh'emeeza yange. Mpegaano Katonda aneesasuliizaaku olw'ekyo kye nabakola.” Agho baamutwala e Yerusalemu, yaafiira eyo.