Amainhama 43:9 - Baibuli Ekibono kya Katonda 2014

⁹ Nze neeyamye okumukuuma, olimubuuza nze. Bwe ntalimwiza y'oli, ni mmuta mu maiso go nti, omusango gubanga ku nze enaku dhoonadhoona.

Amainhama 43:9 ပူးပေါင်းရင်းမြစ်များ

Amainhama 31:39

Entaama eyaitibwanga ensolo tyagikuleeteranga, aye nze neefiirizanga naakwirizaagho enamu ku dhange. Era eyo eyaibibwanga waire omusana oba obwire, wandagiranga okugikwirizaagho.

Amainhama 42:37

Reubeni yaakoba ise ati: “Iwe ngemya Benjamini, ndidha kumwiza y'oli. Aye bwe ntamwizanga y'oli, oitanga batabane bange bombi.”

Amainhama 43:10

Ngoli titwalwa, mpegaano twandibaire nga twakairayo emikuzi ebiri.”

Amainhama 9:5

Ole bw'anaazikirizanga obulamu obw'omuntu, aidha kuvunaanibwanga era abonerezebwe. N'ensolo dhoona dhiidha kubonerezebwanga olw'okuzikiriza obulamu obw'omuntu.

2 Samueli 14:9

Omukazi yaakoba kyabazinga ati: “Isebantu kyabazinga, omusango ka gubenga ku nze ni ku b'endhu ya lata wange, aye iwe n'ab'omu kisaagaati kyo eky'obwakyazinga batabangaku musango naire.”

1 Bakyabazinga 1:21

Bw'otaakole otyo, kiidha kuba nti iwe musengwa wange kyabazinga olulimala okufa ni weeyimba ku badhaadha bo, nze ni mutabane wange tuja kubalirwa mu bantu ababi.”

Yobu 17:3

“Wo Katonda, niiwe obe onteeregho akabega, ghazira wundi anampolerezaayo.

Zabbuli 119:122

Otandekulira bwagho aye mbeera nze omugheereza wo; otaganha abo abeekuluntaza kuunhigiriza.

Ezekieli 3:18

Bwe nkoba omuntu omukozi w'ebibi nti, ‘Bwenebwene oidha kufa,’ aye iwe n'otalabula muntu oyo kuva mu bibi bye asobole okuwonia obulamu bwe, omuntu oyo alifiira mu bibi bye. Aye omusango ogw'okufa kwe ndiguta ku iwe.

Ezekieli 3:20

“Ate omuntu akola ebituufu bw'akyuka n'ava ku kukola ebituufu n'akola ebibi, era zeena ni mmuleka obuleke yeekontole agwe, omuntu oyo bw'otalimulabula aja kufiira mu bibi bye. N'ebikolwa ebirungi by'aliba akoze tija kubiraadha naire. Ate omusango ogw'okufa kwe ndiguta ku iwe.

Ezekieli 33:6

Aye omukuumi bw'abona olutalo nga luli kwidha, n'atafuuwa igwala kulabula bantu, olutalo ni lwidha era owundi ku bantu abo n'afiiramu ng'ali mu bibi bye, olwo omusango ogw'okufa kwe ndiguta ku mukuumi oyo.

Ezekieli 33:8

Bwe nkoba omuntu yeenayeena omukozi w'ebibi nti, ‘Iwe omubi, bwenebwene oidha kufa’, memale n'otayogera kumulabula akyuke aleke ebibi bye, omuntu oyo alifiira mu bibi bye. Aye omusango ogw'okufa kwe ndiguta ku iwe.

Luka 11:50

Kyova ab'oluse luno balibuuzibwa omusaayi ogw'abalanzi boonaboona gwe baafuka okuva ku kwinhama okw'ensi,

Abaheburayi 7:22

Kino kifuula Yesu okugha obweyamo okubona ng'endagaano esinga bukalamu etuukirizibwa.